Kultura 2004-05-10 21:33

Sopelako Jaietako XIII Kartel Lehiaketan parte hartzeko epea luzatu dute

Erabiltzailearen aurpegia Ukberri Maiatzaren 14ra arte izango dute euren lanak aurkezteko aukera, Sopelako Jaietako XIII Kartel Lehiaketan parte hartu nahi duten guztiek. Horretarako, udaletxeko Kultura Sailera joan beharko dira interesatuaek. Gogoratu behar da, bi arlotan banatu dituztela sariak. Alde batetik, 60 eurotako Haurrentzako Saria jasoko du 16 urte bitarterako parte-hartzaileetako batek. Bestetik, 17 urtetik gorakoen artean, hiru sari banatuko dituzte: irabazlearentzat 450 euro, bigarrenarentzat 300 euro eta hirugarrenarentzat 150 euro, hurrenez hurren.
  Kultura 2004-05-07 23:16

Hirugarren urtez ospatuko da bihar artisautza azoka Sopelan

Erabiltzailearen aurpegia Ukberri Gutxi gora behera, 25 artisauk hartuko dute parte larunbat honetan Sopelako III. Artisautza Azokan. Ekitaldia Larrabasterra auzoko Urgitxeta plazan izango da, 10:00etatik 15:00ak arte
eta larrua, eskuz jokatzeko pilotak, bisuteria... landuko dituzte, besteak beste, artisauek. Azpimagarriak dira zenbait partaidek zuzenean egingo dituzten lanak. Horretaz gain, Barinatxe Txistu Eskolako kideek musikaz jantziko dute ekitaldia. Gainera, umeetzako animazioa eta puzgarriak egongo dira.
  Jendartea 2004-04-29 23:34

Gazte Planaren bidez, udalerriko gazteriaren beharrak aztertzen ari dira Sopelan

Erabiltzailearen aurpegia Ukberri Udalerriko gazteek dituzten arazoak ezagutu eta hauei konponbidea emateko asmoz, “Gazte Plana” izeneko azterketa egiten ari da, 14 eta 35 urte bitarteko lagunen artean, Sopelako Udalak. Horrela, Gazte Plana 2002-2005 onartzeko, Eusko Jaurlaritzak hartutako erabakiarekin bat egin du udal erakundeak. Montse Macias ikerketaz arduratuko den soziologoak azaldu duenez, enplegua, etxebizitza, hezkuntza, osasuna eta aisialdia arloetan, gazteen kolektiboak dituen arazo zehatzei erantzuna eman nahi die Gazte Planak. Helburu hori lortzeko, gizarte talde horrek dituen beharrak ezagutzea da lehenengo pausua, eta horretarako, inkesta bat egiten ari dira gazte sopeloztarren artean. “Herriko gazteriaren egoera ezagutzen lagunduko digu horrek”, adierazi du Maciasek.
  Kultura 2004-04-29 23:12

Miarritzeko Baleta ikusgai bihar Ibilaldia 2004aren eskutik

Erabiltzailearen aurpegia Ukberri Miarritzeko Balletak "Errusiar Balletei omenaldia" izeneko ikuskizuna eskainiko du, ostiral honetan, Sopelako Urko Kiroldegian. Ibilaldia 2004ko aurreko ekitaldien barruan, 21:00etan emango zaio hasiera ikuskizunari. Sarrerei dagokionez, 5 eurotan daude salgai, Sopelako Ander Deuna ikastolan eta udaletxean, Ibilaldiko dendetan eta, tokian bertan egongo dira eskura.
  Kultura 2004-04-27 22:52

Casting-a antolatu du Sopelako Turismo Bulegoak

Erabiltzailearen aurpegia Ukberri Turismo bulegoko publizitate kanpaina abian jartzeko azmoz, casting-a antolatu du Sopelako Udaleko arlo horretako sailak. Parte hartu nahi duten guztiek osteguna arratsaldera arte daukate izen emateko aukera, udaletxeko hall kulturalean. Datuak eta telefono zenbakia eman beharko dituzte bertan.
  Jendartea 2004-04-26 22:54

Hondurasen emakumeentzako gizarte-etxea zabaltzeko lanean ari da Sopelako Udala

Erabiltzailearen aurpegia Ukberri Hondurasen emakumeentzako gizarte-etxea zabaltzeko asmoz, Sembrando Futuro gobernuz kanpoko erakundearekin elkarlanean dihardu Sopelako Udala. GKEak berak laguntza eskatu eta gero, egitasmoa gauzatzeko hainbat bitarteko lortzeko kanpaina abian jarri dute. Besteak beste, eskola materiala (margoak, arkatzak, folioak...); edozein adinetako haurrentzako arropa, zapata (udarakoak nagusiki) eta jostailuak; irakurtzeko liburuak eta ipuinak; idazmakinak (elektrikorik ez); bizikletak eta, ahal izanez gero, ordenagailua bilduko dituzte apirilaren 26tik 30era bitartean. Zipiriñe ikastetxera eraman ahal izango dira guzti horiek, 16:30etik 17:30era.
  Jendartea 2004-04-06 22:17

Herrigunean 30 farola berriztatu ditu Sopelako Udalak

Erabiltzailearen aurpegia Ukberri Sopelako erdiguneko oinezkoentzako guneetan, 30 kaleargi aldatu ditu Udalak, aurrekoak argi nahikoa ematen ez zutelakoan. Farola berriek estaldura opakoa daukate argia goikaldetik ihes egin beharrean, behekaldera isladatzeko. Horretaz gain, kaleargien oinak ere aldatu egin dituzte, lehen zeuden zutabe galbanizatuen ordez, artistikoago batzuk jarriz. Orotara, 28 farola aldatu dituzte udaletxe parean, bost beso dituen beste bat Jauregizar plazan, eta beste horrenbeste Urrutikoetxea kalean.
  Iritzia 2004-04-01 23:30

Hizkuntza eskubideen eguna - Gabi Basañez / EHEko kidea

Erabiltzailearen aurpegia Ukberri Udalbiltzaren III. Batzar Orokorra, 2001.enean: "Euskal herritarrek pairatzen duten egoera soziolinguistikoaren oinarrian dagoen arazoa, gure hizkuntzak lurralde osoan duen ofizialtasun eza da. Euskal Herrian egungo marko juridiko politikoaren ondorioz, bost egoera desberdin ditugu eta honekin batera inposatuak diren hizkuntzekiko mendekotasuna errealitate objektiboa da. Herritarren hizkuntza eskubideak ez dira bermatuak beraz, eta aipatu asimetria legalak ondorio larriak ditu gure hizkuntzaren garapenerako eta hizkuntza gisa bete behar dituen funtzio sozialak bermatzeko".
  Kultura 2004-04-01 20:12

Ruper Ordorikak emanaldia eskainiko du Sopelan Ibilaldia 2004ren eskutik

Erabiltzailearen aurpegia Ukberri Ibilaldia 2004ko aurreko ekitaldien barruan, emanaldia eskainiko du ostiral honetan (apirilak 2), Ruper Ordorikak. Ander Deuna eta Betiko Ikastoletan, Ibilaldiako dendetan, Sopelako Udaletxeko Kultura Hallean, Sopelako Laiak tabernan edota BBKko orotarako kutxazainetan eros daitezke jada. Salneurria 8 eurokoa da, aldez aurretik, eta 10 euro tokian bertan. Sopelako Urko Kiroldegian izango da ekitaldia, 21:00etatik aurrera.
  Kultura 2004-03-28 20:36

Bilbotarrak nagusi Sopelako Esaera Zaharren txapelketan

Erabiltzailearen aurpegia Ukberri Bilbotik etorritako taldeak nagusitu ziren Sopelako Nikola AEK euskaltegiak antolatutako XI. Esaera Zaharren txapelketan: Kar Kar Kar izeneko Zorrotzako taldeak irabazi zuen lehia, ondoren Hau Pittu Hau Bilboko konpartsa bigarren sailkatu zen. Horien ostean gelditu ziren sopeloztarrak (Tai Txi) eta Algortarrak (Anboto). Pasa den urteko irabazleek (Badok Hamairu) bostgarren postua erdietsi zuten. Seigarrenak ere Bilbotik etorri ziren (Zorrotza).
  Kultura 2004-03-26 19:55

Salgai daude dagoeneko Ruper Ordorikaren emanaldirako sarrerak

Erabiltzailearen aurpegia Ukberri Ibilaldia 2004ko aurreko ekitaldien barruan, emanaldia eskainiko du, apirilaren 2an, Ruper Ordorikak. Ander Deuna eta Betiko Ikastoletan, Ibilaldiako dendetan, Sopelako Udaletxeko Kultura Hallean, Sopelako Laiak tabernan eta BBKko orotarako kutxazainetan erosi daitezke jada sarrerak. Salneurria 8 eurokoa da, aldez aurretik, eta 10 euro egunean bertan. Sopelako Urko Kiroldegian izango da ekitaldia, 21:00etatik aurrera.
  Kultura 2004-03-26 15:48

Sustrai Colinak jarriko ditu bertsoak Sopelako esaera zaharren txapelketan

Erabiltzailearen aurpegia Ukberri Sopelako Esaera Zaharren XI. Txapelketa ospatuko da, larunbat honetan (martxoak 27), AEKko Nikola euskaltegiak antolatuta. Bi zati izango ditu lehiaketak: goizean kanporaketak izango dira, eta bazkalostean, finala Ander Deuna ikastolako jantokian. Esaera zaharren erabilpena zein ezagutza zabaltzea da helburua, eta, bide batez, egun ona pasatzea. Besteak beste, Ainhoa Agirreazaldegik, Sustrai Colinak eta Algortako Bertsolari Eskolako kideek botatako bertsoez, asmatu beharko dituzte esaera zaharrak parte hartzaileek.
  Kultura 2004-03-25 22:35

"Sopelanako Gauak" martxan ostiral honetatik aurrera

Erabiltzailearen aurpegia Ukberri Ostiral honetan, “Sopelanako gauak” ekimenaren lehengo ikastaroak burutuko dira Abadesoloko igerilekuetan. Iuntzeko 22:30etan emango zaie hasiera eta 14-18 bitarteko gazteek parte har dezakete. Besteak beste, ur-jokoak egongo dira igerileku txikian. Igerileku handian, berriz, ur-bataioa egingo da. Azkenik, ispiluetako gelan aerobika egingo dute kirol mota hau gustukoa duten gazteek eta 1. pasalekuan gorputzetako makilajeak egingo dira. Bitartean, patinajea praktika daiteke kanpoan. Interesatuok udaletxeko halletik pasa daitezke apuntatzera 18:00etatik 21:00etara.
  Kultura 2004-03-24 20:52

Joseba Iriondoren hitzaldia Sopelan

Erabiltzailearen aurpegia Ukberri Joseba Iriondo ETBko kazetariak, hitzaldi bat eskainiko du ostegun honetan (martxoak 25), arratsaldeko zazpietan, Sopelako Udaletxeko Hall Kulturalean, "Urtebeteko okupazioa Iraken" izenburupean. Joseba Iriondo Bagdadeko Palestine Hoteletik lekuko zuzena izan zen 2003. urteko udaberrian Iraken burutu zen gerran. Bertatik bidaltzen zituen bere kronikak ETBrako.
  Iritzia 2004-03-23 23:04

Euskara politikara - Gabi Basañez / EHEko kidea

Erabiltzailearen aurpegia Ukberri Ez da jenero barria, geuretzat sikeran, politikagintza eta euskararen egoera guztiz lotuta dauzela.

Euskaldunoi oso denbora gutxi dala legeztatu dasku eskola jasotzearen eskubidea, Karlos II Espainakoak, eskola zabaltzen hasi zan sasoietan, erret dekretuz galazo ioskuelako. Gernikako juntetxeetan erdaraz idazten ez jakiteagatik kanpo geratu ziren hogeitaka herrietako ordezkariak, Korregidorak- orduko gobernadore zibilak- behartuta gelditu ziran Juntetxeetako bileretatik kanpo. Frantziako iraultza etor zanean euskara, eta euskaldunak beraz, legetik kanpo utzi zan.
  Politika 2004-03-23 22:37

Bakea eta Tolerantziaren aldeko usoa aurkeztuko dute, gaur asteazkena, Sopelan

Erabiltzailearen aurpegia Ukberri Udaletxeko hallean, “Bakea eta Tolerantziaren aldeko Usoaren” aurkezpena burutuko da 19:00etatik aurrera. Sopelako Institutoko ikasleek margozturik eta beraien irakasleek koordinaturik, Roberto Zalbidea artistak egin du usoaren diseinua. Beiraz egindako eskultura, herriko jendeari aurkeztuko diote biharko ekitaldian. Usoak askatu eta lunch-a ere egongo da bertan. Udalak sopeloztar guztiak gonbidatzen ditu ekitaldira.
  Jendartea 2004-03-17 21:41

"Hondartza garbitzera anima zaitez!" kanpaina egingo dute Atxabiribilen

Erabiltzailearen aurpegia Ukberri Gazteek hondartza garbi dezatela sustatu nahian antolatutako kanpainaren berri emango die, martxoaren 18tik (bihar) aurrera, Ander Deuna Ikastolako, Zipiriñe Eskolako eta Sopelana BHIko ikasleei Sopelako Udalak. Petxa-Txuri Surf taldeak antolatuta eta Surfrider Foundationek koordinatuta dago egitasmoa. Martxoaren 20an (larunbata) egingo da, 11:00etatik aurrera, Atxabiribil hondartzan.
  Jendartea 2004-03-15 23:35

Wi-fi sarea jartzen lehendabiziko herrietariko bat izango da Sopela

Erabiltzailearen aurpegia Ukberri Kablerik gabe internetera konektatzeko wi-fi sarea aurkeztu die gaur komunikabideei, ostalariei, eta orohar, sopeloztar guztiei Imanol Garai alkateak. Izan ere, Sopelako biztanle guztiei eman nahi diote egitasmoaren berri, udalerria "teknologia berrien abanguardian egotea" nahi dutelako, Ricardo Ibarra Informazio, Komunikazio eta Turismo zinegotziak adierazi duenez.
2004-03-11 14:49

Atentuaren gaitzespenekin bat egin dute Barrika, Gorliz eta Sopelako Udalek

Erabiltzailearen aurpegia Ukberri Sopelako Udal Gobernuak erabat gaitzetsi du gaur goizean Madrilen izandako atentatua, Ricardo Ibarra bozeramalearen bitartez. Halaber, udaletxe aurrean, 20:00etan egingo den elkarretaratzean parte hartzera deitu ditu herritar guztiak.

Gorlizko Udalak, Patxo Igartua alkatearen bitartez, eta Barrikakoak ere atentatuak gaitzetsi eta bi herrietako udaletxe aurrean konzentratzera deitu dute.
  Jendartea 2004-03-08 18:54

Abadesolo kiroldegia erabiltzeko orduan zeuden murrizketak kendu dituzte

Erabiltzailearen aurpegia Ukberri Sopelako Abadesolo udal kiroldegiko bazkide kopurua handia dela eta, instalazio horiek erabiltzerako orduan, azken hilabetetan egon diren murrizketa guztiak kendu egin dituzte jada. Izan ere, arazo horri aurre egiteko irtenbidea bilatzea erabaki zuen Udalak. Azkenik, bi tornu jartzea erabaki dute, uneoro, igerilekuetan zein gimnasioan dagoen jende kopurua jakin ahal izateko.

Informatizatuta egoteaz gain, Sopelako Udalaren webgunearen (www.sopelana.net) lotura daukate bi tornuek, igerilekuetan zein gimnasioan momentu bakoitzean zenbat lagun dagoen jakiteko aukera izan dezaten bertara joan nahi duten guztiek, horrela, jende pilaketarik gertatu ez dadin.

Nabarmenak

Zorion agurrak