Jendartea  Leioa  Sopela 2017-08-07 17:00

Gazte bat atxilotu dute sakelako telefonoa mehatxuz lapurtzea egotzita

Gazte bat atxilotu dute sakelako telefonoa mehatxuz lapurtzea egotzita

Ertzaintzak 16 urteko gizonezko bat atxilotu zuen zapatu arrastian, Leioan, larderia erabilita egindako lapurreta-delitua leporatuta. Ustez, atxilotutako adin txikikoak laban bategaz mehatxu egin zion beste adin txikiko bati, Sopelan, sakelako telefonoa lapurtzeko.

  Jendartea  Getxo  Leioa 2017-08-06 13:56

Itzubaltzetako jaietan emandako eraso matxistak salatuko dituzte arrastian

Itzubaltzetako jaietan emandako eraso matxistak salatuko dituzte arrastian

Itzubaltzetako Emakumeon Asanbladak elkarretaratze bat deitu du gaurko, domekan, Itzubaltzeta/Romoko jaietan "eman diren eraso matxistei erantzuteko". Hitzordua txosnagunean ipini dute, 20:30ean.

  Kultura  Getxo  Leioa 2017-08-02 10:55

Itzubaltzetako jaietan tabernak zarratzeko ordutegia luzatuko du Getxoko Udalak

Itzubaltzetako jaietan tabernak zarratzeko ordutegia luzatuko du Getxoko Udalak

Joan den uztailaren 30ean hasi ziren Itzubaltzetako eta Pinuetako jaiak. Hori dela eta, Itzubaltzeta/Romoko ostalaritzako establezimenduek ohi baino ordubete eta erdiz beranduago zarratzeko baimena izango dute abuztuaren 2tik 6ra. Hala, gaur, eguaztenean eta bihar, eguenean, 1. taldeko lokalak 01:00ak arte egongo dira zabalik; 2. taldekoak 03:00ak arte; eta 4. taldekoak 04:30ak arte. Abuztuaren 4an, barikuan, eta 5ean, zapatuan, berriz, 1. taldekoak 02:30ak arte zabaldu ahal izango dute, 2. taldekoak 04:30ak arte eta 3. taldekoak 06:00ak arte.

  Jendartea  Getxo  Leioa 2017-08-01 15:23

"Erasorik gabeko jaiak" aldarrikatu dituzte Itzubaltzetan

"Erasorik gabeko jaiak" aldarrikatu dituzte Itzubaltzetan

Itzubaltzeta/Romo eta Pinuetako jaiak ospatzeari ekin diote daborduko itzubaltzetarrek. Abuztuaren 6ra arte, "erasorik gabeko jaiez" gozatzeko deia egin zuten atzo Itzubaltzetako Emakumeon Asanbladak (IEA), jai-batzordeak eta txosna-batzordeak. Balizko erasoak kudeatzeko protokolo bat abiatu dute.

  Jendartea  Leioa 2017-07-28 13:50

Bi lagun zauritu dira Avanzadako istripu hirukoitzean

Gizonezko bi zauritu ziren atzo Bi-637 errepidean, Avanzadan, hiru autoen artean izandako auto-istripuan. Ertzaintzak zabaldu duenez, ezbeharra 15:20ak aldera jazo zen, Leioako udalerriko tartean. Seat Leon, Reanult Trafic eta Volkswagen Caddy modeloetako auto banak talka egin zuten. Zauritu biak Gurutzetako ospitalera eroan zituzten. Errei bat ordu luze batez itxita egon zen, galtzada libre utzi arte.

  Kirolak  Leioa 2017-07-24 19:36

Udako itxiera astebete aurreratu dute Sakonetan

Udako itxiera astebete aurreratu dute Sakonetan

Urtero, Sakoneta kiroldegia abuztuan ixten ohi dute, beharrezko mantenu-lanak egiteko, baina aurten itxiera hori aurreratu egin dute astebete eta gaur egin dute. Horren arrazoia izan da ur-horniduraren sarean izandako matxura bat. Hala, abuztuaren 21era arte itxita egongo da kiroldegia. Egun horretan, gimnasioa eta herritarrentzako arreta-zerbitzua irekiko dituzte. Kirol-ekintzak, ostera, irailaren 1ean hasiko dira.

  Politika  Erandio  Getxo  Leioa  Sopela  Uribe Kosta 2017-07-24 17:39

Sinbolo frankistak geratzen dira Erandion, Getxon, Leioan eta Sopelan

Sinbolo frankistak geratzen dira Erandion, Getxon, Leioan eta Sopelan

Uribe Kostako lau udalerritan ikusgai dago oraindino diktadura frankistaren sinbologia, estatu-kolpe falangistatik 80 urte pasa direnean. Eusko Jaurlaritzak jakinarazi duenez, Bizkaian 18 dira horrelako iruditeria duten udalak, tartean Erandio, Getxo, Leioa eta Sopela. Eskualdean aurkitutako objektu denak lehengo Etxebizitzaren Institutuko plakak dira. Jaurlaritzak horiek kentzeko laguntzak emango ditu.

  Jendartea  Erandio  Getxo  Leioa 2017-07-21 12:42

Sustapen Ministerioari itsasadarreko bidegorrian esku har dezan eskatu dio Ahal Duguk

Sustapen Ministerioari itsasadarreko bidegorrian esku har dezan eskatu dio Ahal Duguk

Jose David Carracedo Elkarrekin Ahal Dugu koalizioaren Bizkaiko diputatuak legez besteko proposamen bat erregistratu zuen Espainiako Kongresuan joan den uztailaren 17an; horren bidez eskatu zuen Espainiako Sustapen Ministerioak finantza dezan Ibaizabalen ondoko BI-711 errepidean bidegorri bat egiteko proiektua. Carracedo bigarren idazkaria ere bada, Espainiako Kongresuko Bide-Segurtasun eta Mugikortasun Iraunkorrerako Batzordean.

  Kirolak  Getxo  Leioa  Urduliz 2017-07-20 13:25

Agustin Ugarteren omenezko IV. triatloia egingo dute zapatuan

Agustin Ugarteren omenezko IV. triatloia egingo dute zapatuan

Zapatu honetan, uztailak 22, Agustin Ugarteren oroimenezko IV. Triatloi Olinpikoa izango da Areetan, Leioan eta Urdulizen, besteak beste. Getxo Triatloi Taldeak eta Trirunners bertako taldeek antolatuta, proba hori modalitate horretako Euskadiko zirkuituaren barruan dago, bigarren urtez. Parte-hartzaileek osatu beharko dituzte 1,5 kilometroko itsasaldia, 40 kilometro ibilbidea txirrindulaz eta 10 kilometroko lasterketa.

  Politika  Leioa 2017-07-19 18:12

Segurtasun Sailak gorroto-delituen gaineko txosten bat egitea eskatu dio EHUri

Segurtasun Sailak gorroto-delituen gaineko txosten bat egitea eskatu dio EHUri

Eusko Jaurlaritzaren Segurtasun Sailak EAEko 2017ko gorroto-delituen inguruko txostena egiteko enkargua eman dio Euskal Herriko Unibertsitateko (EHU) Giza Eskubideen eta Botere Publikoen Katedrari. Leioako campuseko hezkuntza- eta ikerketa-zentroa bi urte daroatza Ertzaintzaren jarraibidea aztertzen eta gai horretan aholku ematen.

  Ekonomia  Leioa 2017-07-19 10:15

LABek begi onez ikusi du doktore berriak kontratatzeko EHUk egin duen deialdia

LABek begi onez ikusi du doktore berriak kontratatzeko EHUk egin duen deialdia

Euskal Herriko Unibertsitateko (EHU) LAB sindikatuak ondo baloratu du Unibertsitatearen Gobernu Kontseiluak pasa den eguenean onartu zuen kontratazio deialdia. Izan ere, batzar horretan “doktorego ondoko prestakuntza programetan sartu arte, doktore berriak kontratatzeko deialdia” onetsi zuten, sindikatuak atzo zabaldu zuenez. Deialdia eten egin zuten pasa den apirilean eta oraingoak zenbait muga izango ditu, LABen arabera.

  Ekonomia  Barrika  Berango  Gorliz  Leioa  Lemoiz  Plentzia  Sopela  Urduliz  Uribe Kosta 2017-07-18 20:02

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Bizkaiko Foru Aldundiko Gobernu Kontseiluak "Udal Gaztedi Uribe Kosta" hitzarmena onetsi du gaur goizean. Hitzarmen hori Barrika, Berango, Gorliz, Leioa, Lemoiz, Plentzia, Sopela eta Urdulizko udalakaz sinatu du Bizkaiko Foru Aldundiak. Gazteen artean enplegu, ekintzailetza, osasun eta ongizate arloko jarduerak sustatzeko, 162.676 euro bideratuko dituzte. Pasa den ekainean, Erandioko Udalagaz sinatu zuen akordioa Aldundiak.

  Kirolak  Berango  Erandio  Leioa 2017-07-18 09:30

Txumaren Nazioarteko Hiru Egunak barikuan hasiko dira

Txumaren Nazioarteko Hiru Egunak barikuan hasiko dira

Datorren barikutik domekara, uztailaren 21etik 23ra, jokatuko da Txumaren Nazio­arteko Hiru Egunak lehiaketa. Kadeteen txirrindularitza-pro­ba mistoaren seigarren edizioa izango da. Erandioko Udalak eta Elkar Kirolak txirrindularitza-eskolak lasterketa berreskuratu zutenetik ohi den legez, nazioarteko parte-hartzaileak ugariak izango dira Erandio­goikoko apaiza izan zen Txuma Olague berangozta­rra omentzen duen proba horretan.

  Jendartea  Leioa 2017-07-17 10:04

Gizon bat atxilotu dute Leioan, lapurreta egotzita

Gizon bat atxilotu dute Leioan, lapurreta egotzita

Ertzaintzak 42 urteko gizonezko bat atxilotu zuen herenegun, zapatuan, Leioako bulego-eraikin batean lapurreta egitea leporatuta. Patruila batek bulego barruan harrapatu zuen ustezko lapurra, sarrerako atearen sarraila bortxatuta zegoela. Atxilotua "delitugile ezaguna da", Ertzaintzak zabaldutakoaren arabera, "behin baino gehiagotan atxilotu izan baitute antzeko lapurretengatik".

  Kultura  Leioa 2017-07-15 12:00

Martxan dago Leioako Pop-rock Lehiaketaren kartela aukeratzeko sariketa

Martxan dago Leioako Pop-rock Lehiaketaren kartela aukeratzeko sariketa

Urtero legez, Leioako Pop-rock Lehiaketaren berri emango duen kartela aukeratzeko sariketa martxan ipini du Aterpe Gazteguneak. Lanak urriaren 20ra arte aurkeztu ahal izango dira, Aldapabarrena kaleko 2. zenbakian.

  Hezkuntza  Leioa 2017-07-14 17:58

EHUk astelehenean hasiko du matrikulazio-epea

EHUk astelehenean hasiko du matrikulazio-epea

Euskal Herriko Unibertsitateak astelehenean, uztailaren 17an, hasiko du matrikulazio-epea. Data horretatik aurrera egin ahal izango dute matrikula ikasle berriek. Bestalde, lehenengo mailatik gorako ikasleek automatrikula egiteko aukera izango dute. Lehenengo mailako matrikula ikastegietan egin beharra dago; automatrikula, ostera, Internet bidez. Modu batera zein bestera, ikasleek euren hitzordua kontsultatu ahal izango dute bihartik aurrera.

  Kirolak  Getxo  Leioa 2017-07-14 12:15

Arenas eta Leioa, Espainiako Futbol Federazioaren zain

Arenas eta Leioa, Espainiako Futbol Federazioaren zain

Datorren denboraldian, Arenasek eta Leioak aurten baino kilometro dezente gutxiago bidaia dezakete, Espainiako Futbol Federazioak datorren eguenean hala erabakiz gero; izan ere, Espainiako Ligaren Bigarren B Mailako Biltzarrak euskal taldeen aldarrikapen historiko bat onartu du: bigarren multzoak bere gain hartzea Hego Euskal Herriko talde denak; gainera, talde berean egongo lirateke Kantabriakoak, Asturiasekoak, Burgosekoak eta Errioxakoak.

  Jendartea  Leioa 2017-07-14 11:16

Sakonetako muskulazio-gela kudeatzeko kontratua luzatuko du Leioako Udalak

Sakonetako muskulazio-gela kudeatzeko kontratua luzatuko du Leioako Udalak

Kontratuen epea amaitzean, horiek luzatu ordez, Klausula Sozialak txertatuko zituzten plegu berriak egitea onartu zuen Leioako Udalbatzak, 2014ko martxoko osoko bilkuran. EH Bilduren bertoko taldeak kritikatu duenez, "azken hiru urteetan onartutako erabakia ez dute bete". Oraingo honetan, Sakoneta kiroldegiko muskulazio-gelaren gestiorako kontratua bukatu ostean, "berriro ere osoko bilkurak hartutako erabakia alde batera utziko dute", zinegotzi ezkertiarrek gaitzetsi dutenez.

  Hezkuntza  Leioa 2017-07-14 10:22

EHUko 16 ikasle ohi "Saltillo" eskola-ontzian joango dira

EHUko 16 ikasle ohi "Saltillo" eskola-ontzian joango dira

Uztailaren 18tik aurrera, "Saltillo" eskola-ontzian nabigatu ahal izango dute EHUalumni ikasle ohien sareko 16 kidek. Interesatuek posta elektroniko bat bidali beharko dute, datu pertsonalakaz, ehualumni@ehu.eus helbidera; inskripzioa egiteko orduan azkarrenek, zortzi bidaiatan parte hartu ahal izango dute uztailean (18an eta 21ean) eta abuztuan (17an, 18an, 20an, 21ean, 22an eta 23an) zehar. Belaontzia Euskal Herriko itsasertz osoan ibiliko da; hala, Bermeon, Getarian, Hondarribian, Pasaian, Mutrikun, Getxon edo Bilbon izango da, besteak beste.

  Hezkuntza  Leioa 2017-07-14 10:04

Unibertsitate-tasak, izoztuta

Unibertsitate-tasak, izoztuta

Unibertsitateko tasak izoztuta mantenduko dira 2017-2018 ikasturte akademikoan. Eusko Jaurlaritzak eskatuta, Euskadiko Unibertsitate Kontseiluak hartu du erabakia: "ikasleek ez dute beren esfortzu ekonomikoa areagotzeko beharrik izango unibertsitate-ikasketak egin ahal izateko", adierazi dutenez.

Nabarmenak

Zorion agurrak