Legebiltzarra osatzeko norgehiagoka amaituko da domekan
Eusko Legebiltzarrerako hauteskundeakapi 19, 18:37 Uribe Kosta
Apirilaren 21ean hitzordu garrantzitsua izango dugu EAEko biztanleok: Eusko Legebiltzarrerako hauteskundeak. Lehendakarigai guztien aurpegiak ikusi dira egunotan hauteskunde-propagandetan, auzoz auzoko hormetan zein etxez etxera bidalitako gutunetan. Aurtengo lehia inoizko estuena izan da, EAJren eta EH Bilduren arteko norgehiagoka bizia. Jeltzaleen hegemonia zalantzan dago oraingoan eta, adituen arabera, 40 urtean lehendabizikoz atera liteke ezker abertzalea garaile: martxoko soziometroak berdinketa iragarri zuen indar bien artean, 29 eserlekugaz bakoitzarentzat; apirilean, berriz, EITB Focusen inkestak garaipena eman zion koalizio abertzaleari.
Eskualdeko taldeari gailendu eta LeartiBai+ taldeak lortu du Taldekakoaren hurrengo faserako txartela
api 19, 13:14 Getxo
Eguaztenean, hilaren 17an, jokatu zuten Taldekakoaren 4. kanporaketa Uribe Kostako Karidadeko Masokistak eta LeartiBai+ taldeen artean; azken horrek lortu zuen finalaurrekoetara sailkatzea. Hurrengo saioak bihar, zapatuan, izango dira, Leioan eta Urdulizen.
