Kirolak 2004-06-12 00:02

Emakumeen Bira Sopelan hasi eta amaituko da igandean

Erabiltzailearen aurpegia Ukberri Iurreta Txirrindulari Elkarteak antolatuta, XVIII. Emakumeen Biraren laugarren etapa hartuko du Sopelak igande honetan. Lasterketa nazioarteko egitarauan onenetarikoa da, Euskal Herriko hainbat udalerrietatik igarotzen da. Baina Sopelan are garrantzi handiagoa edukiko du. Izan ere, Frantziako Tourra hirutan irabazi duen Joane Somarriba sopeloztarrak parte hartzen du biran. Irteera 10:30ean izango da. Besteak beste, Urduliz, Butroe, Gatika, Andraka eta Barrikatik igaroko da 88,8 kilometroko etapak.
  Jendartea 2004-06-12 00:02

Barinatxe hondartzako parkingak bost euroko prezioa edukiko du bihartik aurrera

Erabiltzailearen aurpegia Ukberri Sopelako Barinatxe hondartzako parkingean kotxea uztea bost euro aterako zaie erabiltzaileei bihartik hasita eta uda osoan zehar, Sopelako Udaleko iturriek jakinarazi dutenez. Udalerriko biztanleek, ostera, aparkalekua debalde erabiltzeko txartel berezi bat edukiko dute.
  Jendartea 2004-06-10 20:21

Ander Deuna ikastolako gazteek dirua bilduko dute Saharara bidaia egiteko

Erabiltzailearen aurpegia Ukberri Ander Deuna ikastolako Batxilergoko lehen ikasturteko ikasleek jaia antolatu dute larunbat honetarako, Sopelako udaletxe plazan bertan, Saharako Errepublika Arabiar Demokratikora elkartasun ikasketa-bidaia egiteko dirua biltzeko. Horrela, fanfarriak, trikitixak eta zanpantzarrek giroa alaituko dute, eta gainera, haima bat jarriko dute jarduera ezberdinak egiteko. Eguerdian, Saharari buruzko dokumentalen maratoia egongo da, eta ondoren, bazkari herrikoia antolatu dute. Arratsalde partean, musika izango da protagonista, hainbat banda eta Urgabe taldearen kontzertua izango baita gaueko 23:30ean hasita. Gainera, egun osoan zehar, Sahararekiko "elkartasun" txosna batek zerbitzua eskainiko die bertaratutakoei.
  Kultura 2004-06-08 23:53

Argazki lehiaketa antolatu dute Sopelan

Erabiltzailearen aurpegia Ukberri Herriko argazkien bilduma osatzeko asmoz, www.sopelana.net webgunean ikusgai egongo diren argazkien txapelketa antolatu du Sopelako Udalak. Horrela, jasotako irudi onenen artean, 50 euroko bost sari banatuko dira. Gaiari dagokienez, herria edota Roberto Zalbidea margolariaren hasierako ideia hartuz, Sopela Bigarren Hezkuntza Institutoko ikasleek dekoratu zuten Bakearen Usoari buruzkoak izan beharko dira lanak. Gaur egun, "Bilbo, Bakea eta Tolerantzia" erakusketan dago ikusgai artelana, "Bilbao 700" Fundazioak antolatuta.
  Jendartea 2004-06-08 23:51

Sopelako auzokidea zauritu da Santurtzin lanean zegoela

Erabiltzailearen aurpegia Ukberri Langile bat zauritu da gaur goizean oholtzar batzuk oin baten gainera erori zaizkionean Santurtziko Kanpazar auzoan lanean ari zela, DYAk jakinarazi duenez. Lan istripua 8:30ak aldera gertatu da, eta 44 urteko JG.C.B. Sopelako auzokidea, San Juan de Dios Ospitalera eraman behar izan dute osasun zerbitzuek, pronostiko erreserbatuko zauriekin.
  Kirolak 2004-06-03 23:49

Munduko surflari gazte onenak asteburu honetan Sopelan

Erabiltzailearen aurpegia Ukberri Asteburu honetan Arrietara hondartzan ospatuko den Billabong Pro Junior Sopelana 2004 surf txapelketaren aurkezpena hartu zuen atzo Sopelako udaletxean. Besteak beste, Euskal Herriko Surf Federazioak antolatuta eta Billabong babesle nagusia delarik, Bizkaian egiten den lehenengo aldia da. Horrela, ekainaren 4, 5 eta 6a bitartean, munduko surflari gazte onenak elkartuko dira bertan, Thaiti, Guadalupe, Maroko... etorritakoak, hain zuzen ere. Hala ere, euskal ordezkariak ez dira gutxiagorako izango. Irabazteko aukera garbiak dituzten Aritz Aramburu eta Hodei Collazo zarauztarrak ere lehiatuko dira.
  Iritzia 2004-05-27 23:31

Ibilaldia, azken txanpa - Xabier Ugalde / Ander Deuna ikastolako zuzendaria

Erabiltzailearen aurpegia Ukberri Duela 12 hilabete Lekeition hartu genuen Ibilaldiaren lekukoa Ander Deuna eta Betiko ikastolek eta datorren domekan, maiatzak 30, urte bateko ibilbideari emango diogu amaiera. 12 hilabete intentsu oso. Alkarregaz ekin diogu, elkarrengandik ikasi dugu, hainbat une konpartitu eta hainbat asmo eta ilusio jarri dugu ekimen horretan bi ikastoletako komunitateek.
  Kultura 2004-05-25 22:41

Jessica Latailladek irabazi du 2004eko Sopelako Jaietako kartel lehiaketa

Erabiltzailearen aurpegia Ukberri Aurtengo jaietako kartel lehiaketaren irabazleen izenak eman dituzte jada. Besteak beste, Jessica Lataillade sopeloztarrak eraman du lehenengo saria, 450 euro eskuratuz. Bigarrena, berriz, Iñigo Pascuali egokitu zaio, 300 euro guztira. Eta 150 eurotako hirugarren saria Alex Doradak eskuratu du. Azkenik, 11 urteko Maite Lauzirikak umeen saria irabazi du (60 euro).
  Kultura 2004-05-24 23:55

Sopelako 25 gazte Cambrigera joango dira udan ingelesa ikasteko

Erabiltzailearen aurpegia Ukberri Ingeles ezaguera maila handitzeko asmoz, Ingalaterrako Cambrige konterrira egingo dute bidaia, udan, Sopelako 25 gaztek. Horrela, uztailan, Peterborough herriko hainbat familiek hartuko dituzte 13 eta 14 urte bitarteko neska-mutil sopeloztarrak. Hilabetea egingo dute bertan.
  Politika 2004-05-24 23:53

Etxebizitzaren inguruan arituko da bihar Sopelan Madrazo

Erabiltzailearen aurpegia Ukberri Eusko Jaurlaritzan Ezker Batuak daraman etxebizitzaren gaineko politika izango da eztabaidagai, astearte honetan, 19:00etatik aurrera Sopelako hall kulturalean egingo den hitzaldiak. Besteak beste, Javier Madrazo EB-IUko koordinatzaile orokorra eta Eusko Jaurlaritzako Etxebizitza sailburuordea eta Jose Vicente Ojinaga Sopelako EB-IUko bozeramalea izango dira hizlariak.
  Kirolak 2004-05-13 00:21

Joane Somarribak Euskal Herritar Unibertsalaren Saria jasoko du

Erabiltzailearen aurpegia Ukberri Lehendakaritzaren esanetan, sari honekin euskal txirrindularitza saritu nahi dute: profesionalak, babesleak, taldeak eta zaleak

Joane Somarriba txirrindulari sopeloztarrak Euskal Herritar Unibertsalaren Saria jasoko du aurten. Lehendakaritzaren hitzetan, sari honekin euskal txirrindularitza osoa saritu nahi dute: profesionalak, babesleak, taldeak eta zaleak. Bizikletaren gainean lortu dituen arrakastengatik ez ezik, bizitzan izan duen ibilbideagatik eta munduan zabaldu duen Eskadiren irudi positiboagatik ere emango diote saria.

Gehiago irakurri
  Jendartea 2004-05-13 00:20

Tokiko Agenda 21 egitasmoaren aurkezpena Sopelan

Erabiltzailearen aurpegia Ukberri Tokiko Agenda 21 izeneko ingurumenerako ekintza planaren aurkezpena hartuko du ostegun honetan (maiatzak 13) Sopelako udaletxeak. Egitasmoa abian jartzen eta garatzen lagunduko duten ideiak eta iritziak jasotzeko asmoz, parte hartu nahi duten udalerriko sektore guztiak gonbidatu dituzte batzarrera. Izan ere, Sopelan garapen jasangarria lortzeko bideak sustatzen lagunduko du Agenda 21-ek, Ricardo Ibarra alkateordeak adierazi duenez. "Ezinbestekoa da herritarren parte hartzea, garapen jasangarriaren bidez, bizitzeko ingurune atsegina eskaini nahi diegulako etorkizuneko belaunaldiei".
  Jendartea 2004-05-11 22:07

Sopelako hondartzetan aparkatzea garestiago izango da aurten

Erabiltzailearen aurpegia Ukberri Maiatzaren 4eko udalbatzan onartutakoaren arabera, udaldiari begira, udalerriko hondartzetan dauden aparkalekuen tarifak igotzea erabaki du Sopelako Udalak. Arrietara eta Atxabiribil hareatzetan izango du eragina neurriak. Hondartza garaia hastearekin batera, eguneko bost euro ordaindu beharko dute auzotarrak edota inguru horietako bizilagunak ez diren guztiek.
  Kultura 2004-05-10 21:33

Sopelako Jaietako XIII Kartel Lehiaketan parte hartzeko epea luzatu dute

Erabiltzailearen aurpegia Ukberri Maiatzaren 14ra arte izango dute euren lanak aurkezteko aukera, Sopelako Jaietako XIII Kartel Lehiaketan parte hartu nahi duten guztiek. Horretarako, udaletxeko Kultura Sailera joan beharko dira interesatuaek. Gogoratu behar da, bi arlotan banatu dituztela sariak. Alde batetik, 60 eurotako Haurrentzako Saria jasoko du 16 urte bitarterako parte-hartzaileetako batek. Bestetik, 17 urtetik gorakoen artean, hiru sari banatuko dituzte: irabazlearentzat 450 euro, bigarrenarentzat 300 euro eta hirugarrenarentzat 150 euro, hurrenez hurren.
  Kultura 2004-05-07 23:16

Hirugarren urtez ospatuko da bihar artisautza azoka Sopelan

Erabiltzailearen aurpegia Ukberri Gutxi gora behera, 25 artisauk hartuko dute parte larunbat honetan Sopelako III. Artisautza Azokan. Ekitaldia Larrabasterra auzoko Urgitxeta plazan izango da, 10:00etatik 15:00ak arte
eta larrua, eskuz jokatzeko pilotak, bisuteria... landuko dituzte, besteak beste, artisauek. Azpimagarriak dira zenbait partaidek zuzenean egingo dituzten lanak. Horretaz gain, Barinatxe Txistu Eskolako kideek musikaz jantziko dute ekitaldia. Gainera, umeetzako animazioa eta puzgarriak egongo dira.
  Jendartea 2004-04-29 23:34

Gazte Planaren bidez, udalerriko gazteriaren beharrak aztertzen ari dira Sopelan

Erabiltzailearen aurpegia Ukberri Udalerriko gazteek dituzten arazoak ezagutu eta hauei konponbidea emateko asmoz, “Gazte Plana” izeneko azterketa egiten ari da, 14 eta 35 urte bitarteko lagunen artean, Sopelako Udalak. Horrela, Gazte Plana 2002-2005 onartzeko, Eusko Jaurlaritzak hartutako erabakiarekin bat egin du udal erakundeak. Montse Macias ikerketaz arduratuko den soziologoak azaldu duenez, enplegua, etxebizitza, hezkuntza, osasuna eta aisialdia arloetan, gazteen kolektiboak dituen arazo zehatzei erantzuna eman nahi die Gazte Planak. Helburu hori lortzeko, gizarte talde horrek dituen beharrak ezagutzea da lehenengo pausua, eta horretarako, inkesta bat egiten ari dira gazte sopeloztarren artean. “Herriko gazteriaren egoera ezagutzen lagunduko digu horrek”, adierazi du Maciasek.
  Kultura 2004-04-29 23:12

Miarritzeko Baleta ikusgai bihar Ibilaldia 2004aren eskutik

Erabiltzailearen aurpegia Ukberri Miarritzeko Balletak "Errusiar Balletei omenaldia" izeneko ikuskizuna eskainiko du, ostiral honetan, Sopelako Urko Kiroldegian. Ibilaldia 2004ko aurreko ekitaldien barruan, 21:00etan emango zaio hasiera ikuskizunari. Sarrerei dagokionez, 5 eurotan daude salgai, Sopelako Ander Deuna ikastolan eta udaletxean, Ibilaldiko dendetan eta, tokian bertan egongo dira eskura.
  Kultura 2004-04-27 22:52

Casting-a antolatu du Sopelako Turismo Bulegoak

Erabiltzailearen aurpegia Ukberri Turismo bulegoko publizitate kanpaina abian jartzeko azmoz, casting-a antolatu du Sopelako Udaleko arlo horretako sailak. Parte hartu nahi duten guztiek osteguna arratsaldera arte daukate izen emateko aukera, udaletxeko hall kulturalean. Datuak eta telefono zenbakia eman beharko dituzte bertan.
  Jendartea 2004-04-26 22:54

Hondurasen emakumeentzako gizarte-etxea zabaltzeko lanean ari da Sopelako Udala

Erabiltzailearen aurpegia Ukberri Hondurasen emakumeentzako gizarte-etxea zabaltzeko asmoz, Sembrando Futuro gobernuz kanpoko erakundearekin elkarlanean dihardu Sopelako Udala. GKEak berak laguntza eskatu eta gero, egitasmoa gauzatzeko hainbat bitarteko lortzeko kanpaina abian jarri dute. Besteak beste, eskola materiala (margoak, arkatzak, folioak...); edozein adinetako haurrentzako arropa, zapata (udarakoak nagusiki) eta jostailuak; irakurtzeko liburuak eta ipuinak; idazmakinak (elektrikorik ez); bizikletak eta, ahal izanez gero, ordenagailua bilduko dituzte apirilaren 26tik 30era bitartean. Zipiriñe ikastetxera eraman ahal izango dira guzti horiek, 16:30etik 17:30era.
  Jendartea 2004-04-06 22:17

Herrigunean 30 farola berriztatu ditu Sopelako Udalak

Erabiltzailearen aurpegia Ukberri Sopelako erdiguneko oinezkoentzako guneetan, 30 kaleargi aldatu ditu Udalak, aurrekoak argi nahikoa ematen ez zutelakoan. Farola berriek estaldura opakoa daukate argia goikaldetik ihes egin beharrean, behekaldera isladatzeko. Horretaz gain, kaleargien oinak ere aldatu egin dituzte, lehen zeuden zutabe galbanizatuen ordez, artistikoago batzuk jarriz. Orotara, 28 farola aldatu dituzte udaletxe parean, bost beso dituen beste bat Jauregizar plazan, eta beste horrenbeste Urrutikoetxea kalean.

Nabarmenak

Zorion agurrak