Indarkeria matxista ozen salatuko dute gaur Uribe Kostako kaleetan
Azaroak 25aza 25, 10:40 Uribe Kosta
Azaroaren 25aren harira, indarkeria matxisten aurkako aldarriak ozen entzunaraziko dira eskualdeko herri, auzo eta kaleetan. Izan ere, gogoratuko dute indarkeria matxistak ez duela etenik eta, hainbat hedabidek gogoratu dutenez, zenbaketa hasi zenetik gaur arte, biolentzia-mota horri lotutako 7.660 salaketa jarri dituzte Hego Euskal Herrian eta, gutxienez, Euskal Herriko 131 emakume eta 13 ume hil ditu indarkeria matxistak 2003tik, Berria egunkariak egindako zenbaketaren arabera. Hori guztia salatzeko, eta indarkeria matxistarik gabeko bizitzak gura dituztela aldarrikatzeko, hamaika mobilizazio egingo dituzte gaur Uribe Kostan.
