Praktikak egiteko 15 beka eskainiko dituzte eskualdean
Mankomunitateko udalek eta Leioako Udalak martxan ipini dute inguruko enpresetan lanekoak ez diren praktikak egiteko beka-programa. 18 eta 29 urte bitarteko gazte titulatuentzako 6 hilabeteko 15 beka izango dira, Gaztedi Uribe Kosta hitzarmenaren barruan. Urtarrilaren 31ra arte sar daitezke eskaerak.
EH Bilduk alkategaiak aukeratzeko prozesua martxan ipini du Uribe Kostako herri handietan
Leioa, Getxo, Sopela eta Erandion alkategaiak aukeratzeko prozesuak martxan ipini ditu EH Bilduk. Ondorioz, alderdiak informatu duenez, hautagaitzak aurkeztea ere posible dute hala gura dutenek, urriaren 28ra artean. Gainontzeko herrietan aurrerago egingo dute prozesua.
Leticia Canalesek irabazi du Siroko Surf Superliga
Leticia Canales surflari sopeloztarra nagusitu zen atzo Siroko Surf Superligan, Gijongo San Lorenzo hondartzan. Canalesek Iara Domínguezegaz jokatu zuen finala; aurretik gainditu zituen Isa Gundín galiziarra, hirugarren geratu zena, eta Garazi Sanchez getxoztarra, iazko irabazlea.
Euskaraldiaren Sopelako hamaikakoa aurkeztuko dute eguenean
Euskaraldiko Sopelako batzordeak herriko hamaikakoa izango dena aurkezteko ekitaldia egingo du eguen honetan, urriaren 18an, Jauregizar plazan; hitzordua 18:30ean ipini dute. Horregaz batera, bertso-saioa egingo dute Paule Loizagak eta Unai Mendiburuk. Eta plaza-dantzak egongo dira, Meñakoz kultur elkarteko trikitilariakaz eta panderojoleakaz.
Zornotzara ailegatuko da domekan Bizkaiko Bertsolari Txapelketa
Urriaren 21ean jokatuko da Bizkaiko Bertsolari Txapelketaren hirugarren kanporaketa Zornotzan. Zornotza Aretoan izango da, 17:00etatik aurrera. Kanporaketa horretan, Aitor Esteban Etxebarria urduliztarrak, Inazio Vidal Gurrutxaga leioaztarrak eta Unai Mendiburu Valor algortarrak parte hartuko dute. Sarrerak www.bertsosarrerak.eus atarian daude salgai.
IAk Sopelan deitu ditu herri-eskolak
Bihar, barikuan, Hispanitatearen Eguneko jai-egun "arrotzari" intsumisioa egitera deitu du Ikasle Abertzaleak (IA) erakundeak. Uribe Kostan, Sopelako Ander Deuna ikastolan egingo dituzte herri-eskolak, 11:00etatik aurrera, Tosuren esperientzia ezagutzeko eta jakintza propioa garatzeko asmoz. Ikasleok Zorrotz antolakundeak ere egingo ditu herri-eskolak, Getxoko Txorimalo gaztetxean.
Pirritx, Porrotx eta Marimotots: "Herrigintza eta irrigintza uztartu nahi ditugu"
Euskara eta zoriontasuna eskutik doaz Pirritx, Porrotx eta Marimototsentzat. Motxila kargatu barik, zama sentitu barik, gure hizkuntzatik eta alaitasunez mundua aldatu daitekeela uste du Aiora Zulaika, Joxe Mari Agirretxe eta Mertxe Rodriguez lasartearrek osatutako pailazo-hirukote beteranoak.
Paule Loizagak eta Imanol Uriak euren buruak dituzte faboritotzat
Paule Ixiar Loizaga sopeloztarrak eta Imanol Uria algortarrak bihar jokatuko dute Bizkaiko Bertsolari Txapelketako lehenengo kanporaketa, Gernika-Lumoko Lizeo antzokian. Daborduko prest daude onena emateko, arerioak gutxietsi barik.
Motxiladun umeei buruzko berbaldia gaur Itzubaltzetan
Sare Herritarrak pare bat ekitaldi antolatu ditu aste-akabu honetarako, eskualdean. Gaur, barikua, urriaren 5ean, motxiladun umeei buruzko berbaldia egongo da, 19:30ean, Romo Kultur Etxean. Domekan, urriaren 7an, Orain Presoak ekimena aurkeztuko dute, 13:00etan, Sopelako udaletxeko plazan.
Sopelako PSE-EEren egoitzaren kontrako pintaketak gaitzetsi ditu Bozeramaileen Batzordeak
Sopelako PSE-EEko egoitzaren aurka egindako pintaketen harira, Udaleko Bozeramaileen Batzordeak aho batez onartu zuen hurrengo adierazpena, joan den eguenean: "Erabateko gaitzespena adierazten dugu; demokrazioan, bizikidetza eta normaltasun politikoa lortzeko helburuekin, ez da onargarria edozein talde politikoko egoitzen kontrako erasoak izatea, Sopelako PSE-EEren egoitza aldizka jasaten ari den moduan".
Sopelbusek neguko ordutegiari ekin dio
Sopelako auzoak metro-geltokiakaz eta hondartzakaz lotzen duen autobusak neguko ordutegia dauka, urriaren 1etik. Aurten, zerbitzua astelehenetik barikura (jaiegunetan izan ezik) eskainiko dute, 07:00etatik 20:45era arte.
Gernika-Lumon jokatuko da Bizkaiko Bertsolari Txapelketako lehenengo kanporaketa
Ia ehun lagunek parte hartu zuten Barinatxeko surf inklusibo jardunaldian
Domeka goizean egindako Surf Inklusibo Jardunaldia oso arrakastatsutzat jo dute bosgarrenez ekimena antolatu duen Amesten elkarteak. Aniztasun funtzionaldun eta aniztasun funtzionalik gabeko 57 lagun murgildu ziren uretara, La Salbaje Surf Eskolako kideek lagunduta, eta denera 90ek hartu zuten parte jardunaldian.
Euskaraldia antolatzen jarraitzeko bilera irekiak
Aurrera doa Euskaraldia ekimena eskualdean. Hala, egunotan talde eragileen hainbat bilera ireki egongo dira kanpaina antolatzen jarraitzeko. Era berean, Gorlizko kanpaina aurkeztuko dute aste-akabuan.
Euskaraz ez dakiten gurasoek ipuinen bidez ikasten segituko dute Erandion
Joan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.
Pintaketak egin dituzte Sopelako PSE-EEren egoitzan
Sopelako Herriko Etxean "berriro ere" pintaketak agertu izana gaitzetsi du Bizkaiko PSE-EEk; "Gora eusko gudariak. Haien borroka, gure eredu" irakur daiteke gaur azaldutako pintadetan. Gaur arrastian egingo duten udaleko osoko bilkuran, pintaketak gaitzesteko adierazpen instituzionala onartzea proposatuko du Sopelako PSE-EEk.
Surf inklusibo jardunaldia egingo dute bosgarrenez Barinatxe hondartzan, domekan
Bosgarren urtez familientzako surf inklusibo jardunaldia antolatuko du Amesten elkarteak Sopelan, La Salbaje surf eskolagaz batera. Domeka goiz osoa emango dute aniztasun funtzionala dutenek surf-ariketak egiten, baita lehorreko jokoak ere.
Dozenaka pertsonak salatu dute Larrabasterran azken hilketa matxista
Uribe Kostako Emakumeen Kontseiluak deituta, dozenaka lagunek deitoratu dute Maguette Mbeugou emakume bilbotarraren hilketa, Sopelako Urgitxieta plazan.
Zentsuraren Aurkako Eguna egingo dute zapatuan, Sopelan
Maiatzean Sopelako hondartzan egindako horma-irudiengatik isuna ipini diete udalerriko hainbat kolektibori. Gaineratu dutenez, Gontzal Hermosilla alkateak salatu egin zituenez, urtarrilean epaiketa izango dute. Hori guztia gaitzesteko, Zentsuraren Kontrako Eguna egingo dute, zapatu honetan, irailaren 29an.
Uribe Kostako Emakumeen Kontseiluak ere deitu du mobilizaziora
Maguette Mbeugou emakumearen hilketaren aurrean "gogor erantzutera" deitu du Uribe Kostako Emakumeen Kontseiluak. Hala, gaur, eguaztenean, irailaren 26an, kontzentrazioa egingo dute: Larrabasterrako Urgitxieta plazan ipini dute hitzordua, 19:30ean.
Komunitatea
_profile_small.jpg){kind=small}
Urteari amaiera borobila emateko bertso jirak antolatu ditugu: Abenduaren 2an Sopelan Aitor Mendiluze eta Julio Soto izango dira Oxabiren lagunekin batera eta 28an Erandion Andoni Egaña eta Imanol Uria Kulunkan taldearekin. Info+: http://albe.eus/berriak/858-urte-bukaerako-bertso-jirak-2
Udako giroa epela aprobetxatuz, surf-ikastaroa egingo dugu uztailaren 30etik abuztuaren 2ra. Aurten, Arrietara hondartzan egingo dugu Peña Txuri Surf eskolako lagunekin. Noiz: uztailaren 30etik abuztuaren 2ra (astelehenetik ostegunera), 17:00etatik 19:00etara (16:15ean autobusa irtengo da). Non: Arrietara hondartzan, Sopelan. Norentzat: … ...
Sopelako jaietako bertso-saioak!
Asteburu honetan Sopelako jaietan izango ditugu bertso saioak. Bihar, ekainaren 30ean,13:15etan txosnagunean, Anjel Mari Peñagarikano, Sustrai Colina, Nerea Elustondo eta Kerman Diaz. Eta etzi, uztailaren 1ean, 20:00etan txosnagunean, Arrate Illaro, Naroa Torralba eta Unai Mendiburu. Info+: www.albe.eus
Sopelako jaietako bertso-saioak!
ALBEren UDAKO BERTSO-ESKAINTZAren hurrengo saioak asteburu honetan SOPELAN! Ekainaren 30ean 13:15etan txosnagunean. Uztailaren 1ean 20:00etan txosnagunean, kuadrilen sari banaketan. Info+: http://www.albe.eus/berriak/822-udako-saioak-2018
Txertoak eta zentzugabeko aurreiritziak
1796. urtean nafarreria gaixotasun hilgarria oztoporik gabe hedatuz zioan Europan zehar. Urte horretan Edward Jenner, Ingalaterrako herri-mediku batek, behaketa bitxi bat egin zuen: behiak jezten zituzten baserritarrak ez ziren nafarreriarekin kutsatzen. Behi-nafarreria mota arin baten sintomak jasaten zuten, baina arazorik ...
Izenburua: "Irakaspen sozioekonomikoak Eskozia eta Kataluniako prozesuetatik". Parte-hartzaileak: Oskar Arantzabal (UEU). Helena Franko (UEU eta EHU). Zelai Nikolas (Gure Esku Dago) Hitzaldiaren hizkuntza: euskara hutsez. "Euren etorkizuna modu librean erabaki nahi duten herriek tresnak, egiturak eta irizpideak behar dituzte. Bai ...
Jone Uria txapeldun, Uribe Kostako Bertsolari txapelketan
Atzo, Jone Uriak irabazi zuen 2018ko Uribe Kostako Bertsolari Txapelketa. Zorionak! Finala Nahikari Ayok gidatuta kantuan aritu ziren: Jone Uria, Imanol Uria, Paule Loizaga, Arrate Illaro, Peru Vidal eta Unai Mendiburu. Buruz burukora Imanol Uria eta Jone Uria pasa ziren ...
Erromako Santa Maria dominikoen komentuan, 1633.urteko ekainaren 22an, Urbano VIII aitasantuak zuzendutako auzi batean, Galileo (eta bide batez pentsakera arrazionala) umiliatua izan zen.
Uda aprobetxatuz, Bizarra Lepoan euskara elkartean surf ikastaroa antolatu dugu abuztuan. Noiz: abuztuaren 1etik 4ra (asteartetik ostiralera), 17:00etatik 19:00etara (16:15ean autobusa irtengo da). Non: Barinatxe hondartzan, Sopelan. Norentzat: 8 eta 16 urte bitarteko gazteentzat. Prezioa: 20 euro / 15 … ...
Uztailarekin batera, bertsozaleak Sopela aldera!
Uztailaren hasiera oso indartsua izango da Sopelan. Batetik, zapatuko saioak (hilaren 1ean) konbinazio ausarta bezain erakargarria esakiniko digu: Mendiburu, Lizaso, Bartra, Arzallus; eta domekan (hilak 2) sari banaketa "bertsotsua" izango dugu Arrate, Paule eta Unairen eskutik. Miren Loizagaren gaiek kalitatezko ...
Iragana dagoeneko ez da. Etorkizuna oraindik ez dago, eta akaso ez da sekula egongo. Gaur, une honetan, hau irakurtzen duzun bitartean, denborak atzamarren artetik ihes egiten dizu, likido garden eta harrapaezin bat bezala.
ni naiz agustin azkunaga or argazkien datorrena juantxu guinearekin, ta bai geuk irabazi genuen aste nagusiko mus txapelketa, ezkerrikasko ipintzeagaitik
»» Aste Nagusiko muslaririk onenak, Uribe ...