mar 18, 14:42 Berango
Hamasei urtetik gorako berangoztarrek Kontakizun Laburren II. Lehiaketan parte hartu ahal izango dute egunotan. Gaia librea da, baina berba hauek izan beharko ditu lanak: bidaia, sareak, kultura, pentsamendua eta liburua, eta idazlanak apirilaren 12a baino lehen bidali beharko dute, euskaraz edo gaztelaniaz. Saria Casa del Libron trukatzeko 100 euroko opari-txartela izango da.
mar 18, 11:57 Uribe Kosta
Erandio izan ezik, eskualde osoari arreta egiten dion Uribeko ESIak berehalako mezuak (SMS) bidaliko dizkie herritarrei, arreta espezializatuko hitzordua dutela gogorarazteko. Hitzordua baino hiru egun lehenago bidaliko du Osakidetzak mezua pazientearen fitxan agertzen den telefono mugikorrera, pazienteak berak aukeratutako lehentasunezko hizkuntzan. Ekimena proiektu pilotu bategaz hasiko da, erradiodiagnostikoko zerbitzuko hitzorduakaz, eta, ondoren, gainerako kontsultakaz eta arreta espezializatuko azterketakaz osatuko dute.