Guztira 129 blog daude lehiaketan, lau kategoriatan sailkatuta: 58 kultura-arlokoak dira, kopuru gehien bildu dituena; 27 aisialdi-kategoriara lotuta daude; 21 gizarte eta politikan; eta, zientzia eta teknologiaren kategorian parte hartzen daudenak 23 dira. "Fase berri honetan sortzaile eta erabiltzaileek baduzue zeresanik; zuen eta epaimahaiaren botoekin lau kategoria horietako bakoitzerako hiru blog finalistak aukeratuko dira. Beraz, zure iritzia adierazteko unea da hau!", adierazi dute Azkue Fundazioko arduradunek. Edozeinek bozka dezake bere bloga edo atsegin duen beste bat.
Urtarrilaren erdialdean Blogetan! Euskal blogariak lehian egitasmoan izena emateko eta blogak proposatzeko epea zabaldu zuen Azkue Fundazioak; denbora hori bukatuta, hurrengo faseari ekin diote. Hala, martxoaren 10era bitartean egongo da blogik gustukoena bozkatzeko aukera. Botoa modu bitara eman daiteke blogetan.eus-en: zuzenean edo Twitterren bidez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun