EAJrekin solasaldia

2017/03/29 19:00etan

Kurtzio kultur etxea | Sopela

Datorren martxoaren 29an, eguaztena, EAJko parlamentaria eta mahaiko lehen idazkaria den Iñigo Iturrate izango da gurekin. Jeltzaleak erabakitze eskubidearen aldeko EAJren ikuspegia plazaratu eta demokrazia partehartzailearen indargune eta abantailen inguruan arituko da. Ez ezazu galdu! Itxaroten zaitugu! Hitzordua: Martxoak 29, eguaztena 19:00etan, Kurtzio Kultur Etxean (Sopela)

Gazteekin bilera

2017/03/29 20:00

Azebarri kulturgunea | Getxo

Getxoko GED-k gazteei deialdia luzatzen die Algortako Azebarri elkartean elkartzera. Bileran gazteen artean galdeketa sozializatzeko ideiak aztertuko ditugu. Azebarri elkartea, Euskal Herria kaleko 14. zenbakian dago, hona hemen Google Maps-en lotura: https://goo.gl/maps/g92ZN9Skezu

EAJgaz solasaldia, erabakitzeko eskubideaz

2017/03/29 19:00

Kurtzio kultur etxea Sopela |Bestelakoak

"Erabakitze-eskubidea Uribe Kostan. Bozketa-eguna hurbil dugu. Zein da EAJren ikuspegia?" gaiaz berba egingo dute Kurtzio kultur etxean, eguazten honetan, martxoaren 29an. Gure Esku Dagok (GED) antolatutako ekitaldian, Iñigo Iturrate eusko legebiltzarkideak erantzun beharko dio galdera horri. Solasaldia arrastiko 07:00etan izango da.

Patxi Zubizarretagaz solasaldia

2017/03/30 19:30

Algortako kultur etxea (Villamonte) | Getxo

Uribe Kostako Irakurzaleen TXokoan hitzordua dugu: martxoaren 30ean, eguena, 19:30ean, Algortako Villamonte kultur Etxean; Patxi Zubizarreta gurean izango da “Laranja bat zaborretan” liburuaz berbetan. Gure martxoko proposamena e-rakurle taldeen proposamenarekin bat egiten duenez liburua e-book formatuan maileguan hartu ahal izango duzue. Irakurri baduzu edo gogoz bazabiltza, animatu!

"Nosotras, mujeres de Euskalduna" dokumentala

2017/03/30 20:00

Astrabuduko ludoteka (Atxutegi, 15) Erandio |Bideo-emanaldiak

Larraitz Zuazok zuzendutako "Nosotras, mujeres de Euskalduna" dokumentala egongo da ikusgai, Astrabuduko ludotekan (Atxutegi, 15), eguen honetan, martxoaren 30ean. Proiekzioa arrastiko 08:00etan izango da; sarrera, doan.

Indabada herrikoia Barrikan

2017/04/01 14:30ean

Barrikako Nagusien Etxean Uribe Kosta

Datorren apirilaren 1ean, erabakitze eskubidearen aldeko bazkari herrikoia izango dugu Barrikan. Bozkaketa-eguna hurbil dugu eta hemendik Maiatzaren 7ra arte, erronka ez da makala! Azken txanpa honetan, herria ilusioz jantsi eta bizitzeko momentua da, eta horretarako, egun osoko egitaraua prestatu dugu. Anima zaitez eta parte hartu egizu! Apirilak 1, zapatua - 14:30ean, Indabada herrikoia* - 16:30ean, Kontradantzak - 18:00ean, egutegi-tailerra non "Cuenta atras" murala guztion artean osatuko dugun eta ondoren, inaugurazioa *Tiketak salgai Barrikako Nagusien Etxean. Helduak, 10€ eta haurrak, 5€.

Dantza Eguna

2017/04/02 12:30

Berangoko frontoia Berango

Dantza Eguna ospatuko dute domeka honetan, apirilaren 2an, Berangon. Horretan, udalerriko hainbat elkarte batuko da, askotariko dantzak erakusteko. Hala, euskal dantzez, balletaz, sevillanez eta dantza modernoaz gozatu ahalko da egun horretan. Ekitaldia 12:30ean hasiko da, frontoian.

Patata Landa Jan

2017/04/07 10:00

Tosu landa | Getxo |Gastronomia-ekitaldiak

Hona hemen Patata Landa Jan egunerako egitaraua: -10etan patata landaketa herrikoia (orain ereindako patatak udan batu ahalko dituzu!) -14:30etan bertso bazkaria ...eta ondoren kantu kantari musikatua -20etan Ziribulio Sound System (Glaukomako Juantxogaz)

Getxoko Gure Esku Dagoren talde eragilearen aurkezpena

2017/04/07 19:00

Areetako Andres Isasi Musika Eskola Getxo Uribe Kosta

Liz Castro ANCko kidea da. AEBetan edo Katalunian bizi izan da azken 30 urteotan, eta azken horretako mugimendu independentista hur-hurretik ezagutzen du. Herrialde Katalanetako Assemblea Nacional Catalanako (ANC) kidea da bera eta Getxoko Gure Esku Dago taldeak apirilaren 6an egingo duen aurkezpenera gonbidatu dute bera. Egun horretan, udalerriko talde eragilea aurkeztuko dute, 19:00etan, Areetako Andrés Isasi Musika-eskolan.

Getxoko Gure Esku Dagoren taldearen bilera irekia

2017/04/07 19:30

Berangoeta kultur etxea. Berango

Uribe Kostako gainontzeko udalerriei jarraituz, Berangok ere erabakitzeko eskubidearen aldeko bideari ekingo dio laster; izan ere, apirilaren 7an, barikuan, Gure Esku Dago taldea osatzeko eta herri-galdeketa egin behar den edo ez erabakitzeko bilera irekia egingo dute. Arrastiko 07:30ean ipini dute hitzordua, Berangoeta kultur etxean.

Osasun Jaiaren herri-txangoa

2017/04/08 10:00

Berangoko nagusien etxea Berango |Kirol ekitaldiak

Gaur, apirilak 7, Osasunaren Nazioarteko Eguna izango da. Hala, horren inguruan jarduera asko antolatu dituzte Uribe Kostako Zerbitzu Mankomunitateak eta Eusko Jaurlaritzaren Osasun Sailak, eskualdean. Hurrengoa bihar izango da, zapatuan, Berangon. Goizeko 10:00etan herri-txangoa izango da, nagusien etxetik irtenda. 3,6 kilometroko ibilbidea osatuta, leku berera helduko dira parte-hartzaileak.

"¡No nos llega!" antzezlana

2017/04/09 19:00

Andres Isasi musika eskola | Getxo |Antzerkia

Domeka honetan, hilak 9, "¡No nos llega!" antzerki-komedia taularatuko dute Areetan, Andrés Isasi musika-eskolan. Obra 19:00etan hasiko da; sarrera 3 euroan eros daiteke. Antzezlana eskainiko du Xankore antzerki-talde amateurrak, Emakumeak Eszenan zikloaren 11. edizioaren barruan.

Euskara Irakurle Kluba

2016/10/19

Kultur Leioa | Leioa |Literatura

Laugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.

Korrika-ekitaldiak

2017/03/10

Eskualde osoan Getxo Uribe Kosta |Bestelakoak

Eskualdeko aurkezpena barikuan egingo dute, Itzubaltzeta/Romoko parrokia-etxeko ekitaldi-aretoan, 19:00etan. Euskararen aldeko lasterketak apirilaren 6an zeharkatuko du Uribe Kosta, Lemoiz izan ezik. Daborduko, herrietako Korrika-batzordeek egitarau zabala prest daukate.

Ondiz dorreko antzerki-lan laburren jaialdia

2017/03/17

Ondiz dorrea | Leioa |Lehiaketa

Kalian Hiri Kultur Guneak bigarrenez antolatuko du antzerki-lan laburren jaialdia. Aurrekoan legez, Ondiz dorrean egingo dute ekitaldia, ekainaren 10ean, hain zuzen ere. Orduantxe, eszenaleku ederrean, lau obra taularatzeko asmoa dutela iragarri dute antolatzaile leioaztarrek; eta antzerkiko mikrolanen lehiaketa moduko bat ere prestatu dute, lau antzezlan horiek aukeratzeko.

Irakurri, Gozatu eta Oparitu!

2017/03/20

Getxoko Udal liburutegietan Getxo

Martxoaren 20tik maiatzaren 31ra martxan izango dugu Getxon Irakurri, Gozatu eta Oparitu egitasmoa. Irakurzaletasuna sustatzeaz batera, euskarazko literatura eta herrietako liburutegiak ezagutaraztea dira egitasmoaren helburuak Getxon, EGIZU elkartea, Getxoko Udala eta Euskaltzaleen Topagunearen ekimenez jarriko da martxan egitasmoa. Udal liburutegiak, BOLiBAR-ELORDUI, GOBELAURRE eta ELKAR liburu dendak egitasmoaren ezinbesteko kolaboratzaileak dira. Martxoaren 20an hasi eta maiatzaren 31ra arte iraungo du. Liburu dendetan, ekainaren 10era arte. Getxoko Udal liburutegietan, maileguan harturiko euskarazko liburu bat irakurtzearen truke, irakurleak irakurketa-fitxa erraza bete eta erosketa-txeke bat jasoko du liburutegian bertan. Txeke horrek irakurleak nahi duen beste liburu bat %35 merkeago erosteko balioko du, Algortako Elkar, Areetako Bolibar-Elordui edo Romoko GobelAurre liburu dendetan.

Korrikaren inguruko ekitaldiak Uribe Kostan

2017/03/23

Uribe Kosta

Uribe Kostaraino gauez helduko da Korrika, apirilaren 5ean, 23:40ak aldera. Apirilaren 6an, gaueko ordu txikietan, eskualdea gurutzatuko du, eta itsasadarra zeharkatu Ezkerraldetik jarraitzeko. Erandiogoikoraino gaueko 09:25ean bueltatuko da.

Bapiruke Udaberriko Koloniak

2017/03/27

Bizarra Lepoanen bulegoan: Martikoena kalea 16, 2. solairua - 4. bulegoa Getxo

Aste Santuan Bapiruken euskarazko aisialdi ekintzak antolatuko ditugu. Apirilaren 10etik 21era (apirilaren 10, 11, 12, 18, 19, 20 eta 21ean). Egunero 9:00etatik 13:30ak arte; apirilaren 11n eta 19an 9:00etatik 17:00ak arte (irteera egunak). Norentzat: 5 eta 12 urte bitarteko umeentzat. Non: J.B. Zabala eskolan (Algorta) eta Romo eskolan. Izena emateko epea: bazkideek martxoaren 27an eta 28an eta bazkide ez direnek martxoaren 29an eta 30ean. Izena emateko ordutegia: egunero 10:00etaik 13:00ak arte; 28an eta 30ean arratsaldez ere, 16:30etatik 18:00ak arte. Prezioa: bazkideek 35 euro, bazkide ez direnek 55 euro eta gutxieneko errenta Getxon jasotzen dutenek *10 euro ordaindu beharko dituzte (*Lanbideren ziurtagiria eta NANaren fotokopia ekarri behar dute). Izena emateko: inskripzio orriak (bi orri) bete eta sinatu behar dira (bulegoan ere bete daitezke) eta gure kontu korrontean ingresoa egin ostean (Euskadiko Kutxa: 3035 0108 06 1081032766) agiriarekin eta osakidetzako txartelaren fotokopiarekin bulegora etorri behar da. Izen emate ordenean beteko dira lekuak

Zinegoak jaialdia

2017/03/29

Kultur Leioa eta Kurtzio Leioa Sopela Uribe Kosta |Bideo-emanaldiak

Zinegoak gaylesbotrans nazioarteko zinema eta arte eszenikoen jaialdia Uribe Kostan izango da datozen egunotan eta asteotan. Hala, martxoaren 29an eta 30ean Leioan izango da festibala; apirilaren 7an, Sopelan.

Begoñako galerietarako bisita-gidatuak

2017/04/01

Begoñako galeriak Getxo |Erakusketak

Begoñako galeriak ezagutzeko beharrezkoa da aurretik izena ematea; horretarako epea zabaldu dute daborduko. Galeriak apirilaren 1etik uztailaren 30era bisitatu ahal izango dira. Aurrekoetan legez, izen-ematea egin ahal izango da udalaren webgunean edo Turismo Bulegoaren telefono-zenbakira (944 910 800) deituta.