Zapatuan, ostera, kultur etxean antzerki polita ikusteko aukera izango da: "Txanogorritxo", Glu Glu konpainiarena. Ipuin klasikoaren moldaketa da. Azpimarratzekoa da lanak izango duen ukitu musikala; dantzek eta abestiek Txanogorritxo lagunduko dute basoko bide ahaztezin, arriskutsu eta dibertigarrian. Izan ere, jolastea ezinbestekoa da, baina begiak adi edukitzea beharrezkoa da beti. Emanaldia 18:00etan hasiko da eta sarreren prezioa hau da: 3 euro (umeak) eta 5 euro (helduak).
Amaitzeko, domekan, inauteri-festa handia egingo dute Urko kiroldegian; musika, barreak eta dantza egongo dira. Mozorro-desfilea 18:00etatik 19:00etara bitartean egingo da, eta mozorrorik onenak sarituko dira, hainbat kategoriatan: 0-6 urte eta 7-12 urte bitarteko mailak (1. eta 2. sariak 40 euro, Ingenioso dendan erosteko). Taldeka, berriz, honela izango da: 1. saria, 160 euro; eta 2. saria, 100 euro. Desfilea Xaiborrek animatuko du, Euskal Zumba Festagaz. Gainera, tablet bat zozkatuko dute.