Plentziako Aitor Garagarza Hezkuntza Zientzietan doktore eta EHUko irakasleak proposatuta, Nadezhda Krupskaia iraultzaile eta pedagogo errusiarraren (1869-1939) Herriaren hezkuntza eta demokrazia lana euskarara ekarri du Leire Azkargorta itzultzaile algortarrak. Azken honek aitortu duenez, ez da erronka makala izan 1915ean idatzitako liburu hori gurera ekartzea, baina pozik dago lortutako emaitzagaz. Maiatzaren 4an, zapatuan, aurkeztuko dute biek lana Itzubaltzeta/Romoko Casal liburu-dendan, 12:00etan; hala ere, horren aurretik, protagonista biokaz batu gara horren nondik norakoak beren-beregi ezagutzeko.
Bere izenak aditzera ematen duen moduan, 10-12 urte bitarteko gazteei zuzendutako abentura lehiaketa da Gazteon Abentura Txapelketa (GATX). Helburua da euskara gazteengana erakartzea gustuko dituzten ekintzak eginez. 2024ko martxoan, hainbat ekintza egiten hasi ziren eta, urri aldera, azken jai berezi bategaz amaiera emango diote abenturari. Plentziako zein Gorlizko ikastetxeetan aurkeztutako proiektua da, eta Uribe Kostako Euskara zerbitzuak antolatu du Taupada Abentura elkarteko kideen laguntzagaz batera.