Iazko arrakastaren ondoren, bigarrenez egingo dute Barrikako itsaslabarrak eta barnealdea zeharkatzen duen 13,22 kilometroko ibilaldia. Oraingoan ere, parte-hartzaileek korrika edo oinez egin ahalko dute zeharkaldia, eta izena emateko epea maiatzaren 3an amaituko da, 15 euroren truke.
Barrika Pirata Trail proba udaletxetik abiatuko da, eta Muriola, Barrika eta Meñakotz hondartzak zeharkatuko ditu; ondoren, udalerriaren barrualdera igaroko da, eta Txipio aldera iritsi eta Barrikako udaletxera itzuliko da berriro.
Zeharkaldia maiatzaren 5ean izango da, eta 09:30ean abiatuko da proba korrika egingo duten pertsonentzako; oinez egin gura dutenek, aldiz, hamar minutu geroago hasiko dute martxa. Arduradunek azaldu dutenez, proba honek zailtasun ertaina du, 130 metroko altuera hartuko du gehienez, eta 277 metroko desnibel negatiboa eta positiboa izango ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
