Politika 2010-01-12 11:47

Etzi beteko dira 32 urte David Alvarez Peña hil zenetik

Erabiltzailearen aurpegia Ukberri David Alvarez Peña, ETAko militantea, Lemoizko zentral nuklearraren aurkako ekintza batean zauritu eta hilabete batera hil zen Basurtuko ospitalean. Ostegunean 32 urte beteko dira, Uribe Kostako Amnistiaren Aldeko Mugimenduak Etengabe bitakoraren bitartez gogoratu duenez. 1977ko abenduaren 18an, igandean, lau gazte zentral nuklearraren aurkako atentatua prestatzen ari ziren. Aurreneko tiroa goizeko 6:20ak aldera entzun zen, eta atzenekoa hamar minutu beranduago. Hamar gizon, sei guardia zibil eta lau laguneko komandoa, elkarri tiroka ari ziren. Guardia Zibilaren egoitzako ateari eraso egitera zihoala, hurbileko barrakoi batetik bi agenteek egindako tiroek ezustean harrapatu zuten komandoa. ETAko militanteek ez zituzten bi hauek ikusi. Goizeko 6:30ean dena amaitua zen. David Alvarez Peña lurrean zetzan, oso larri zaurituta. "Behin ospitalean Guardia Zibilen jazarpen eta presioen ondorioz hil zen David", errepresioaren aurkako erakundeak salatu duenez. Argazkian, David Alvarez Peña, bigarrena ezkerretik, adiskideekin mendian / publicdomain Etengabe.
  Kirolak 2009-11-13 19:48

Bihar jokatuko dute Lemoizko Extreme Bodyboard txapelketa

Erabiltzailearen aurpegia Ukberri Astebururako dauden olatu iragarpenak kontutan hartuz, larunbat honetarako deitu du Lemoizko Extreme Bodyboard txapelketa Euskal Herriko Surf Federazioak (EHSF). El Diario Vasco Euskal Bodyboard zirkuituko laugarren eta azken proba dugu, bihar, zentral nuklearreko uretan jokatuko dena. Hala ere, txapela nork jantziko duen erabakita dago jada. Aritz Larrinaga sopeloztarrak matematikoki lortu zuen garaipena, urriaren 17 eta 18an Donostian izandako hirugarren proban. Gainera, Sopelakoak ere badira sailkapen orokorreko hurrengo hiruak: Antonio Ortiz "Hanton", Jon Ander Bengoetxea eta David Perez, hurrenez hurren. Lemoizko uretan 16 bodyboarlari onenak lehiatuko dira, 12:30etik aurrera. Txapelketan 45 minutuko bi txanda izango dira, bakoitzean 8 lagun sarturiko direlarik uretara. Finalera 6 sailkatuko dira, ordubeteko saioa izango dutelarik. Argazkian, Donostiako proban garaipena eskuratu zuen Aritz Larrinagak / © EHSF
  Ekonomia 2009-10-22 21:08

Alakranaren tripulazioa "ahalik eta lasterren" bueltatzea eskatu du Udalarrantzek

Erabiltzailearen aurpegia Ukberri Alakrana atunontziaren askatasuna aldarrikatzeko mobilizazioa izango da bihar eguerdian Bermeoko udaletxearen aurrean. Eta elkarretaratze horrekin bat egin du gaur Udalarrantz Bizkaia eta Gipuzkoako udal arrantzaleen sareak, Europa Press albiste agentziak zabaldu duenez. Udalarrantz sarean, Lemoiz ez ezik Bermeo, Elantxobe, Getaria, Hondarribia, Lekeitio, Mundaka, Mutriku, Ondarroa, Orio, Pasaia, Santurtzi, Zierbena eta Zumaiako udalak ere badaude. Alakranaren tripulazioa "ahalik eta lasterren" etxeratzeko desioa islatu du Udalarrantzek. Bide horretan, "egoera behin betiko konpontzeko" har daitezkeen neurriei babesa eman diete, "kaltetutako arrantza-sektorea" udaletako "gizarte eta ekonomia kolektibo garrantzitsua" izanik. Era berean, "auzokide arrantzaleen" egoeragatik kezka agertu eta elkartasuna adierazi diete bahituen senide eta urkoei.
  Kultura 2009-10-11 21:54

Saharari buruzko jardunaldiak egingo dituzte Armintzan bi aste barru

Erabiltzailearen aurpegia Ukberri Basordapurtu kultur elkartearen eskutik, urriaren 24 eta 25eko asteburuan Saharari buruzko jardunaldiak izango dira Armintzako kultur etxean. "Elkartasuna, herrien arteko xamurtasuna" lelopean, hiru ekimen nagusi bilduko dituzte Saharari buruzko jardunaldietan. Bi egunetan, goizeko 12etatik arratsaldeko 3etara Saharako argazkiak, tresnak eta ohiko jantziak jarriko dituzte ikusgai. Era berean, larunbatean, Joaquin Calderon eta Luis Arellanok 2007an eginiko "Sahara no se vende" filma proiektatuko dute 17:30etik aurrera. Bertan, Saharar herriaren historia, Argeliako hegoaldeko errefuxiatu eremuen egungo egoera, 31 urteko gatazka eta etorkizunerako gakoak kontatzen dira, Tonino Carotone, Manu Chao, Mariam Hassan, Chambao, Gualitxo, Aurora Beltran eta Amparanoiaren musikarekin batera. Igande arratsaldean, berriz, herri sahararrarentzako urteroko janari bilketaren kanpainari hasiera emango diote. Argazkian, Aminetu Haidar giza eskubideen aldeko militantea eta preso politiko ohiak 2006an Bilbon emandako hitzaldia / cc.-by-sa Saharauiak.
  Politika 2009-06-30 15:10

Estrasburgo Batasunaren ilegalizazioaren alde agertu dela filtratu dute

Erabiltzailearen aurpegia Ukberri Estrasburgon dagoen Europako Giza Eskubideen Auzitegia Espainiako Justiziak Batasuna, Herri Batasuna (HB) eta Euskal Herritarrok (EH) ezker abertzaleko alderdi politikoak legez kanporatu izanaren alde agertu ei da, Efe Espainiako albiste-agentziak argitaratutako filtrazioaren arabera. Berria.info, bere aldetik, saiatu da auzitegiko iturriek emandako albistea egiaztatzen eta defentsarekin harremanetan ipini da, baina Didier Rouget, Adolfo Araiz, Iñigo Iruin eta Urko Aiartza abokatuek osatzen duten Batasunaren defentsak ez dakiela ezer erantzun du. Batasuna, HB eta EH legez kanpo jartzeko agindua 2003ko martxoaren 17an eman zuen Espainiako Auzitegi Gorenak. Konstituzionalak hamar hilabete beranduago berretsi zuen epaia. Urte berean, helegitea jarri zuen Batasunak Estrasburgoko auzitegian eta 2007ko abenduan helegitea tramitera onartu zuen Europako auzitegiak, biltzeko eta adierazpen eskubideak urratu ziren ikertzeko. Argazkian, bi ertzain Donostiako Alde Zaharrean, istiluetan, Batasunaren aldeko pintaketa bat ondoan dutela / Brocco Lee.
  Jendartea 2009-06-30 14:44

Espainiako Gobernuak oniritzia eman dio Armintzan olatuetatik energia ateratzeko azpiegitura jartzeari

Erabiltzailearen aurpegia Ukberri Olatuak energia elektrikoan bilakatuko duen BIMEP (Biscay Marine Energy Platform) plataforma 2011n jarri nahi dute indarrean. Espainiako Gobernuko Ingurumen, Landa eta Itsas Guneen Ministerioak berriki eman dio oniritzia -ebaluazio txostena (pdf) ekainaren 27ko Espainiako Agiri Ofizialean argitaratu zen- egitasmoari. Elena Espinosak gidatzen duen Ministerioaren arabera, "ez dira ingurumenaren gaineko eraginak sortuko"; hori dela eta, ez dute proiektua "guztiz aztertu behar". Benetako egoera batean olatuak energia elektrikoan bilakatuko dituen entsegu eta erakusketa azpiegitura izango da. Horretarako, Armintzako kostaldetik milia batera (1,6 kilometro) kokatuko dute, 8 kilometro koadroko itsas eremuan. Argazkian, 2008ko azaroaren 20an aurkeztu zuen egitasmoa Juan Jose Ibarretxe lehendakariak.
  Jendartea 2009-06-15 14:20

Lemoizko zentral nuklearrean lau gazte atxilotu dituzte lapurretan saiatu direlakoan

Erabiltzailearen aurpegia Ukberri Ertzaintzak 30, 27, 26 eta 20 urteko lau gazte atxilotu zituen atzo, igandea, Lemoizko zentral nuklearrean, bertan lapurtzen saiatu zirelakoan. Herrizaingo Sailaren arabera, gertaera arratsaldeko 2ak aldera izan zen. Ordu horretan, zentraleko instalazioen barruan lau lagun atzeman zituztela jakinarazi zuten inoiz martxan jarri ez zen zentraleko segurtasun guardiek. Ertzainak bertaratu zirenean, gertatutakoaren berri eman zieten zaintza guardiek. Euren arabera, lau gazteak harrapatu zituztenean horiek sasi artera bota zituzten hainbat tresna. Esan bezala, sasitzan kable elektrikoko hainbat metro, burdin mazo bat eta palanka bat topatu zituzten ertzainek. Gainera, bortxatutako hiru ate ikusi zituzten. Indarrezko lapurreta egitea leporatu eta lau gazteak Gernikako Ertzain-etxera eraman zituzten.
  Kultura 2009-05-15 19:22

Nekazaritza eta artisautza azoka izango da bihar Armintzan

Erabiltzailearen aurpegia Ukberri Larunbat honetan, maiatzak 16, Nekazaritza eta Artisautza azokaren hamargarren edizioa egingo dute Armintzan. Goizeko 10etatik eguerdiko ordu bietara, 32 saltoki izango dira bertan, eskulangintza produktuak ikusi eta baserriko jakiak dastatu zein horiek guztiak erosi ahal izateko. Udal iturriek zehaztu dutenez, 16 dira, besteak beste, patea, hestebeteak, ogia eta pastelak eskainiko dituzten ekoizleak. Beste horrenbeste artisauk erakutsiko dituzte larrukiak, bitxiak edota paperez egindako produktuak. Horretaz gain, zaldiak nola ferratzen dituzten ikusteko aukera egongo da eta txikienek zalditxoen gainean ibili ahal izango dira. Azkenik, Lemoizko Udalak beste hainbat jarduera antolatu ditu: hala nola, burruntzian egindako txola dastaketa eta haurrentzako jolasak. Argazkian, hainbat emakume gazta erosten azoka batean.
  Politika 2009-01-14 19:10

Gaur 31 urte bete dira David Alvarez Peña hil zenetik

Erabiltzailearen aurpegia Ukberri David Alvarez Peña, ETAko militantea, Lemoizko zentral nuklearraren aurkako ekintza batean zauritu eta hilabete batera hil zen Basurtuko ospitalean. Gaur 31 urte bete dira, Uribe Kostako Amnistiaren Aldeko Mugimenduak Etengabe bitakoraren bitartez gogoratu duenez. 1977ko abenduaren 18an, igandean, lau gazte zentral nuklearraren aurkako atentatua prestatzen ari ziren. Aurreneko tiroa goizeko 6:20ak aldera entzun zen, eta atzenekoa hamar minutu beranduago. Hamar gizon, sei guardia zibil eta lau laguneko komandoa, elkarri tiroka ari ziren. Guardia Zibilaren egoitzako ateari eraso egitera zihoala, hurbileko barrakoi batetik bi agenteek egindako tiroek ezustean harrapatu zuten komandoa. ETAko militanteek ez zituzten bi hauek ikusi. Goizeko 6:30ean dena amaitua zen. David Alvarez Peña lurrean zetzan, oso larri zaurituta. "Behin ospitalean Guardia Zibilen jazarpen eta presioen ondorioz hil zen David", errepresioaren aurkako erakundeak salatu duenez. Argazkian, David Alvarez Peña, bigarrena ezkerretik, adiskideekin mendian / Etengabe.
  Politika 2009-01-12 14:21

Etzi beteko dira 31 urte David Alvarez Peña hil zenetik

Erabiltzailearen aurpegia Ukberri David Alvarez Peña, ETAko militantea, Lemoizko zentral nuklearraren aurkako ekintza batean zauritu eta hilabete batera hil zen Basurtuko ospitalean. Asteazkenean 31 urte beteko dira, Uribe Kostako Amnistiaren Aldeko Mugimenduak Etengabe bitakoraren bitartez gogoratu duenez. 1977ko abenduaren 18an, igandean, lau gazte zentral nuklearraren aurkako atentatua prestatzen ari ziren. Aurreneko tiroa goizeko 6:20ak aldera entzun zen, eta atzenekoa hamar minutu beranduago. Hamar gizon, sei guardia zibil eta lau laguneko komandoa, elkarri tiroka ari ziren. Guardia Zibilaren egoitzako ateari eraso egitera zihoala, hurbileko barrakoi batetik bi agenteek egindako tiroek ezustean harrapatu zuten komandoa. ETAko militanteek ez zituzten bi hauek ikusi. Goizeko 6:30ean dena amaitua zen. David Alvarez Peña lurrean zetzan, oso larri zaurituta. "Behin ospitalean Guardia Zibilen jazarpen eta presioen ondorioz hil zen David", errepresioaren aurkako erakundeak salatu duenez. Argazkian, David Alvarez Peña, bigarrena ezkerretik, adiskideekin mendian / Etengabe.
  Jendartea 2008-11-20 22:48

Olatuen energia ikertzeko "Europako plataformarik aurreratuena" jarriko dute Armintzan

Erabiltzailearen aurpegia Ukberri BIMEP (Biscay Marine Energy Platform) aurkeztearekin batera, aipatu instalazioak izango duen lehen itsas buia jarri du gaur goizean, Armintzan, Juan Jose Ibarretxe Araba, Bizkaia eta Gipuzkoako lehendakariak. Ekintza horren bidez, olatuez baliatuta elektrizitatea sortzeko gailuen ikerkuntzan arituko den zentroaren eraikuntza abian jarri dute. Jose Ignacio Hormaeche Energiaren Euskal Erakundeko (EEE) presidenteak azaldu duenez, 20 MW-eko potentzia izango du azpiegitura berriak eta, behin funtzionatzen egonda, 6.000 etxerentzako energia sortzeko kapazitatea ere bai. Hala ere, ez dute zehaztu noiz egongo den martxan. BIMEPen diseinua eta eraikuntza EEEk zuzenduko du, eta guztira 15 milioi euro jarri dituzte horretarako. Argazkian, Ibarretxe gaurko ekitaldian.
  Kirolak 2008-11-18 20:33

Bazkari batekin egingo diote gorazarre Ibon Lavin txirrindulari lemoiztarrari

Erabiltzailearen aurpegia Ukberri Larunbat honetan, azaroak 22, amaitu berri den denboraldian Bizkaiko txirrindulari amateur onena izendatutako Ibon Lavin lemoiztarrari egingo diote omenaldia. Horretarako, bazkaria jarri dute 15:00etan, Andrakako sagardotegian, 20 eurotan. Izena eman nahi duenak 630 979 070 (Igor) telefono zenbakira deitu beharko du, horretarako azken eguna hilaren 20a dela. Birle Herri Kirol Elkarteak urriaren 3an erabaki zuen, Mungiako Ehiztari eta Arrantzaleen Elkartean egindako batzarrean, Naturgaseko kirolari gaztea Bizkaiko txirrindularirik onena izendatzea. Aurreko urtetan izendatuak izan dira, Lander Euba, Francisco Gutierrez "Guti", Mikel Elgezabal, Igor Anton, Amets Txurruka, Beñat Intxausti eta J. Kastroviejo. Azaroan 7an eman zioten ziurtagiria, Jatabeko Jatazpi txokoan izandako afarian. 2008ko denboraldian beka jasoko duten txirrindularien artean, lemoiztarra aukeratu zuen Euskadi Txirrindularitza Fundazioak. Besteak beste, Alvaro Gonzalez de Galdeano eta Josu Larrazabal (prestatzaile fisikoa) eta Euskaltel-Euskadi txirrindularitza taldeko zerbitzu medikoen ardurapean egon da Lavin. Argazkia: Txirrindularirik Onena.
  Jendartea 2008-10-17 22:33

Salerosi zein trukatzeko aukera egongo da bihar Armintzan

Erabiltzailearen aurpegia Ukberri Merkatu txikia eta truke azoka bitarteko ekimena da hirugarren urtez Armintzan egingo dutena, larunbat honetan, urriak 18. Hartara, Lemoizko Udalak parte hartu nahi duten guztiei egin zien deia, ahalik eta lasterren izena emateko. Asteartea izan zen horretarako azken eguna. Horrenbestez, bihar, honako hauek saldu edo aldatu ahal izango dira: liburuak, komikiak, arropa, jostailuak, kromoak, zigiluak, eta abar; aspalditik etxean daudenak eta erabiltzen ez direnak. Ekimena Armintzan egingo dute, 11:00etatik 15:00etara, asteburu horretan ospatzen diren Santo Tomas jaien barruan. Argazkian, Armintzan ez bezala, Algortan irailaren 26an eta 27an egindako merkatu txikian erosteko aukerarik baino ez zegoen.
  Jendartea 2008-10-08 23:11

Urriaren 18ko azokan salerosi zein trukatzeko aukera egongo da Armintzan

Erabiltzailearen aurpegia Ukberri Merkatu txikia eta truke azoka bitarteko ekimena da hirugarren urtez Armintzan egingo dutena, urriaren 18an, larunbatarekin. Hartara, Lemoizko Udalak parte hartu nahi duten guztiei egin die deia, ahalik eta lasterren izena emateko. Hilaren 14a izango da horretarko azken eguna. Horretarako, Kultur Etxearekin jarri beharko dira harremanetan interesa duten guztiak, 946 879 037 telefono zenbakira deituz, 17:00etatik 20:00etara bitartean. Egunean, honako hauek saldu edo aldatu ahal izango dira: liburuak, komikiak, arropa, jostailuak, kromoak, zigiluak, eta abar; aspalditik etxean daudenak eta erabiltzen ez direnak. Horrenbestez, ekimena hilaren 18an, larunbatarekin, egingo dute Armintzan, 11:00etatik 15:00etara. Hain zuzen ere, asteburu horretan izango diren Santo Tomas jaien barruan egingo dute. Argazkian, Armintzan ez bezala, Algortan irailaren 26an eta 27an egindako merkatu txikian erosteko aukerarik baino ez zegoen.
  Jendartea 2008-09-21 22:27

Motorista bat zauritu da Lemoizen

Erabiltzailearen aurpegia Ukberri Motozikleta baten gidaria zauritu da gaur Lemoizen izandako auto istripu batean. I.M.R. 27 urteko mutil gaztea Gurutzetako ospitalera eraman behar izan dute, Bi-3152 errepidean izandako ezbeharraren eraginez. Istripua arratsaldeko 4:45ak aldera jazo da eta gazteak Yamaha YZF markako motozikleta gidatzen zebilen, Herrizaingo Sailak jakinarazi duenez. Bestalde, atzo Ertzaintzak gidari bat atxilotu zuen Erandion alkoholaren eraginpean gidatzen zuelakoan. Guztira hamasei izan dira Araba, Bizkaia eta Gipuzkoan asteburu honetan polizia autonomikoak alkoholaren aurkako kontroletan atxilotu dituen gidariak. Azkenik, euskal errepideetan hildako bat izan da gaur goizean. Izan ere, Oñatin gizonezko bat harrapatu du auto batek eta horren ondorioz gizona hil da.
  Jendartea 2008-05-08 21:41

Oreretatik Lemoizerako bidea egingo dute San Markoseko zaborrek

Erabiltzailearen aurpegia Ukberri Oreretan dagoen San Markoseko zabortegia ixteko zegoen trabarik handienari "konponbidea" aurkitu diote Bizkaiko eta Gipuzkoako foru aldundiek. 2012an Zubietako errauskailua martxan jartzen duten arte, lau urtetan 25.000 tona zabor hartuko dituzte Igorre, Urtuella eta Jatako (Lemoiz) zabortegiek, Jose Luis Bilbao diputatu nagusi bizkaitarrak eta Markel Olano Gipuzkoakoak -EAJkoak biak- eskuak estututa gaur itxi duten hitzarmenaren arabera. Eusko Alkartasuna salbu, berehara etorri dira gainontzeko alderdi politikoen arrangurak. Besteak beste, Uribe Kosta, Txorierri eta Ipar Uribe aldeko hondakinak hartzen ditu jada zabortegi lemoiztarrak eta, Gipuzkoan gertatuko den bezala, badirudi horien etorkizuna errausketa izango dela; Zabalgarbira kasu honetan. Bizkaira ekarritako zabor tona bakoitzeko gipuzkoarrek 65 euro ordaindu beharko dituzte, indarrean dauden tasa publikoen arabera. Urtero milioi bat eurko gastua eragingo du horrek.
  Jendartea 2008-04-29 22:00

Gorpua aurkitu dute kiskalitako autokarabana batean Lemoizen

Erabiltzailearen aurpegia Ukberri Eguerdiko 12:45ak inguruan, Lemoizko bizilagun baten deia jaso du Ertzaintzak, zentral nuklearra izan behar zuenaren inguruan sutea zela ohartaraziz, Eusko Jaurlaritzako Herrizaingo Sailak jakinarazitakoaren arabera. Bertaratutako polizia agenteek autokarabana bat aurkitu dute garrek inguratuta. Behin suhiltzaileek sua amatatu ostean, berriz, gorpua topatu dute barruan, gustiz kiskalita. Hartara, ezin izan dute horren nortasuna igarri. Bitartean, autopsia egiteko, gorpua Patologia Forentse Zerbitzura eraman eta ikerketa abiatu du Ertzaintzak. Bestalde, larunbatean, apirilaren 26an desagertutako emakume baten gorpua atzeman zuten, 14:00ak aldera, Getxoko Kirol Portuko uretan. Gurutze Gorriko langileek bildu eta Itsasoko Kapitaintzara eraman zuten. Azkenik, egun berean, sute bana egon zen Erandion eta Itzubaltzeta / Romon. Argazkian, suhiltzaileak Itzubaltzetako sua amatatzen.
  Kultura 2008-04-16 19:55

Txapel Reggae jaialdirako kartel eta kamiseta lehiaketak deitu dituzte

Erabiltzailearen aurpegia Ukberri Uztailaren 19an egingo dute aurten Txapel Reggae musika jaialdia Armintzan. Oraingoan, gainera, herritarron parte hartzea eskatu dute antolatzaileek, kartelen eta kamiseten diseinua egiteko. Horrenbestez, "Txapel Reggae Armintza 2008" leloa agertu beharko da lehiaketetara aurkeztutako lanetan. Kartelerako diseinu bat eta kamisetarako beste bat aurkeztu behar dira (banatuta puntuatuko dira), tokiko iturriek zehaztu dutenez. Egindako lanak posta elektronikoz (armintzajb[abildua]hotmail.com), posta arruntez (Lemoizko Kultur Etxea. Portubidea, 5-48620 Armintza) edo aipatu kultur aretoan zuzenean entregatu ahal izango dira; izena eta harremanetan jartzeko telefono zenbakia jarriz. Kartel zein kamiseta lehiaketako irabazleak 100 euro jasoko ditu bakoitzak. Bestalde, ostegun honetan, apirilak 17, abiatuko dira Urdulizko jai batzordearen bilerak. Batzarra udaletxean izango da 20:00etan. Zalantzak edo galderak argitzeko kultura[abildua]urduliz.net posta elektronikora jo daiteke. Argazkian, kontzertua joan den urteko Txapel Reggae jaialdian.
  Politika 2008-03-16 13:41

Bihar beteko dira 27 urte Mario Alvarez hil zenetik

Erabiltzailearen aurpegia Ukberri Astelehen honetan, hilak 17, 27 urte beteko dira Mario Alvarez Peña sopeloztarra hil zenetik, Etengabe Uribe Kostako Amnistiaren Aldeko Mugimenduaren bitakorak gogoratu duenez. Gertaera 1981eko martxoaren 17an jazo zen, Iberdueroren azpiestazio batean jartzeko bonba bat prestatzen ari zela ETAko militanteari lehergailua eskuetan lehertu zitzaionean. Bere kideek Barrikako hilerrira eraman eta gaueko bederatziak aldera, ETAko eledun batek, urduritasun eta samin handiz, honako hau adierazi zion "Egin" egunkariari: “ETAko kidea naiz. Entzun ondo esango dizudana eta, mesedez, jakinaraz iezaiozu berehala familiari. Mario Alvarez Peña, gure erakundeko kidea eta Dabiden anaia, istripu batean hil da. Hilotza Barrikako hilerriko atarian dago, manta batek estalia. Arren, esaiozue hau lehenbailehen bere familiari, Sopelan bizi da”. Dabid Alvarez, Marioren anaia, hiru urte lehenago hil zen Lemoizko zentral nuklearraren aurka egindako eraso batean. Argazkian, Mario Alvarez hiru urte lehenago hildako anaia Dabiden irudiaren azpian.
  Politika 2008-03-10 00:47

Lemoizen EAJ da jaun eta jabe

Erabiltzailearen aurpegia Ukberri Lemoizen ez da ezusterik handia izan eta jeltzaleek eskuratu dute lehenengo indarra izatearen ohorea, 363 botoekin, abstentzioa atzean izan dela 318 hautesleen erabakia izan dela eta %17,36ko igoerarekin. Udalerri honetan EAJri itzala egin diezaiokeen indar politiko bakarra, ezker abertzalea, bere aukera guztiak ilegalizatuak izatearen ondorioz abstentzioaren hautua egin duenean, bestelako indarrak oso urrun gelditu dira: PSE-EEk batu ditu 45 boto zituen babes apurrak bikoizten, EA ere hobetu da bere 30 botoekin, 6 gehiago, erkidegoan 40.000 galdu dituen bitartean. EBk 24 izan ditu, PPk 19, Aralarrek 9, Berdeek 4, PACMAk 1 eta Rosa Diezen alderdiak beste bat. Hortaz batzokian pozik egon daitezke 64 boto eta laugarren diputatua galdu badute ere, udal hauteskundeetatik hona beste 74 boto berreskuratu dituztelako. Hauteskundeen emaitzak eskualdean (pdf). Argazkian, Armintzako portua / Jorge Tome.

Nabarmenak