Politika 2005-01-11 23:04

Segik eskualdeko manifestazioa deitu du ostiralerako

Erabiltzailearen aurpegia Ukberri Euskal Herria mailan ostiralerako borroka eguna deitu du Segi gazte erakundeak. Horren harira, Uribe Kostan, goizean herrietan eta ikastetxeetan burutuko diren kontzentrazioez gain, eskualdeko manifestaziorako deia egin dute ilegalizatutako gazteek. Hain zuzen ere, ostiral honetan goizean, besteak beste, 11:15etan Itzubaltzeta / Erromoko Romo institutuan eta 12:00etan Algortako Telletxen kontzentrazioa izango dira. Arratsaldean, berriz, 8etan elkarretaratze handia egingo dute Astrabuduan, Aiboa Casaresen jaioterria.
  Jendartea 2005-01-11 22:46

Getxo, Leioa, Berango eta campusa ere hartuko ditu Zinegoak 2005 jaialdiak

Erabiltzailearen aurpegia Ukberri Datorren urtarrilaren 19an emango zaio hasiera Bilboko Gay-Lesbo-Trans Nazioarteko Zinema Jaialdiaren bigarren edizioari. Igaz izandako arrakasta kontutan hartuta (3.000 ikusle), aurkeztuko diren filme kopurua ezezik (35 guztira), 20.000 mila eurotan ere handitu da aurrekontua, 60.000 mila euro guztira. Gainera, Bilborock aretoaz gain, Leioako EHUko campusean ere izango dira proiekzioak. Horren haritik, ekimenaren arduradunek "Zinegoak ´05 zabalkuntza" sortu dute emanaldiak Berangon, Galdakaon, Getxon, Leioan, Portugaleten eta Sestaon ere egin daitezen.
  Jendartea 2005-01-11 22:27

Aldundiak Maidagan eta Urdulizen trenbidea lurperatuko duela iragarri du

Erabiltzailearen aurpegia Ukberri Jose Luis Bilbao Bizkaiko diputatu nagusiak Maidagan (Getxo) eta Urdulizko trenbide-pasaguneak "behin betiko" desagerraraziko direla adierazi du gaur. Bilbaok aipatu duenez berak azaldutako "burugogorkeriagatik" bi lan horiei ekingo zaie, Bizkaiko garraioan dauden bi arazogune horiekin bukatzeko beharrezkoa baitzen. Lanez Bizkaiko Garraio Partzuergoa arduratuko da. Elkarte publiko horretan Eusko Jaurlaritza, udalak eta Bizkaiko Foru Aldundiak berak parte hartzen dute.
  Politika 2005-01-11 15:28

Astebete egin dute itxita Bilbaok eta Garciak

Erabiltzailearen aurpegia Ukberri Astebete igaro da 37 presok itxialdiko lehen txanda hasi zutenetik, Astrabuduako Jon Bilbao Moro eta Algortako Gorka Garcia Sertutxa "Patas" tartean. Algeciraseko eta Huelvako espetxean daude, hurrenez hurren. Guztia ere Euskal Preso Politikoen Kolektiboaren "borroka iraunkorreko dinamika berria"ren jardueren barruan, urtarrilaren 3an planto orokorra egin zuten euskal preso politikoek, eta hurrengo egunean itxialdi forma hartu zuen ekimenak.
  Politika 2005-01-11 15:27

Euskal Preso Politikoen Kolektiboaren agiria

Erabiltzailearen aurpegia Ukberri Joan den aste- lehenean, urtarrilaren 3an, euskal preso politiko guztiok planto orokorra egin genuen Frantziako, Espainiako eta mundu zabaleko espetxeetan. Hamar minutuz, uko egin genion gure ziegetara itzultzeko aginduari. Espetxe diziplina hautsi genuen gatibu hartzen gaituzten gertuko zein urruneko espetxeetan.
  Kultura 2005-01-10 22:55

Urtarrilaren 30ean hasiko da maskaraden sasoia

Erabiltzailearen aurpegia Ukberri Urtarrilaren 30ean kaleratuko dira 2005eko lehen maskaradak. Ohitura den bezala, maskaraden herrian bertan, Altzürükün (Zuberoa), egingo da lehen agerraldia, dantzan.com webgunean iragarri dutenez.
  Politika 2005-01-10 17:13

Ezker abertzaleko plataformek euskal presoak Euskal Herriratzea eskatuko dute

Erabiltzailearen aurpegia Ukberri Uribe Kostako hamar ezker abertzaleko herri plataformek euskal presoak Euskal Herrira ekartzea eskatzeko mozioak aurkeztuko dituzte udaletan. Mozioak "datozen aste zein hilabeteetan" jarriko dituzte, haiek aurkeztuta (Sopela Aurrerako kasua) eta, ilegalizatuta dauden lekuetan, beste alderdi batzuen bidez eginez edo plenoetan herriari dagokion txandak erabiliz.
  Politika 2005-01-08 21:11

Bruselara bidaia karnetak han uzteko

Erabiltzailearen aurpegia Ukberri Datorren otsailaren 19an, Estatu espainiarrean Europako Konstituzio bozkatuko da. Konstituzio horretan ez da bermatzen nazio eskubidea. Hori dela eta, Desobedientzialariak taldea, beren karneten kanpainaren barruan ekimen bat prestatzen ari da eta Audeterminazioaren Biltzarrak (ABK) taldeko desobedientzialariok parte hartuko dugu. Duela hiru urte ABKk egin zuen moduan, europarlamentari batzuei karnetak eramango dizkiegu otsailaren 12 eta 13ko asteburuan eta bide batez, ekimen errebindikatzaile publiko bat eta ekimen ludikoak antolatuko ditugu; musika, jakien dastaketa, eta abar.
  Jendartea 2005-01-08 15:21

Gabonetako zuhaitzak batu eta mendian landatuko ditu Foru Aldundiak

Erabiltzailearen aurpegia Ukberri Uribe Kostako biztanleek datozen egunotan beren gabonetako zuhaitzak birziklatzeko aukera izango dute. Urtarrilaren 10 eta 11n, Bizkaiko Foru Aldundiko Nekazaritza Sailak batuko ditu data hauetan etxe askotan erabiltzen diren zuhaitzak. Bildutako guztiak Bizkaiko basoetan landatuko dira hazi daitezen.
  Jendartea 2005-01-08 14:50

Metroa Etxebarri eta Sestaora ailegatuko da arratsaldean

Erabiltzailearen aurpegia Ukberri Gaur 15:00etan irekiko ditu Metro Bilbaok Sestao eta Etxebarriko geltoki berriak. Dena den, gaur goizean lehenengo bidaiariak izan dira bertan, Juan Jose Ibarretxe EAEko lehendakariak inauguratu baitu linea berria zabaltze-ekitaldian.
  Politika 2005-01-07 15:07

Sopelako PSE-EEko egoitzan lehergailua jarri eta Algortako batzokian pintadak egin dituzte

Erabiltzailearen aurpegia Ukberri Itxura denez, etxean egindako lehergailu bat jaurti zuten ezezagunek, asteazkenetik ostegunera, gaueko hamabiak aldera, PSE-EEk Sopelan duen egoitzaren kontra. Ertzaintzak jakinarazi duenez, leherketak kalte txikiak eragin zituen eraikinean.
  Hezkuntza 2005-01-04 12:58

Ikerketan gehiago inbertitu behar dela dio Perez Iglesiasek

Erabiltzailearen aurpegia Ukberri EHUko errektore Juan Ignazio Perez Iglesiasen iritziz, unibertsitate arloko ikerketan gehiago inbertitu behar da, orain baino %25-30 gehiago. Bestalde, Eusko Jaurlaritzarekin hitzartutako finantzaketa planarekin azken urte hauetan pilatutako defizita gainditzeko aukera izango dutela azaldu du errektoreak.
  Jendartea 2005-01-03 19:31

Getxon eta Berangon lagun bana atxilotu dituzte asteburuan alkoholaren eraginpean gidatzeagatik

Erabiltzailearen aurpegia Ukberri Asteburuan zehar hamaika lagun atxilotu ditu Ertzaintzak EAEko errepideetan, edari alkoholikoen eraginpean gidatzea egotzita. Bilbo, Arrigorriaga, Elduain, Artzentales eta Hondarribian ez ezik, Uribe Kostako Getxo eta Berango udalerrietan izan ziren larunbateko atxiloketetatik bi. Getxon izan ezik, auto-istripuetan nahasita egotea leporatzen diete atzemandakoei.
  Kultura 2004-12-31 12:49

Gabon zahar gauean gozatzeko aukera ugari Uribe Kostan

Erabiltzailearen aurpegia Ukberri Urte amaierako ohiko kotilioietara joan edota tabernaz taberna noraezean ibili nahi ez duten horiek hainbat aukera izango dituzte eskualdean Gabon zahar gauean ondo pasatzeko, kanpai hotsak entzun eta ordu gutxitara. Besteak beste, goizaldeko ordu batetatik aurrera, Ataque de nervios, Desquiciados, Pabellon 3/14, Cadena del WC, Ketesnukas eta Ultima Neurona taldeek joko dute Udondo gaztetxean antolatutako kontzertuetan.
  Politika 2004-12-31 11:57

Gabon zaharrean ere euskal presoak Euskal Herrira!

Erabiltzailearen aurpegia Ukberri Hilabeteko azken ostiraleko mobilizazioen barruan eta gaurkoan Gabon zahar ospakizunarekin bat eginez, elkarretaratzeak deitu ditu Euskal Herri osoko auzo, herri eta hiriburuetan Etxerat elkarteak. Besteak beste, Uribe Kosta eskualdean 20:00etan da hitzordua, Leioako Boulevardean (brindisa eta guzti), Areetako Xake, Algortako Telletxe, Berangoko Gudari eta Sopelako Udaletxe enparantzetan, eta Armintzan. Gainera, ordubete lehenago taloak eskainiko dira Sopelako Mikelats herriko tabernan, errepresaliatuen alde dirua ateratzeko. Azkenik, Algortan, triki-bertso-poteoa egongo da elkarretaratzearen ostean.
  Kultura 2004-12-29 23:45

Ibarretxe Planak euskara ezagutzeko "eskubidea eta betebeharra" biltzea eskatu du Kontseiluak

Erabiltzailearen aurpegia Ukberri Euskararen normalizazioa osoa lortzeko Ibarretxe Plana delakoak euskara ezagutzeko "eskubidea eta betebeharra" biltzea eskatu du gaur Xabier Mendiguren Euskararen Gizarte Eragileen Kontseiluko idazkari nagusiak. Argazkian, Paul Bilbao, Txema Auzmendi, Txillardegi, Koldo Tellitu, Julen Etxeberria, Mikel Aldasoro eta Paulo Agirrebaltzategi atzean eta, Kristina Andres eta Xabier Mendiguren aurrean.
  Kultura 2004-12-29 23:34

Datozen urteetarako ordenamendu juridikoa izan daitekeena erabakiko da orain

Erabiltzailearen aurpegia Ukberri





Gure historiako une berezi baten aurrean gaude. Bihar, abenduaren 30ean, garrantzi handiko eztabaida egingo da Gasteizen, Eusko Legebiltzarrean. Dakizuenez, bertan Euskadiko Estatutu Berrirako Proposamenaren testua, joan den hilaren 20an Batzordeak bozkatutako eta onartutako testuari buruz eztabaidatuko dute parlamentari guztien artean.
  Jendartea 2004-12-29 23:19

Metro Bilbaok zerbitzu berezia eskainiko du Gabon zahar gauean

Erabiltzailearen aurpegia Ukberri Abenduaren 31an, 21:05ean abiatuko da Boluetatik Plentziara doan azkeneko metroa eta 20:20ean alderantzizko norabidean. Goizaldeko ordu batetan berriro egongo dira martxan trenak Gabon zahar gautxorien parranda gogoak asetzeko. Guztira, 150 zerbitzu eskainiko ditu Metro Bilbaok 2005eko urtarrilaren 1eko 1:00etatik 9:00ak arte. Geltokiko langileen oharrei kasu egiteko gomendatu du konpainiak, eta urte berriaren etorrerarekin metroaren tarifa berriak martxan jarriko direla ohartarazi du.
  Jendartea 2004-12-28 12:37

Lau pertsona hil dira istripuz Uribe Kostan azken lau egunetan

Erabiltzailearen aurpegia Ukberri Lau pertsona hil dira Uribe Kostan azken egunotan, guztiak istripuz hilda ere. Azkena, Getxon zendu zen atzo eguerdian, BI-637 errepidean gertatutako hiru kotxeen arteko istripuan, tartean Ertzaintzako kotxe bat. Bestalde, Areetako kaian gizon baten gorpua aurkitu zuten gabon egunean. Antza, bertara erorita hil zen. Azkenik, gabon gauean, bi pertsona hil ziren Gorlizen, kotxe istripuz. Lau hildakoetako bat bera ere ez omen zen Uribe Kostako biztanlea.
  Politika 2004-12-27 22:18

Hilabeteko azken ostiralean euskal presoen aldeko mobilizazioak deitu dituzte

Erabiltzailearen aurpegia Ukberri Hilabeteko azken ostiralero legez, elkarretaratzeak egingo dira euskal preso politikoen eta senitarteko eta lagunen eskubideen defentsan Euskal Herriko auzo, herri eta hiriburuetan. "Denon artean euskal presoak Euskal Herrira" lelopean, Etxerat elkarteak deituta, Uribe Kosta eskualdean hainbat dira hitzorduak.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04