Jendartea 2004-07-21 21:27

Hondartzan aparkatzeagatik denboraren arabera ordaintzea aztertuko du Sopelako Udalak

Erabiltzailearen aurpegia Ukberri Ricardo Ibarra Sopelako alkateak atzo adierazi zuenez, "hondartzako aparkalekuan hartutako neurriak zuzenak dira, baina hobetu daitezke". Izan ere, uda amaieran, Barinatxen kotxea uzteagatik 5 euro ordaindu behar izateko hartutako erabakiaren "emaitzen balantzea" egingo dutela jakinarazi zuen udal mandatariak. Horren arabera, "datorren udaldirako beste aukera batzuk aztertuko dira, autoa utzi nahi den denboraren araberako ordainketa zatikatua, horien artean".
  Jendartea 2004-07-20 22:33

Ezezagunek Fernando Ansoleaga parkean eragindako kalteak gaitzetsi ditu Sopelako Udalak

Erabiltzailearen aurpegia Ukberri Sopelako Udalak "ondoeza eta gaitzespenik irmoena" adierazi ditu herriko Fernando Ansoleaga parkeko lorategian izandako "eraso bandalikoaren" aurrean. Prentsa ohar bidez jakinarazi dutenez, bart lorategiko landareak erauzi eta oholez eta garagardo-potoez bete zuten parkea hainbat ezezagunek. "Udalak gertaera hauek irmoki salatu nahi ditu, ekintza hauek herriko ondare ekologiko zein edergarriaren eta, era berean, Sopelako elkarbizitza eta zibismoaren aurkako erasoa direlako", adierazi dute udal arduradunek.
  Jendartea 2004-07-20 22:30

Bilboko metroan iragartzen ari dira Sopela

Erabiltzailearen aurpegia Ukberri Orain dela gutxi egin zen Turismo Bulegoaren inaugurazioarekin bat eginez, turistei zein inguruko herrietako bizilagunei udalerria eta inguruneak ezagutzera emateko kanpaina abian jarri du Sopelako Udalak. Horrela, Metro Bilbaoko lehenengo eta bigarren linietako geltokietan egongo dira jarrita, astebetez, kartelak.
  Politika 2004-07-16 19:32

Udal gobernuen 25. urteurrena ospatuko du asteartean Sopelako Udalak

Erabiltzailearen aurpegia Ukberri Sopelako Udaleko iturriek jakinarazi dutenez, herrian udal gobernu "demokratikoak" daudenetik 25 urte betetzen direla ospatuko dute uztailaren 20an, hau da, Santa Mariñe egunean. Egun horretan egingo den ekitaldira, 1979tik gaur egunera egondako agintaldi guztietako zinegotziak gonbidatuta daude.
  Kultura 2004-07-14 21:37

Skalariak taldeak emango die hasiera Larrabasterrako jaiei

Erabiltzailearen aurpegia Ukberri Bihar hasi eta igandera bitartean, Karmengo jaietan murgilduta ibiliko dira sopeloztarrak, Larrabasterran. Lau egunetan zehar jolasak, musika, lehiaketa gastronomikoak, kirol txapelketak eta abar egongo dira txiki zein nagusien gozamenerako. Besteak beste, 19:00etan suziria bota eta, Gazte Leku fanfarriak alaitutako koadrila jaitsieraren ostean, arku tiro erakustaldia egongo da Urgitxieta plazan, Sopelako D'Arco elkartearen eskutik. 20:00etan, berriz, "Arrantzaleen jokoak" prestatu dituzte neska-mutikoentzat Kulki taldekoek. Azkenik, gaua musika doinuez beteko dute, 23:30etik aurrera, "5 contra" eta "Skalariak" taldeek.
  Jendartea 2004-07-14 20:30

Sopelan oso ondo bizi direla uste dute auzotar gehienek

Erabiltzailearen aurpegia Ukberri Ikerfel enpresak Sopelako Udalarentzat egindako ikerketaren emaitzak aurkeztu ziren astelehenean Komunikazio, Informazio eta Turismo batzordean. "Horren bidez, sopeloztarren iritzia ezagutuko dugu; garrantzitsua baita guretzat guztion iritzia jakitea gero herria eraikitzeko", adierazi zuen Ricardo Ibarra alkateordeak. Ikerketaren arabera, udalerriaren ezaugarri aipagarrienak "kalitatezko bizimodua eta lasaitasuna" dira, auzotarren ustetan.
  Jendartea 2004-07-12 20:28

Oraingoa kendu eta wi-fi antena berria jarriko dute Sopelako udaletxean

Erabiltzailearen aurpegia Ukberri Sopeloztar guztiei aurkeztu zitzaien egunetik hilabete batzuk pasa ondoren, wi-fi sarearen gaineko lehenengo balantzea egin du Sopelako Udalak. Hondartzari dagokionez "primeran ibili da" Ricardo Ibarra Informazio, Komunikazio eta Turismo arduradunak baieztatu duenez. Hala ere, ezin da gauza bera esan udaletxe ondoko antenari dagokionez. Hori dela eta, antena berria jarriko dute potentzia hirukoizteko, zinegotziak azaldu duenez. “Horrela hasieran markatutako helburuak lortuko omen ditugu” esan du Ibarrak.
  Jendartea 2004-07-12 20:07

Herritarren eta udaltzainen arteko elkarlana bultzatzeko, "Elkar Laguntzen" kanpaina abian Sopelan

Erabiltzailearen aurpegia Ukberri Udaltzaingoarekiko harremana hobeagoa izan dadin, "Elkar laguntzen" ekimena abian jarri du Sopelako Udalak. Aste honetatik aurrera, kaleetatik jarritako kartelen bidez emango dute ezagutzera aipatutako sentsibilizazio kanpaina. Izan ere, sopeloztarren eta udaltzainen arteko elkarlana sustatu nahi dute.
  Jendartea 2004-07-09 19:56

Hondartzako langa dela eta, Ingurumen Ministerioan salaketa jarri du EKAk

Erabiltzailearen aurpegia Ukberri Kontsumitzaileen elkarteari erantzunez, areatzetara sartzea "librea eta doakoa" dela adierazi du Sopelako alkateak

Espainiako Ingurumen Ministerioko Kosta Zuzendaritzan salaketa aurkeztu du Euskal Herriko Kontsumitzaileen Antolaketak (EKA), bere ustez, herriko "hondartzetara sartzea eragozteko, Sopelako Udalak langa jartzea Kosta Legea eta honen garapenerako araudia urratzen duelako". EKAkoen hitzetan, "herritarrok dauzkagun bi eskubide bortxatzen dira: alde batetik, hondartzara sartzeko askatasuna edota eskubidea, eta, beste aldetik, ingurumenaz gozatzeko eskubidea". "EKAk adierazitakoaren aurka", Sopelako hondartzetara sartzea, edozein pertsonarentzako "librea eta doakoa" dela erantzun du gaur, prentsa ohar bidez, Imanol Garai alkateak.
  Jendartea 2004-07-02 22:05

Babes Ofizialeko 19 etxebizitza egingo dituzte Sopelako Zaldu poligonoan

Erabiltzailearen aurpegia Ukberri Sopelako Udalak egindako aurrikuspenak betetzen badira, Babes Ofizialeko 19 etxebizitza egongo dira Zaldu poligongoan. Izan ere, ahal den lasterren, akordio batetara heldu nahi dira Eusko Jaurlaritzarekin, egokitu zaizkien lursailetan etxe horiek eraikitzeko. Egiten ari diren urbanizazioan markatuta dauda jada lurrak. Gainera, etxebizitzez gain, erabilera publikoko hainbat lokal ere jarriko ditu udalak, oraindik zertarako erabiliko dituzten ez dakiten arren. Etxebizitza eta Gizarte Gaietarako Sailarekin eta Sopelako Udalaren arteko hitzarmena baliteke udan zehar sinatzea.
  Jendartea 2004-06-28 22:56

Gizon bat atxilotu dute Sopelan kotxe batetik sakeleko telefonoa lapurtzeagatik

Erabiltzailearen aurpegia Ukberri Ertzaintzak 29 urteko gizonezko marokoar bat atxilotu zuen igande honetan Sopelan (Bizkaia) auto batetik sakeleko telefono bat lapurtzea leporatuta, Polizia autonomoko iturriek gaur jakinarazi dutenez. Gertaera atzo arratsaldeko 18,30ak aldera izan zen. Emakumezko bat bere berebilean zegoen leihoak zabalik zituela eta, kopilotuaren jesarlekuan zegoen sakeleko telefonoa lapurtu zion orduan gizonak.
  Iritzia 2004-06-24 23:20

Lau gehi hiru berdin bat edo bat berdin bat? - Gabi Basañez / EHEko kidea

Erabiltzailearen aurpegia Ukberri Ez da larregi arakatu beharrik geure historia liburuetan, Euskal Herria bat izan danaren ideia han eta hemen zabalduta dagoela ikusteko. Euskarari jarraituta beharrezko argibideak eta bi topatuko ditugu. Euskeldun, üskaldun, euskaldun. Testolari, pertsuslari, bertsolari. Beste gako batzuez aurkako zentzuz esandakoak, Euskal Herriaren izan batua ilundu edo lausotze bidean atxaki derditxaduak dakarrez: herri erakundeen garapenaren ganean idatzitakoa, Nafarroako erreinuaren gorabeherak...
  Kultura 2004-06-24 23:09

Dolmen ibilbidea zabalduko dute Munarrikolandan

Erabiltzailearen aurpegia Ukberri Munarrikolandan dolmen ibilbidea zabaltzeko asmoa agertu dute Bizkaiko Foru Aldundiko Kultura Sailak eta Sopela eta Berangoko Udalek. Bertan zazpi trikuharri ikusteko aukera egongo da eta, bide batez, bi udalerrien artean kokatutako eremu horren balio megalitikoa sustatu nahi dute. Besteak beste, ekainaren 26an, Fernando Bazeta EHUko Arte Ederretako irakasleak emango duen hitzaldiarekin inauguratuko dute ibilbidea. Sopelako udaletxean izango da ekitaldia, 11:00etatik aurrera.
  Kultura 2004-06-23 20:25

Sanpedroak hemen dira

Erabiltzailearen aurpegia Ukberri Gaur hasi eta uztailaren 3ra bitartean jaietan murgilduta egongo dira sopeloztarrak. Besteak beste, San Juan sua egongo dago gaur gauean eta, bide batez, Sanpedroak berotzen hasteko Ene Bada taldeak girotuko duen erromerian dantzatzeko aukera edukiko dute, ostegun honetan 22:30etik aurrera, txosnetan elkartzen direnek. Hurrengo egunetan ere, ikuskizunak, hitzaldiak, jolasak eta kontzertuak egongo dira txikien zein handien gozamenerako. Hall Kulturalak eta hainbat herritar elkarteek prestatutako ekitaldiak hiru gunetan banatuko dira: udaletxeko plaza, txosna gunea eta Zipiriñe ikastola.
  Jendartea 2004-06-23 19:14

Gazte informaziorako laguntzak jasoko ditu Sopelak

Erabiltzailearen aurpegia Ukberri Bizkaiko Foru Aldundiak, guztira 373 mila euro emango die, erakunde publikoei zein irabazi asmorik gabekoei, gazte informaziorako bulegoak bultzatzeko. Horietako zati bat Sopelako Udalak jasoko du. Hain zuzen ere, Bizkaian Gazte Informazio Zerbitzuak sortu eta kudeatu, bulego horiek eskaintzen dituzten zerbitzuen kalitatea hobetu eta teknologia berrien bidez zentro guztien artean elkarrekintza sustatzeko emango dituzte dirulaguntzak, Aldundiak atzo onartutako dekretuaren arabera.
  Kultura 2004-06-22 23:57

Jazz doinuek alaituko dute Sopelako San Juan gaua

Erabiltzailearen aurpegia Ukberri Euskal Herriko txoko gehienetan bezala, Sopelan ere hainbat ekitaldi egingo dituzte San Juan gaua ospatzeko. Besteak beste, 19:00etatik aurrera, gimnasia erritmiko ikuskizunaz gozatzeko aukera egongo da udal pilotalekuan. 21:30ean, berriz, Urkorantz abiatuko dira kalejiran udaletxe plazan bildutakoak, Amama Luisa Bras Band taldearen jazz doinuez lagundurik. Bertara heltzean sua piztu eta txokolatea egongo da guztientzat.
  Jendartea 2004-06-18 19:50

Sopelako hondartzako langak tirabirak piztu ditu Udalaren eta ostalarien artean

Erabiltzailearen aurpegia Ukberri Barinatxeko parkinga dohainik aterako zaie eskualdeko surflariei

Arrietara ibilgailuak sartzea eragozteko langa jartzeak tirabirak eragin ditu hondartza inguruan tabernak dituzten ostalarien eta udal arduradunen artean. Atzo kaleratutako idatziaren bidez, neurri horren aurka protestatzeko, arratsaldero langa ondoan egiten ari diren kontzentrazioak gogor kritikatu ditu Sopelako Udalak. Komunikatuan adierazten denez, "Jokabide biolentoak baino ez dituzte eragiten, -euren irabaziak gutxitzen ikusten dutelako- ostalari batzuekin batera, hainbat pertsonak burutzen ari diren ekintzek. Orain arte errepidea moztu eta zenbait auzotarrei euren etxeetara joaten eragotzi diete". Bizkaiko Ostalaritza Elkarteak eta kaltetutako enpresariek, aldiz, ez dituzte batere ondo hartu adierazpenak.
  Jendartea 2004-06-17 22:33

Zipiriñe ikastetxeak ateak zabalduko dizkie auzotarrei

Erabiltzailearen aurpegia Ukberri Aurten ere, zabalik egongo da auzotarrontzat, Zipiriñe ikastetxeko jolastokia. Horrela, klaseko ordutegitik kanpo, kirol-instalazioak, berdegunea eta kolunpioak erabili ahal izango dituzte nahi duten guztiek. Iaz, herrian izandako onarpena dela eta, Sopelako Udalak ahalegin handia egin du zentruan segurtasun neurriak ipiniz. Bi atezainez gain, gaueko zaindaria ere egongo da.
  Kultura 2004-06-16 19:31

Udaleku irekiak egingo dituzte Sopelan

Erabiltzailearen aurpegia Ukberri Udalekuak martxan jarriko ditu Sopelako Udalak, batez ere 6 eta 11 urte bitarteko umeentzat. Ekimen honen helburua umeei astirako aukera ematea da, baita udan lan egiten duten gurasoei ere. Parte hartzaileek inguru geografikoa zein kulturala ezagutu ahal izango dute, eta irakurmenaren munduan murgildurik ibiliko dira. Eskaintzen diren ekitakdien artean hauexek topatuko dituzte: txangoak, eskulanak egiteko taillerrak, jokoak... eta abar luze bat. Izena emateko epea ekainaren 18an amaituko da. Intesatuak udaletxeko halletik pasa beharko dira 18:00etatik 21:00etara.
  Politika 2004-06-15 22:30

Jose Mari Tokero preso sopeloztarraren senide eta lagunek istripua izan dute

Erabiltzailearen aurpegia Ukberri Jose Mari Tokero Teruelgo espetxera bisitatzera zihoazela, trafiko istripu larria izan zuten igande goizean euskal preso sopeloztarraren koinatuak, ilobak eta bi lagunek. Horietatik hiru ospitalean jarraitzen dute oraindik, Teruelen (Aragoi), Euskal Herriko erietxeetara anbulantziaz noiz ekarriko dituzten zain. Etxerat elkarteak salatu duenez, sakabanaketa politikak aurten eragin duen 25. istripu larria da Tokeroren senide eta lagunek izandakoa. Ezbehar horietan 73 senide eta lagun zauritu direla nabarmendu dute.

Nabarmenak

Zorion agurrak