Ekonomia  Barrika  Berango  Gorliz  Leioa  Lemoiz  Plentzia  Sopela  Urduliz  Uribe Kosta 2017-07-18 20:02

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Aldundiak 162.000 euro erabiliko ditu eskualdeko 8 udalerritan gazte-enplegua sustatzeko

Bizkaiko Foru Aldundiko Gobernu Kontseiluak "Udal Gaztedi Uribe Kosta" hitzarmena onetsi du gaur goizean. Hitzarmen hori Barrika, Berango, Gorliz, Leioa, Lemoiz, Plentzia, Sopela eta Urdulizko udalakaz sinatu du Bizkaiko Foru Aldundiak. Gazteen artean enplegu, ekintzailetza, osasun eta ongizate arloko jarduerak sustatzeko, 162.676 euro bideratuko dituzte. Pasa den ekainean, Erandioko Udalagaz sinatu zuen akordioa Aldundiak.

  Kirolak  Sopela  Urduliz 2017-07-14 16:55

Domekan jokatuko da Sopelako Udalaren Txirrindularitza Saria

Domekan jokatuko da Sopelako Udalaren Txirrindularitza Saria

Etzi, domekan, Ugeraga kirol-elkarteak antolatutako Sopelako Udalaren Txirrindularitza Sariaren 33. edizioa egingo dute Sopelan; bertan, Euskadiko eta Bizkaiko txapelketak jokatuko dituzte maila denetako emakumezko txirrindulariek. Gainera, Euskaldun Txapelketaren azken aurreko proba izango da.

  Jendartea  Berango  Erandio  Getxo  Sopela  Urduliz  Uribe Kosta 2017-07-14 13:50

Larrasbasterra eta Ibarbengoa geltokien artean obrak egingo dituzte, urte eta erdiz

Larrasbasterra eta Ibarbengoa geltokien artean obrak egingo dituzte, urte eta erdiz

Bizkaiko Garraio Partzuergoak (BGP) trenbide-plataforma berrituko du Ibarbengoa eta Larrabasterra metro-geltokien artean. Erakunde horren Kontseilu Nagusiak atzo Bilbon erabaki zuenez, 2.194.794 euro bideratuko dituzte obra horretara; lanek 17 hileko iraupena izatea espero dute. Modu berean, beste egitasmo berri batzuk onartu zituzten atzo: Sopelako kotxe-tokietarako tornu berri bat erostea; Urdulizko Udalagaz ur-saneamendua hobetzeko hitzarmena sinatzea; eta Lutxanako azpiestazioan beste estalki bat eraikitzea.

  Politika  Barrika  Berango  Erandio  Getxo  Gorliz  Leioa  Lemoiz  Plentzia  Sopela  Urduliz  Uribe Kosta 2017-07-12 14:54

Uribe Kostak beste bi udalerriren babesa beharko du foru-arauak bultzatzeko

Uribe Kostak beste bi udalerriren babesa beharko du foru-arauak bultzatzeko

Bizkaiko Batzar Nagusiek aho batez onartu dute gaur udalek ganbera horretan foru-arauak aurkeztu ahal izateko prozedura. Horren arabera, Uribe Kostako udalek ezin izango dute beraiek bakarrik foru-araurik proposatu. Izan ere, besteak beste, honako baldintza ezarri dute Batzar Nagusiek: "gutxienez, lurralde historikoko udalen %10ak" aurkeztea ekimena. Gaur egun Bizkaiko udalerriak 112 direnez, Uribe Kostako hamar udalek beste udalerri biren babesa beharko lukete edozein ekimena aurkezteko.

  Kultura  Urduliz 2017-07-07 14:20

Buztan erregosirik onena ea zeinek egin, uztailaren 8an

Buztan erregosirik onena ea zeinek egin, uztailaren 8an

Rabu Txapelketan ezinbesteko hitzordua dute urduliztarrek. Aurten 51. edizioa izango da, eta daborduko buztan erregosia prestatzen adituak direla esan daiteke. Uztailaren 8an, zapatuan, goizeko 09:00etan emango diote hasiera egunari, Urdulizko landan. Lapikoak 13:30ean aurkeztu beharko dituzte; sariak, ostera, 17:30ean banatuko dituzte. Amaitzeko, erromeria egongo da, Taberna Ibiltaria taldeagaz.

  Kultura  Urduliz 2017-07-03 18:15

Urdulizko Andra Mari jaiek badaukate kartela daborduko

Urdulizko Andra Mari jaiek badaukate kartela daborduko

Urdulizko Andra Mari jaiak irailean ospatuko dituzte, hilaren 4tik 17ra. Daborduko, festak iragartzeko kartela aukeratu du epaimahaiak: Amaia Gaspar García plentziarrak aurkeztu zuen lan irabazlea. Besteak beste, Sopelako jaietako kartel-lehiaketa ere irabazi berri du plentziarrak.

  Kultura  Urduliz 2017-05-29 10:35

Andra Mari jaietako lehiaketa bi, martxan

Andra Mari jaietako lehiaketa bi, martxan

Urdulizko udako festak iragartzeko kartela eta kontzertuak hautatzeko deialdi bi egin dituzte egunotan.

  Kultura  Urduliz 2017-05-10 14:10

Ikasketa-gelen ordutegia zabalduko dute Urdulizko kultur etxean

Ikasketa-gelen ordutegia zabalduko dute Urdulizko kultur etxean

Zapatu honetatik aurrera, hilaren 13tik aurrera, Urdulizko kultur etxeak bere ikasketa-gelen ordutegia zabalduko du, uztailaren 2raino. Hala, zapatuetan 16:00etatik 21:00etara ikasi ahal izango da Aita Gotzon kaleko 16. zenbakiko eraikinean; domeketan ere, zerbitzuaren ordutegia zabalagoa da: 09:00etatik 14:00etara. Bestalde, astelehenetik barikura bitartean ohiko ordutegia izango da: 20:00etatik 21:00etara.

  Kirolak  Urduliz  Uribe Kosta 2017-05-10 13:29

Urdulizko Antsonekoa jokalari bila dabil

Urdulizko Antsonekoa areto-futbol klubak talde berria sortzea erabaki du. Kirol-taldeak jakinarazi duenez, gazte-mailako taldea zelairatu gura du datorren denboraldian. Hala, gonbidapena egin die 1999an, 2000n eta 2001ean jaiotako gazteei, hilaren bukaeran klubera hurreratu eta probetan parte hartzeko.

  Jendartea  Urduliz  Uribe Kosta 2017-05-08 16:06

Bihar zabalduko dituzte Urdulizko ospitaleko larrialdi-zerbitzuak

Bihar zabalduko dituzte Urdulizko ospitaleko larrialdi-zerbitzuak

Urdulizko Alfredo Espinosa ospitaleak bere eskaintza zabaltzen segituko du laster: bihar, martitzena, larrialdi-zerbitzuak estreinatuko dituzte. Gaur, bertan izan dira Iñigo Urkullu EAEko lehendakaria eta Jon Darpón Osasuneko sailburua, instalazioak eta langileak ezagutzen.

  Politika  Barrika  Gorliz  Lemoiz  Plentzia  Sopela  Urduliz  Uribe Kosta 2017-05-08 00:20

Uribe Kosta Ados taldearen eragileak emaitzagaz "pozik" agertu dira, baina parte-hartze handiagoa espero zuten

Uribe Kosta Ados taldearen eragileak emaitzagaz "pozik" agertu dira, baina parte-hartze handiagoa espero zuten

Barrikan, Gorlizen, Lemoizen, Plentzian, Sopelan eta Urdulizen antolatu dituzte maiatzaren 7an erabakitzeko eskubidearen aldeko galdeketak. "Euskal Estatu burujabe bateko herritarra izan gura dozu?" galderari erantzuteko, Uribe Kostako sei herri horietako 25.512 herritar egon dira botoa ematera deituak, eta 5.007 lagunek bozkatu dute, hau da, %19, 62ak. 4.807 baiezko botoak izan dira, eta 150 ezezkoak. Hona hemen eguneko datuak.

  Jendartea  Urduliz  Uribe Kosta 2017-04-10 14:10

Inauguratu dute Urdulizko metro-geltoki berria

Inauguratu dute Urdulizko metro-geltoki berria

Bizkaiko Garraio Partzuergoak (BGP) gaur berrabiarazi du Urdulizko metro-geltokiko zerbitzua. Bide-trazadura berria du, eta horren bidez behin betiko kendu da trenbide-pasagunea, metro-sarearen azkena zena.

  Kirolak  Urduliz  Uribe Kosta 2017-04-04 17:56

Eskubaloi-campusa Uribe Butroen egingo du Uribe eskubaloi-eskolak

Eskubaloi-campusa Uribe Butroen egingo du Uribe eskubaloi-eskolak

Udako eskubaloi-campusa Mungian egingo dute Urduliz Eskubaloi Taldeak eta Uribe eskubaloi-eskolak. Daborduko bigarren txandan leku-kopuruak bete dira. Presa emateko aholkatu dute.

  Jendartea  Urduliz  Uribe Kosta 2017-03-31 11:25

Urdulizko ospitalea zabaltzeko "atzerapena" onartu die Darponek alkateei

Urdulizko ospitalea zabaltzeko "atzerapena" onartu die Darponek alkateei

Urdulizko Alfredo Espinosa ospitaleak zerbitzu berriak irekitzen jarraituko du datozen astetan eta, lehena, larrialdietako zerbitzua izango da. Hori iragarri dute Jon Darpon Osasun Sailburuak eta Maria Jesus Mugica Osakidetzako zuzendari nagusiak, Uribe osasun-eskualdeko alkateakaz gaur goizean egin duten lan-bileran. Osasun Sailak onartu duenez, bileraren helburua izan da "ospitalizazio zerbitzuaren irekieran dagoen atzerapenaz informatzea". Horren ardura sindikatuei leporatu diete, atzerapena "ospitaleko ikuztegi, garbiketa eta sukaldaritza zerbitzua kanpo ateratzearen aurka ipini dituzten helegiteen" ondorioz eman dela defendatzean.

  Politika  Urduliz 2017-03-13 12:59

Urdulizko Udalak ia 18 milioi euroko aurrekontuak onartu ditu

Urdulizko Udalak ia 18 milioi euroko aurrekontuak onartu ditu

Urdulizko Udalak 17,9 milioi euroko aurrekontuak onartu ditu urte honetarako. Proposamenak EAJren babesa izan du; EH Bilduk kontra bozkatu zuen, eta DB-TU ez zen osoko bilkurara aurkeztu.

  Ekonomia  Urduliz 2017-03-06 10:20

Osakidetza: "Egoera distortsionatu gura dute sindikatuek"

Osakidetza: "Egoera distortsionatu gura dute sindikatuek"

Osakidetzako zerbitzuak pribatizatzearen aurka mobilizatu da egunotan sindikatuen gehiengoa. Horren aurrean, Osakidetzak berak adierazi du ez duela kudeaketa-sistema aldatu, eta ez duela egingo ere, «Osakidetza euskal gizartearen lorpena da, eta osasun-sistema publikoa, unibertsala eta kalitatezkoa izaten jarraituko du», adierazi du.

  Jendartea  Barrika  Berango  Gorliz  Lemoiz  Plentzia  Urduliz  Uribe Kosta 2017-03-03 17:18

Martxoaren 8a ekitaldiz beteko dute, herririk herri

Martxoaren 8a ekitaldiz beteko dute, herririk herri

Emakumeen Nazioarteko Eguna izango da hurrengo eguaztenean, eta horri lotuta hamaika ekitaldi egingo dute egunotan Uribe Kostako herri denetan. Martxoaren 8an ez ezik, urtero legez, hileko beste hainbat egunetan ere ekimenak egongo dira. Hala, datozen egunetan eskualdeko udalek, eragileek zein Mankomunitateak ekimen nahikotxo antolatu dituzte.

  Kultura  Urduliz 2017-03-02 17:00

Pailazoen ikuskizuna, Urdulizen

Pailazoen ikuskizuna, Urdulizen

Gari, Montxo eta Joselontxo pailazoek "Mozorrotzen" ikuskizuna eskainiko dute, Urdulizko kultur etxean, bariku honetan, martxoaren 3an. Emanaldia 19:00etan hasiko da. Sarrera doan izango bada ere, sartzeko mozorrotuta joatea "beharrezkoa" izango da, Uribe Kostako Mankomunitateko arduradunek adierazi dutenez.

  Kultura  Urduliz 2017-03-01 17:49

Garagardoz bustitako bertso-saioa egingo dute, Urdulizko Etxeandia fabrikan, barikuan

Garagardoz bustitako bertso-saioa egingo dute, Urdulizko Etxeandia fabrikan, barikuan

Urdulizko Etxeandia garagardo-fabrikan bertso-saioa egingo dute bariku honetan, martxoaren 3an. Mungiako Taket bertsolaritza-elkarteak antolatu du ekitaldia eta ondoko hauak igoko dira oholtzara: Jone Larry, O’Larra, Mc Goiriena eta Ai’Est-man; gai-jartzailea sorpresa izango da, antolatzaileek adierazi dutenez. Saioa 20:00etan izango da; ostean, Auspokale Trikitri Elkarteagaz kanta eta dantza egiteko aukera ere egongo da.

  Kultura  Berango  Gorliz  Urduliz  Uribe Kosta 2017-02-24 13:44

Mozorrotzeko ordua heldu da!

Mozorrotzeko ordua heldu da!

Bariku honetatik aurrera, eskualdeko herri gehienetan aratusteez gozatzeko aukera egongo da, martxoaren 4ra arte.

Nabarmenak

Zorion agurrak