Kirolak  Erandio 2017-03-27 17:55

Iñaki Mentxaka da berriro ere Hego Euskal Herriko boccia txapelduna

Iñaki Mentxaka da berriro ere Hego Euskal Herriko boccia txapelduna

Pasa den eguaztenean jokatu zen Altzagako kiroldegian Hego Euskal Herriko Boccia Txapelketa. Iñaki Mentxaka erandioztarra nagusitu zen BC 4 kategorian, orain arte zeukan titulua berretsita. Mentxakaren atzean geratu ziren Carlos Loizaga eta José Ramón Orozko. Hirurak Fekoor taldeko kideak dira.

  Gazteok  Erandio 2017-03-23 18:10

Erandioko ikasleek 1.200 euro irabazi ahal dituzte, barikuan

Erandioko Euskara Zerbitzuak martxan ipinitako ErandioztarrOn Lehiaren lehenengo edizioa amaitzear dago. Daborduko, egin beharreko hiru probak egin dituzte udalerriko hainbat ikaslek, eta horietatik puntuazio gehien batu dituzten lau taldeak final handian lehiatuko dira. Norgehiagoka hori martxoaren 24an, barikuan, izango da Astrabuduko Josu Murueta kultur etxean. 

  Hezkuntza  Berango  Erandio  Uribe Kosta 2017-03-22 16:59

Euskaraz ikasten jarraitzeko, Nahi Dudalako! ekimena

DBH euskaraz egin duten gazteek etorkizuneko ikasketak ere euskaraz egin ditzaten animatzeko Nahi Dudalako! ekimena ipini dute martxan aurten ere. Bizkaiko hainbat udalerrik parte hartzen dute proiektu horretan, tartean Uribe Kostako Berangok eta Erandiok.

  Jendartea  Erandio 2017-03-21 13:15

Pertsona bat artatu dute Erandioko auto-istripuan

Pertsona bat artatu dute Erandioko auto-istripuan

Pertsona bat artatu behar izan dute gaur goizeko 07:20ak aldera, Erandion izandako auto-istripu batean. Segurtasun Sailak zabaldu duenez, kamioi batek, furgoneta batek eta auto batek elkar talka egin dute N-637 errepidean, Erandioko udalerrian, Erletxerako noranzkoan. Zauriturik ez da izan, baina larrialdi-zerbitzuek pertsona bat artatu dute istripuaren lekuan bertan. Bestalde, istripuak hainbat kilometroko ilarak eragin ditu, Gurutzetaraino. Ibilgailuak errepidetik atera ostean, 09:00ak aldera berriz ireki dituzte errailak eta zirkulazioa normaltasunera bueltatu da.

  Jendartea  Erandio 2017-03-16 18:27

Parkingen arazoa berbabide, gaur, Astrabuduan

Parkingen arazoa berbabide, gaur, Astrabuduan

Gaur, eguena, batuko da auzo-asanblada Astrabuduko Josu Murueta kultur etxeko gela urdinean, 20:00etan, auzoan aparkatzeko dagoen arazoari "behin betiko konponbidea" emateko asmoz. Parkingari Konponbidea Orain! auzo-plataformak antolatu du ekimena, eta iragarri duenez Erandioko Udaleko zinegotziak gonbidatu ditu batzarrera, "euren iritzia ezagutzeko".

  Jendartea  Erandio 2017-03-16 18:15

Lutxanako geralekua mantentzea gura du Loiuko Udalak ere

Lutxanako geralekua mantentzea gura du Loiuko Udalak ere

Loiuko Udalbatzak aho batez onartu du Euskotreni eskatzea Lutxana eta Sondika arteko linearen bideragarritasun-plana egin dezan, zerbitzua zabalik mantentzeko helburuagaz. Erandioko Udalbatzak eskaera bera egin zuen aurretik.

  Kultura  Erandio 2017-03-16 17:39

Korrikari ondoetorria egingo diote barikuan Erandiogoikoan

Korrikari ondoetorria egingo diote barikuan Erandiogoikoan

Bihar, barikuan, martxoaren 17an, Erandiogoikoko auzokideek harrera egingo diote euskararen lasterketari. Arrasti osoan, zenbait jarduera izango dira Euskadi plazan antolatuko duten Korrika-festan.

  Jendartea  Erandio 2017-03-16 17:00

Emaiozu Bizia! ekimena aurton ere egingo du Erandioko Euskara Zerbitzuak

Erandioko Udalaren Euskara Zerbitzuak Emaiozu Bizia! egitasmoa garatzen jarraituko du aurten ere, Osakidetzagaz elkarlanean. Ekimen horrek Gurasoek hizkuntza-transmisioa bere egin dezaten bilatzen du.

  Kultura  Erandio 2017-03-16 16:22

Erandioko Udal Musika Eskolak izen­-ematea zabaldu du gaur

Erandioko Udal Musika Eskolak izen­-ematea zabaldu du gaur

Erandioko Udal Musika Eskolak matrikulazio-epea zabaldu du eguen honetan, martxoaren 16an. Eskolako kideek hobeen egiten dutena erakutsiz hasiko dituzte eskolaren jarduerak, hau da, musika-emanaldia eskainiz. Hala, musika-eskolan irakasten dituzten 12 instrumentuen gaineko kontzertu-erakustaldiak entzun ahal izango dira, eguen honetan bertan, 18:30etik aurrera, Astrabuduko Josu Murueta kultur etxeko areto nagusian.

  Jendartea  Erandio 2017-03-17 12:00

Erandioko Udalak Auzoz Auzo egitasmoa indartuko du datozen asteotan

Erandioko Udalak Auzoz Auzo egitasmoa indartuko du datozen asteotan

Itxaso Martiarena Auzoetarako zinegotzia plazara irten da, Erandio Auzoz Auzo egitasmoa dinamizatzeko. Datorren martitzenean, hilaren 21ean, udaletxean batuko ditu auzotarrak eta elkarteak, goizeko 10:30etik 12:00etara. Martxoaren 27an, ostera,  Erandiogoikoko Gizarte Etxean izango da bilera, 19:30etik 20:30era.

  Politika  Erandio 2017-03-15 17:00

Gernikako Arbolaren kimu bat landatu dute Erandioko ertzain-hirian

Gernikako Arbolaren kimu bat landatu dute Erandioko ertzain-hirian

Ertzaintzak Erandion daukan base nagusian landatu zuten atzo Gernikako Arbolaren kimu bat. Gaur egun Gernikako Batzarretxean dagoen haritzaren senideak elkartu zituen atzo Eusko Jaurlaritzako Segurtasun Saileko eta Bizkaiko Batzar Nagusietako arduradun nagusi biak, aipatutako ertzain-hirian. Estefanía Beltrán de Herediak eta Ana Otaduik bota zituzten lehenengo palakadak euskal askatasunen sinboloa dan kimuaren gainean, Ertzaintzako agintariek eta Bizkaiko Batzarretako batzarkideek lagunduta.

  Kirolak  Erandio 2017-03-10 10:00

Lutxana Arraun Elkartea lehia denetarako prest

Lutxana Arraun Elkartea lehia denetarako prest

Ibaizabal itsasadarrak aulki mugikorreko arraun-estropaden egitarau zabala izango du datozen asteotan zein hilabeteotan. Daborduko, Lutxana Arraun Elkarteak jakinarazi du negu eta udaberriko egitaraua, Bizkaiko Arraun Federazioagaz batera antolatutakoa. Klubak bost hitzordu ipini ditu ekainaren 4ra bitartean.

  Ekonomia  Erandio 2017-03-09 13:29

Iraupen luzeko ikastaroak gazte eta langabetuentzat, Erandioko Behargintzan

Erandioko Udalak prestakuntza-eskaintza berri bi zabaldu ditu bertoko herritarrek udalerrian lan egin ahal izan dezaten. Alde batetik, zenbait ikastaro prestatu dituzte 45 urtez gorako langabetuentzat eta langabezian luze egon diren edo bazterketa-arriskuan dauden 31 urtez gorakoentzat.

  Gazteok  Erandio 2017-03-09 12:00

Gazte-ikastaroak martxan ipini ditu Erandioko Gazte Zerbitzuak

Gazte-ikastaroak martxan ipini ditu Erandioko Gazte Zerbitzuak

Gazteentzako ia 50 ikastaro antolatu dituzte Erandioko Gazteria Sailak, Berdintasun Zerbitzuak eta Txorierriko Mankomunitateak; gehienak uda aldera egingo badira ere, egunotan 9 ikastaro eta tailerretan izena eman daiteke.

  Jendartea  Erandio 2017-03-09 11:30

Itsasadarreko errepideaz jabetzeko “presarik ez” dauka Udalak

Bilbo eta Getxo bitartean bidegorri luze bat eraiki dezaten eskatzeko zenbait martxa zikloturista egin dira azken hilabeteetan. Portu Agintaritza prest agertu da Itsasadarreko lur horiek lau udalerriren esku uzteko: Bilbo, Erandio, Leioa eta Getxo. Halere, bidegorri hori egingo den ez dago argi, batez ere Erandioko zatian.

  Jendartea  Erandio 2017-03-09 10:00

Martxoaren 8ko Erandioko azken jarduerak egunotan izango dira egunotan

Emakumeen Nazioarteko Egunaren harira, egitarau zabala antolatu zuten Erandioko Berdintasun Sailak eta emakumeen elkarteek. Oraindino, zenbait hitzordu geratzen dira. Altzagako elkarteak bazkaria eta dantzaldia izango ditu gaur, ostegunean, 14:30etik aurrera, Azoka Zaharrean, aurretik izena eman duten emakumeentzat.

  Kirolak  Erandio 2017-03-08 14:32

Erandioztar bi, podiumean, Sahararen alde

Erandioztar bi, podiumean, Sahararen alde

Begoña Beristain eta Jon Salvador atleta erandioztarrek podiuma zapaldu zuten pasa den otsailaren 28an, Saharako Maratoian. Biak ala biak hirugarren postuan heldu ziren, Aljeriako basamortutik 42 kilometro luze bete ostean. Seme eta iloba banagaz batera lehiatu arren, Salvador indarrez oso ahul heldu zen helmugara, arkutik pasatu bezain laster zorabiatu egin zen.

  Ekonomia  Erandio 2017-03-08 12:38

Quirón ospitaleko beharginen beste greba bat, aztergai

Quirón ospitaleko beharginen beste greba bat, aztergai

Bariku honetan, hilaren 10ean, mahaiaren bueltan batuko dira Erandioko Quirón ospitale pribatuko sindikatuak eta enpresako ordezkariak. Batzar horren emaitzaren arabera, gerta liteke sindikatuek datorren eguaztenerako, martxoaren 15erako, deitutako greba-eguna berrestea ala bertan behera uztea.

  Politika  Erandio  Getxo 2017-03-08 12:22

Herri-harresiagatik zigortutakoen aldeko jaialdia izango da barikuan, Erandion

Herri-harresiagatik zigortutakoen aldeko jaialdia izango da barikuan, Erandion

Barikuan, martxoaren 10ean, ekimen berezi bat egingo dute Erandioko Kalezulo gaztetxean. 21:30etik aurrera, bertan izango dira Mafalda Valentziako ska, reggae, funk eta hardcore musika-taldea eta Huntza erromeria-taldea, "Aldapan gora!" kanta ezagunaren egilea; ondoren, Kurloi Ezkertiarren Esnea disko-jartzaileak goizeko 06:00ak arte girotuko du festa. Afaltzeko aukera ere egongo da. Ekimenaren helburua da Itzubaltzeta/Romoko gazte biren eta beste sei euskal herritarren isunak eta defentsa-gastuak kitatzea.

  Iritzia 2017-03-07 23:16

Aberrazioa aratusteetan: pederastiaren apologia mozorrotuta

Erabiltzailearen aurpegia Guillermo Malaina Martínez

Aratusteak ospatu aurretik ika-mika izan genuen mozorro batzuen diseinuagatik. Horietako batek helduentzako film pornografikoetan agertzen diren erizainen jantziaren itxura zuen.

Nabarmenak

Zorion agurrak