Kultura 2004-12-24 12:44

Horra, horra, gure Olentzero...

Erabiltzailearen aurpegia Ukberri Hamabi hilabete luze itxaroten egon ostean, gau berezia da gaurkoa Euskal Herriko neska-mutil guztientzat. Bapo afaldu eta gero, lozorroan sartu eta, eguna argitzean, orduan hasiko dira arineketak eta komeriak. Hala ere, afaldu aurretik, abestu eta jolasteko aukerarik ez zaie faltako txikienei. Izan ere, bazter guztiak irribarrez eta algaraz gainezka izango dira Olentzeroren bisitarekin. Uribe Kosta osoan ere ekitaldi ugari antolatu dituzte udalek eta elkarteek.

Ikusi ekitaldiak herriz herri agendan
  Jendartea 2004-12-24 12:03

Garraioekin adi ibili beharko dute Eguberri afarira garaiz heldu nahi dutenek

Erabiltzailearen aurpegia Ukberri Garraiobide publikoek zerbitzu bereziak eskainiko dituzte egun hauetan. Metro Bilbaori dagokionez, gaur, Plentziara doan azken trena 21:05ean aterako da Boluetako nasatik eta 20:20an, aurkako bidean. Bihar, berriz, Plentziarako lehen trena 11:05ean abiatuko da Boluetatik (Plentzia-Bolueta 11:00etan). Bizkaibuseko autobus-zerbitzuak eskaintzen dituen TCSA enpresak, bestalde, gaur 20:30etik aurrera zerbitzurik izango ez dela iragarri du. Bihar 9:00etan hasiko da zerbitzua.
  Hezkuntza 2004-12-22 15:23

Jaurlaritzak 15,3 milioiko mailegua emango dio EHUri

Erabiltzailearen aurpegia Ukberri Juan Ignacio Perez Iglesias EHUko errektoreak eta Anjeles Iztueta Eusko Jaurlaritzako Hezkuntza sailburuak EHU finantzatzeko hitzartutako "eredu egonkorraren" berri eman zuten atzo (21) prentsaurrean. Lortutako akordioaren arabera, Eusko Jaurlaritzak 15,3 milioi eurotako mailegua emango dio EHUri, irakasleentzako soldata osagarrien ondorioz metatutako zorra kitatzeko.
  Kultura 2004-12-22 15:21

Kilometroak 2005: webgune berria plazara

Erabiltzailearen aurpegia Ukberri Gabonetarako opari berezia daukagu: Kilometroetako webgunea. Diseinu aldetik bizia eta gaztea da. Edukiei dagokienez, hiru atal nagusi ditu: ekintzak, berriak eta elkarrizketak. Apustu erabakigarria egin ondoren, aurrerantzean, www.kilometroak.com helbidean egongo da gure on line txokoa.
  Kultura 2004-12-22 15:05

Nafarroa Oinezen 25. urteurrena ospatzeko proiektuak aurkeztu dituzte

Erabiltzailearen aurpegia Ukberri Nafarroa Oinez jaiak 25 urte beteko ditu 2005ean. Hori ospatzeko hainbat proiektu prestatu dute. Atzo (21) egindako aurkezpenean jakinarazi zutenez, Nafarroa Oinezen historia biltzen duten liburua, CDa eta DVDa kaleratuko dituzte. Urbasako argazki eta testu bilduma ere argitaratuko dute.
  Jendartea 2004-12-20 14:03

Metro zerbitzu bereziak egongo dira Santo Tomasetarako

Erabiltzailearen aurpegia Ukberri Metro Bilbaok 61 zerbitzu gehiago eskainiko ditu bihar Santo Tomas eguneko azoka dela eta, konpainiako iturriek prentsa ohar bidez gaur jakinarazi dutenez. Guztira 726 zerbitzu abiaraziko dituzte, ohi baino 61 gehiago, hain zuzen ere. Horrela, trenen maiztasuna 2,5 minutukoa izango da Bilbo barruan (Bolueta-San Inazio) 7:00etatik 20:30era bitartean. Halaber, sareko gainerako noranzkoei dagokionez, trenak 5 minuturo joango dira Bidezabaleraino, 10 minuturo Larrabasterraraino eta 20 minuturo Plentziaraino. Konpainiak adierazi duenez, zerbitzua 23:00etan amaituko da.
  Politika 2004-12-20 12:53

Hainbat dira 18/98 sumarioan auziperatutako Uribe Kostako lagunak

Erabiltzailearen aurpegia Ukberri Joan den larunbatean jendaurrera aurkeztu zen 18/98+ plataforma. Inputatuen zerrenda luzearen barruan Jagoba Terrones (Berango), Aiboa Casares (Astrabudua), Jose Luis Franco (Algorta), Mitxel Sarasketa (Getxo) eta Pol Asensio (Algorta) Uribe Kostako herritarrak daude. Hasierako biak espetxean daude.
  Hezkuntza 2004-12-16 22:59

"Amorralditzat" jo ditu PPren salaketak IAk

Erabiltzailearen aurpegia Ukberri Abenduaren 2an Euskal Herriko Unibertsitatean egin ziren Klaustro eta hainbat Fakultateko Junta edo Batzar eta Ikasle Kontseiluetako ordezkariak aukeratzeko hauteskundeak "bahitu" izana leporatzen aritu da azken egunetan Ikasle Abertzaleak taldeari Iñaki Ortega PPko legebiltzarkidea. Honen aurrean, "irabazteko ikasleek joku zikinaren beharrik ez" dutela eta hauteskundeetan lortutako emaitza onekin, "ikasleen eskubideen defentsan" jarraituko dutela erantzun die popularrei IAk. (Argazkian, Iñaki Ortega PPko legebiltzarkidea)
  Kultura 2004-12-15 17:01

Euskal Herrian Euskaraz taldeak 25 urte bete ditu

Erabiltzailearen aurpegia Ukberri 1979an Euskal Herrian Euskaraz taldea Durangoko Azokan aurkeztu zenetik 25 urte iragan dira. 25 urte geroago hausnarketa bat egitera behartuak gara. Gaur egun Euskal Herrian Euskaraz bezalako taldeen iharduna ezinbesteko bihurtu bait da. Ezinbesteko euskararen egoera hobetzetik haratago, hainbat kasutan okertuz bait doa. Horregatik tamalez, gaur egun euskararen normalkuntzatik urrun kokatzen garela argi dakusagu.
  Kultura 2004-12-15 11:37

Euskal leku-izenei dien mespretxua erakutsi du Telefonicak

Erabiltzailearen aurpegia Ukberri Izaronews webguneak jakinarazi duenez, hainbat herrietako euskal leku-izenei (horietatik asko Uribe Kostakoak) erabateko mesprexua erakusten die "Desafio ADSL" lehiaketako finala iragartzeko Telefonicak kaleratutako prentsa oharra. Telefonicakoentzako, "Eskoriacha" dauka izena Eskoriatza; Urnietari "Urniete" esaten diote; Astrabudua, berriz, "Astravudua" eta Algortako San Nikolas ikastola "San Nicolás y Castola" bezala batailatu dute.
  Kultura 2004-12-14 21:43

Finalerako sarrerak agortu dira jada

Erabiltzailearen aurpegia Ukberri Abenduaren 19an Bilboko Euskalduna Jauregian izango da Bizkaiko Bertsolari Txapelketako finala, eta sarrerak agortu egin direla esan dute txapelketaren antolatzaileek. Bestalde, gaur Durangoko Kafe Antzokian kazetariekin izan duten hitzorduan, finalerako sailkatuta dauden zortzi bertsolariek finalak sortu duen ikusmina azpimarratu dute. Fredi eta Xabi Paia anai algortarrak, Igor Elortza, Unai Iturriaga, Iratxe Ibarra, Arkaitz Estiballes, Igor Muniategi eta Etxahun Lekue dira hilaren 19an finalean izango direnak.
  Hezkuntza 2004-12-14 19:55

Bere postontzi elektronikoa izango du EHUko ikasle bakoitzak

Erabiltzailearen aurpegia Ukberri Euskal Herriko Unibertsitateak informatika azpiegiturak berritzeko prozesu zabala jarri du martxan. Besteak beste, unibertsitatean matrikulatutako ikasle guztiei 20 mb-eko postontzi elektronikoa jartzea izan da hasierako pausuetako bat, EHUn ikasten dabiltzan bitartean erabil dezaten. Berrikuntza hauek guztiak egiteko, 3,4 milioi euroko inbertsioa egingo dute; Europar Batasuneko ERDF (European Regional Development Fund) fondoetatik 1,2 milioi euroko diru-laguntza jasoko du unibertsitateak.
  Kultura 2004-12-14 18:57

Irratia.com bueltan, eraldatuta

Erabiltzailearen aurpegia Ukberri Berriro gaituzu sarean, lagun, irratia.com Euskal Herriko lehenengo irrati digitalaren 2.0 bertsioa aurkezten. Azken aldi honetan denbora faltagatik ezin izan diogu behar bezalako arreta eskaini duela lau urte sortutako proiektuari. Hala ere, geldialdi luze honen ostean zirt edo zart egin behar eta, egindakoari bizkar eman barik zeozer ezberdina eta gure ahalmenaren neurrikoa egin behar genuela pentsatu dugu. Aurrerantzean irratia.com irrati-bitakora izango da. Entzun ere ahal izango da, baina, irratia.com irratsaio berri baten izena izango baita.
  Kultura 2004-12-13 21:29

25 urte eta gero... Euskal Herrian Euskaraz!

Erabiltzailearen aurpegia Ukberri Dakizunez, 1979. urtean Durangoko Azokan aurkeztu zenetik Euskal Herrian Euskaraz erakunde euskaltzaleak 25 urte bete ditu. Ez da makala gero! Urte guzti hauetan euskararen defentsan ehunka euskaltzale bildu eta antolatzeaz gain, hamaika ekintza, mobilizazio eta borroka eraman ditugu aitzinera. Baina noski, horietako asko, hainbat eta hainbat euskaltzaleren laguntza eta inplikaziorik gabe burutzea ezinezkoa zatekeen. Hortaz, EHEk urteurren garrantzitsu honen harira antolatu duen ekimen nagusian euskalgintzan lanean diharduzuen lagun guztioi zein euskararen aldeko borrokan modu ezberdinean inplikaturik zabiltzatenoi parte hartzeko deialdia luzatu nahi dizue. Euskararen normalizazio prozesuan eta euskararen defentsan EHEko kideok nazio zein herri mailan hamaika pertsona, erakunde eta elkarterekin elkarlanean aritu gara eta zorionez eta hala behar duelako, gaur ere horretan gabiltza. Horregatik, garrantzitsua iruditu zaigu, euskararen aldeko lanean zabiltzaten guztioi deialdi hau egitea.
  Kultura 2004-12-13 14:01

Euskal imaginarioa ezagutu, arakatu, landu

Erabiltzailearen aurpegia Ukberri Honen bidez hurrengo abenduaren 20tik 22ra GITE-IPESen egoitzan eskainiko den ikastaroaren berri eman nahi dizuegu. Oraingo honetan euskal imaginarioa jorratuko dugu, hasi neolitikotik eta gaur egungo ohiturak eta euskara ere jorratuko ditugu. Horretarako Josu Naberan ikertzaile laguna etorriko zaigu, aski ezaguna "Sugearen Iraultza" edota "Euskaldunon Ilargi egutegia" lanengatik.
  Kultura 2004-12-09 22:26

Saiakera liburu bi argitaratu ditu GITE-IPESek

Erabiltzailearen aurpegia Ukberri Honen bidez GITE-IPES elkarteak argitara berri dituen liburuak hurbildu nahi dizkizu. Saiakera liburu bi, bata nazioarte mailako errealitatean murgiltzen dena eta bestea Euskal Herriko mugimendu abertzalearen lehena eta geroa aztertzen duena. Liburuok eskuratu nahi izanez gero, postaz bidaliko genizueke, eta eskabidea egiteko hiru bide dituzue: ipes.bilbao@euskalnet.net e-posta, telefonoz eskatzea 94 479 04 30 telefonoan, edota gure egoitzatik pasatzea (Erronda kalea, 25-1 BILBO)
  Kultura 2004-12-06 23:35

Hamalau urte beteko lituzke gaur 'Euskaldunon Egunkaria'-k

Erabiltzailearen aurpegia Ukberri Eguerdian eta Durangoko Euskal Liburu eta Disko Azokaren egoitzaren ondoan, kontzentrazioa egin dute "Egunkaria afera"-n auzipetutakoei elkartasuna adierazteko. 1990eko abenduaren 6 batez banatu zen lehenengo aldiz kioskoetan "Euskaldunon Egunkaria", euskara hutsez arituko zen lehen egunkaria. Gaur, bada, 14 urte beteko lituzke kazetak baldin eta Juan del Olmo epaileak, hura ixteko agindua eman ez balu 2002ko otsailean.
  Kultura 2004-12-06 23:18

Hogeita bost urte eta gero, hizkuntza eskubideen eta ofizialtasunaren aldeko borroka berretsi du EHEk

Erabiltzailearen aurpegia Ukberri Durangoko Azokan egindako agerraldiaren bidez Euskal Herrian Euskaraz erakunde euskaltzalea datorren abenduaren 18an egingo duen ekitaldi nagusia iragarri nahi izan du. Dakizuenez, EHEk aurten 25 urte egin ditu eta gaur, herriz herri antolaturik gauden kideak egotearekin batera, gure erakundearen sorreran eta urte hauetan guztietan antolaturiko euskaltzaleak bildu gara. Beraz, belaunaldi, garai eta joera ezberdinak bateratu ditugu gaurko agerraldian. Ez dugu agerraldia egin den tokiari aipurik egin gabe hasi nahi. Izan ere, 1979an EHE Durangoko Azokan aurkeztu zen. 25 urte beranduago bertan egon gara, zutik eta gogotsu, gure sorrera ikusi zuen lekuan.
  Hezkuntza 2004-12-06 19:34

Abenduak 2, historia idatzi dugu!

Erabiltzailearen aurpegia Ukberri Abenduaren 2an, UPVko ikasleon ordezkaritza berritu zen Unibertsitateko Klaustro, eta hainbat Fakultateko Junta edo Batzar eta Ikasle Kontseiluetarako. Ikasle Abertzaleaken baitan hauteskundeon emaitzak jaso eta baloratu ondoren, euskal ikasleriari eskerrak eta zorionak eman nahi dizkiogu lortutako emaitzengatik. Izan ere, UPV osoko datuak azaltzen dituen Klaustrorako hauteskundeetan gehiengo absolutua lortu dugu, Ikasle eta Abertzaleetako zerrenda herritarrak lehenengo indarra garela frogatuz. Ikasleontzat %20a den (LOUa baino lehen %28a zen) ordezkaritzan, 60 klaustrokideetatik 58 izan dira izendatuak, eta horietatik Ikasle Abertzaleak-ek 31 hautetsi lortu ditu.
  Kultura 2004-12-04 13:05

Ireki ditu ateak Durangoko Azokak

Erabiltzailearen aurpegia Ukberri Gaur ireki ditu ateak Durangoko Liburu eta Disko Azokaren 39. edizioak, goizeko 10:30ean. Aurrean dugun zubi luze honetan milaka lagun gerturatuko da Durangora argitaletxe eta diskoetxeek aurkeztutako produktu berriak ikusi eta erostera eta, bide batez, azokaren inguruan sortzen den giroaz gozatzera. Orotara 297 erakusmahai jarri dituzte aurten eta aurreko edizioetan bezala, azokak irauten duen bost egunetan hainbat kultur ekitaldi antolatuko da Durangon. Azokaren inguruko informazioa www.durangokoazoka.com helbidean topatuko duzue.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04