Domeka arrastian herritar batek Ertzaintzari dei egin zion, bizilagun bat bere lursailaren mugan zegoela esanez, bere amaren kontrako irainak eta heriotza-mehatxuak botaz. Jarrera hori deitoratzeko beregana hurbildu zenean, pertsona hori laban batez eraso egiten ahalegindu zitzaion, baina biktimak ateratzea lortu zuen, esku batean arma zuriz egindako zauri bat sufritu arren, beti ere herritar horrek salatutakoaren arabera. Zorionez, zauria arina izan zen.
Behin bertaratuta, poliziek gertatutakoa egiaztatu zuten eta erasotzailearen bila joan ziren. Handik gertu aurkitu zuten, sastraka batzuen artean ezkutaturik, eta ikusi zuten matxete handi bat zeroala gerrikotik zintzilik.
Identifikatzeko eskatu ziotenean, pertsona horrek alde egin zuen eta bere etxerantz abiatu zen, baina ertzainek harrapatu egin zuten. Atxilotu eta ertzain-etxera eroan zuten, arma zuriaz egindako delitu bat eta mehatxu-delitu bat egotzita.