Kultura 2003-11-25 22:44

Umeentzako euskarazko produktuen katalogoak banatuko dituzte etxeetara

Erabiltzailearen aurpegia Ukberri Gabonetan, euskaraz ere zer oparitu badagoela jakinarazteko, euskaraz argitaratu eta plazaratu diren hainbat produktuen katalogoa banatuko dituzte etxeetara Getxo, Berango, Erandio eta Leioako Udalek. 'Oparitu Euskaraz' izeneko kanpaina barruan dago ekimena. Gipuzkoan eta Nafarroan martxan dago aspalditik, eta orain, lehen aldiz, Bizkaian ere izango da Euskadiko Udalen Elkartearen (EUDEL) eskutik.

Guztira, 20 mila ale argitaratu dira Getxon, eta horietatik 18 mila postaz bidaliko dituzte etxeetara. Gainera, ekimen honekin loturik, katalogo horretan agertzen diren diska, liburu edota ordenagailu jokoak erabiltzeko aukera edukiko dute txikienek, Getxoko V. Euskara Jardunaldien barruan antolatu duten Euskarazko Produktuen Ludotekan. Azaroaren 25etik abenduaren 4ra egongo da zabalik, Algortako Kultur Etxeak Urgull kalean zeukan aretoan.

Berangon, Erandion eta Leioan, berriz, 1.000, 9.500 eta 5.000 katalogo argitaratu dira, hurrenez hurren.
  Kultura 2003-11-25 19:05

'Kondaira.com', euskarazko lehenengo aldizkari elektronikoa

Erabiltzailearen aurpegia Ukberri Udako Euskal Unibertsitateko (UEU) Historia Sailak Kondaira.com historia aldizkari elektronikoa aurkeztu du gaur Bilbon UEUk daukan egoitzan. "Kalitatea zainduz", orotariko historia lanek edukiko dute lekua aldizkari berrian. Horretaz gain, historiagile eta historiazale euskaldunen arteko harremanak garatzea eta sendotzea da helburu nagusienetako bat. 'Kondaira.com' euskaraz izango da osorik, eta historia gaiei buruz arituko denez, aitzindaria da esparru horretan.
  Jendartea 2003-11-23 22:07

Emakumeenganako Erasoen Aurkako Eguna dela eta ekitaldi ugari Uribe Kostan

Erabiltzailearen aurpegia Ukberri Azaroaren 25an Emakumeenganako Erasoen Aurkako Eguna egiten da nazioarte mailan. Hori dela eta, asteazkenean ez ezik, aurreko egunetan ere ekitaldi ugari antolatu dituzte Uribe Kostako hainbat erakundek.
  Kultura 2003-11-23 20:51

Historiari buruzko euskarazko lehenengo aldizkari elektronikoa aterako du UEUk

Erabiltzailearen aurpegia Ukberri Udako Euskal Unibertsitateak (UEU) www.kondaira.com, historiari buruzko euskarazko lehenengo aldizkari elektronikoa, aurkeztuko du datorren asteartean. Aurkezpena UEUren Bilboko egoitzan izango da, 11,00etatik aurrera, eta Jurgi Kintana 'Kondaira.com'-eko zuzendariak eta Mikel Aizpuru UEUko Historia Saileko kideak hartuko dute parte.
  Kultura 2003-11-18 22:05

Pettik joko du Bilboko Ingeniaritza Eskolan

Erabiltzailearen aurpegia Ukberri Petti kantautore beratarrak kontzertu bat emango du bihar iluntzeko 20,00etan, Ingeniaritza Tekniko Industrialaren Unibertsitate Eskolako Areto Nagusian, Bilbon. Pettik blues-gizon alderdia eta gitarraren maneiua eskainiko ditu errezitaldian.
  Politika 2003-11-16 21:09

Justizia administrazioari buruzko jardunaldiak antolatu ditu Herria 2000 Elizak

Erabiltzailearen aurpegia Ukberri Herria 2000 Elizak 'Justizia Administrazioa eta Euskal Herria' izeneko jardunaldiak antolatu ditu Bilbon, hilaren 17, 18 eta 20rako, Bizkaiko Abokatuen Elkargoaren egoitzan. Bertan, hainbat gairen artean, Juan Jose Ibarretxe Eusko Jaurlaritzako lehendakariaren proposamenaren zilegitasunaz eta legalitateaz eztabaidatuko dute.
  Kultura 2003-11-14 18:35

Hurrengo kontzertuak bertan behera utzi ditu Ken Zazpik

Erabiltzailearen aurpegia Ukberri Hedabideei helarazitako prentsa oharraren bitartez, azaroaren 15ean Araman, eta 21ean Tolosako Bonderenean, zituzten bi kontzertuak bertan behera utzi behar izan dituztela adierazi dute Ken Zazpi taldekoek. Izan ere, baxujoleak istripu ban izan eta oineko hezur bat hautsi du. "Bagenuen, ba, gogoa bertan jotzeko, baina hurrengo batean izan beharko du. Eskerrak ematea besterik ez Arama eta Tolosako antolatzaileei eta jendeari", azaldu dute taldekideek.
  Kultura 2003-11-14 17:56

Internet bidez emitituko du gaurko kontzertua Skalariak taldeak

Erabiltzailearen aurpegia Ukberri Skalariak talde nafarrak, gaueko 22:00etatik aurrera, Bilboko Kafe Antzokian eskainiko duen kontzertua, internet bidezko euren irratian ere entzuteko aukera egongo da, www.radioghetto.com helbidean alegia. Serrano Produkzioek jakinarazi dutenez emanaldia zuzenean emitituko da "mundu guztirako". Horretaz gain, aldi berean, www.skalariak.com webguneko txatean parte hartu ahal izango dute entzuleek. 'Radio Ghetto' biraren barruan dago kontzertua.
  Politika 2003-11-14 16:35

Su-etena jarri du indarrean Korsikako Fronte Nazionalak

Erabiltzailearen aurpegia Ukberri Korsika Askatzeko Fronte Nazionalak (FLNC) "bere ekintza militarrak, denbora eta leku baldintzarik gabe bertan behera" gelditzen direla iragarri du, goizaldeko 3:00ak aldera, Korsikako gune menditsu batean egindako agerraldian. Datorren urteko martxoan Frantzian egingo diren hauteskundeei begira, alderdi abertzaleen batasun politikoaren prozesuari bultzada eman nahi diote. "Batasun estrategiko nazional baterako behin betiko baldintzak sortzeko betebeharra dugula konstziente gara", adierazi du FLNCko kide batek.
  Politika 2003-11-14 13:50

"Koroa iraintzeagatik" kereila jarri diete Deiako bi kazetariri

Erabiltzailearen aurpegia Ukberri Pasa den larunbateko 'Caduca Hoy' gehigarrian, Felipe Borboiko ezkontza iragarpenari buruzko umorezko artikulua argitaratzeagatik, kereila aurkeztu du 'Deia' egunkariaren aurka Espainako Auzitegi Nazionaleko fuskaltzak. "Koroa iraintzen" du artikuluak fiskaltzaren arabera, eta delitua dagoela uste du. Kereila aintzat hartu edo ez erabakitzeko, gehigarriaren ale bat eskatu dio EAEko Espainako Gobernuko Ordezkaritzari Guillermo Ruiz de Polanco epaileak.
  Kultura 2003-11-14 00:39

Lehendabiziko diska aurkeztu du Elorrioko Lor taldeak

Erabiltzailearen aurpegia Ukberri Bilboko Kafe Antzokian gaur egindako agerraldian, GOR disketxearen eskutik atera duten lehendabiziko diska aurkeztu du Elorriotik datorren Lor musika talde gazteak. Rock melodiko garaikidea oinarri hartuz, gustu malgua erakusten dute, poparekiko zein metalarekiko joera tartekatuz. Letretan, berriz, Euskal Herriko egoeraren aurrean, inkonformismoa dute ardatz nagusi. "Guda-oihu" modura 'Sofa erosoak' kantua nabarmendu dute taldekideek: "Kontsumismoaren aurka, inkonformismoa bultzatu eta mugitzeko deia egiten diegu gazteei, abesti honen bitartez".

Guztira, 12 kantu osatzen dute diska, 'Kolore' izenekoan Su Ta Gar taldeko Aitor Gorosabelen kolaborazioa tartean dela. Besteak beste, Dummy (ahotsa, kitarra), Lander (kitarra), Kimetz (baxua) eta Ramiro (bateria) osatzen dute laukotea. Diska aurkezteko lehendabiziko kontzertua IAk, asteburu honetan, antolatu duen Ikasle Egunan emango dute.
  Politika 2003-11-13 22:26

'Prestige'-n urteurreneko ekintzetan parte hartzeko deia egin du EGIk

Erabiltzailearen aurpegia Ukberri Espainako Gobernuak hartunako "arduragabeko erabakien ondorioak" sufritzen ari diren herritarrei elkartasuna adierazteko, Prestige-n hondamendiaren urteurrena dela eta, plataforma ezberdinek antolatutako protesta ekintzetan parte hartzeko deia luzatu die erakundeko kideei Eusko Gaztedik. Bide batez, euren "esker ona" erakutsi diete Galizia, Asturias, Kantabria eta Euskal Herriko kostaldeen aberastasuna berreskuratzeko lanean diharduten plataforma guztiei.
  Politika 2003-11-13 00:07

75 herriko taberna administratzaile judizialaren menpe beste 6 hilabetez

Erabiltzailearen aurpegia Ukberri 75 herriko taberna eta kultur elkarte adminstratzaile judizialaren menpe jartzea erabaki zuen joan den maiatzaren 9an Baltasar Garzon Espainiako Auzitegi Nazionaleko epaileak. Neurri hori beste sei hilabetez luzatzea erabaki du orain.

Espaniako Efe albiste agentziak iturri judizialak aipatuz jakinarazi duenez, maiatzetik orain arte herriko taberna eta elkarte horien egoera kontableari buruzko informazioa jasotzera mugatu du bere lana, eta ez du oraindik bestelako kudeaketa neurririk aurrera eraman.

Iturri horien arabera, Garzonek herriko tabernen inguruan har zezakeen neurririk "arinena" da administratzaile judiziala ezartzea, "enplegatuei lanpostuari eusteko aukera ematen baitie". Herrik tabernak eta gainerako elkarteak ETArekin lotzen ditu Garzonek.

  Politika 2003-11-12 23:51

Atutxa, Knörr eta Bilbaoren helegitea atzera bota du Auzitegi Gorenak

Erabiltzailearen aurpegia Ukberri Juan Mari Atutxa (EAJ) , Gorka Knörr (EA) eta Kontxi Bilbao (EB-IU) Lebiltzarreko Mahaiko kideen aurka aurkeztutako kereila aintzat hartu edo ez erabaki behar zuen EAEko Auzitegi Nagusiko Desadostasun Aretoaren inguruan Espainiako Botere Judizialeko Kontseiluak (CGPJ) hartutako erabakia babestu du Espainiako Auzitegi Gorenak. Horrenbestez, Atutxak, Knörrek eta Bilbaok erabaki horren kontra aurkeztutako helegitea atzera bota du.
  Politika 2003-11-12 22:32

Nasiriyan 18 italiar eta hainbat irakiar hil ditu ekintzaile suizida batek

Erabiltzailearen aurpegia Ukberri Italiako Gobernuko iturriek jakinarazi dutenez, hemezortzi dira Irak hegoaldeko Nasiriya hirian, izan den atentatu suizidan hildako italiarrak; hamazazpi militar eta zibil bat. Era berean, hainbat irakiar ere hil ditu eztandak, baina haien kopuru zehatzari buruzko adostasunik ez dago iturrien artean: Mendebaldeko agentzien arabera, 8 dira zendutako irakiarrak; Quatargo Al Jazeera telebistaren arabera, ordea, gutxienez, 30. Irakeko erietxeetako iturriek agertu dutenez, guztira 28 dira hildakoak, baina kopuruak gora egin dezakeela ohartarazi dute.
  Politika 2003-11-11 21:36

Martxelo Otamendik torturatuen babeserako zuzendaritza eskatu dio Jaurlaritzari

Erabiltzailearen aurpegia Ukberri Martxelo Otamendi Berria egunkariko zuzendariak, "biktimekin" bezala, torturatuei babesa emango dien zuzendaritza sortzeko eskatu dio Eusko Jaurlaritzari. Euskaldunon Egunkaria-ko zuzendaria zela, torturak jaso zituela salatu zuen, hedabide horren aurkako polizia operazioan atxilotuta egon zenean. Otamendik kritikatu egin du agintariek ahalegin handiagoa egin dutela kutxazain baten erreketa argitzeko, tortura salaketak argitzeko baino.

Adierazpenak Agurtane Juanenak idatzitako Lo que tenía que decir izeneko liburuaren aurkezpenean egin ditu. Donostiako Gobernu Zibilean 1975ean jasan zituen torturen kontaketa bildu du Juanenak liburuan.
  Politika 2003-11-11 21:11

Zikinkeria greban daude Algeciraseko euskal presoak

Erabiltzailearen aurpegia Ukberri Duela bi urte Algeciraseko espetxean dauden euskal presoak isolamendu kanpaina bati hasiera eman zioten, baina euren egoera hobetzen ez dela ikusita, zikinkeria grebari ekitea erabaki dute. Hori dela eta, auzi-eske bat aurkeztu dute Madrilgo Epaitegi Zentralean euren senideek .

Gaur Donostian egindako agerraldian, Algeciraseko presoen senideek adierazi dutenez, "inpotentzia" sentitzen dute euren senide presoek egunero bizi behar izaten dituzten "bizi baldintza kaxkarrekin". Inpotentzia hori "instituzioen eta alderdi politikoen jarrera ahularekin" areagotu egiten dela salatu dute, baina hala eta guztiz ere, "ez ditugu une batez bakarrik utziko, eta euskal preso politikoek jasaten dituzten eskubide urraketa guztiak" salatzen jarraituko dutela azpimarratu dute.
  Politika 2003-11-11 20:34

PSE-EEk eskatuta, Ibarretxe Planaren tramitea gelditu du Legebiltzarreko Mahaiak

Erabiltzailearen aurpegia Ukberri Azaroaren 4an, estatutu berriaren proposamena tramitera onartzea erabaki zuen arren, oraingoan prosesua gelditzea erabaki du Eusko Legebiltzarreko Mahaiak, PSE-EEren eskaeraren ondoren. Sozialisten Legebiltzarreko taldeak akordio hura berriro aztertzeko eskatu du prozedura akatsak daudelakoak, eta Mahaiak eskaera aintzat hartzea erabaki du.
  Politika 2003-11-11 20:10

'Iruzurtzat' jo ditu SAk Eusko Jaurlaritzako aurrekontuak

Erabiltzailearen aurpegia Ukberri Joseba Alvarez Sozialista Abertzaleak taldeko parlamentarioak adierazi duenez, "iruzur baten antzekoa" da Eusko Jaurlaritzak aurkeztu duen aurrekontu egitasmoa. "Aldaketa politikoaren garaian gaudela badirudi ere, aurrekontu proiektua iaz bezalakoxea da" adierazi du SAko parlamentarioak, Ibarretxeren Planari ez baition erreferentziarik egiten, berak kritikatu duenez.
  Politika 2003-11-11 19:48

Al-Qaedako ustezko hogei kide atxilotu ditu Iraken AEBtako armadak

Erabiltzailearen aurpegia Ukberri Ricardo Sanchez Amerikako Estatu Batuetako armadako jeneralak jakitera eman duenez, hogei lagun atxilotu dituzte gaur Bagdaden, "Al Qaedaren sare terroristaren ustezko kide izateagatik". Sanchezen esanetan, atzerriko ehundaka ekintzaile sartu dira Iraken, Siriatik eta Irandik, "AEBen aurkako gerra santuan parte hartzeko". Urriaren 27an, Bagdaden, Gurutxe Gorriaren eta Irakeko Poliziaren lau kuartelen aurka egindako atentatuak ere egotzi dizkio Al Qaedari. 43 hildako eta 200 zauritu egon ziren guztira.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04