Hezkuntza  Erandio 2017-04-26 14:25

Martitzenean zabalduko dute matrikulazio-epea Erandioko haur-eskolek

Martitzenean zabalduko dute matrikulazio-epea Erandioko haur-eskolek

Haurreskolak Partzuergoak matrikulazioaren epea zabalduko du maiatzaren 2tik 12ra, Erandioko Udalak iragarri duenez. Hala, leku-eskaerak aurkeztu ahal izango dira Altzaga, Astrabudua eta Erandiogoikoko zentroetarako. Altzagan, leku libre bakarra dago, 0-1 urtekoen gelan; Astrabuduan, 6 leku daude 0 urtekoen gelan eta beste 5 urte batekoenean; azkenik, Erandiogoikoa beteta dago gaur egun. Denera, 96 leku dago.

  Hezkuntza  Lemoiz 2017-04-12 11:36

Lemoizko eskola "txiki" gelditu dela deitoratu dute

Lemoizko eskola "txiki" gelditu dela deitoratu dute

Azpiegitura egokitzeko eta handitzeko proiektua gaur egun bizi duten egoera hobetzeko baliagarria dela aitortu arren, eskola berri bat beharrezkoa dela aldarrikatu du bertako zuzendariak.

  Hezkuntza  Leioa 2017-04-06 13:20

EHU munduko 150 unibertsitate gazte onenen artean dago

EHU munduko 150 unibertsitate gazte onenen artean dago

Euskal Herriko Unibertsitatea (EHU) ageri da berriro ere duela 50 urte baino gutxiago sortutako unibertsitate onenen rankingean; "Times Higher Education" aldizkariak argitaratzen du unibertsitate gazteen sailkapen hori.

  Hezkuntza  Erandio 2017-04-05 12:30

Barikuan ospatuko dute Erandion Errukitasun kongregazioaren 200. urtemuga

Barikuan ospatuko dute Erandion Errukitasun kongregazioaren 200. urtemuga

Datorren azaroaren 1ean, Errukitasunaren Andra Mariaren Ahizpen Kongregazioak 200 urte beteko ditu, 1817an eratu zenetik. Hori dela eta, mendeurreneko zenbait ekitaldi prestatu dituzte daborduko. Besteak beste, Erandioko Jado ikastetxeko ikasle ohiei gonbidapena egin diete etzi, barikuan, eukaristia ospatu dezaten Altzagako elizan, 19:00etan.

Holandako ikasle talde bati harrera egin diote Getxoko udaletxean

Holandako ikasle talde bati harrera egin diote Getxoko udaletxean

Herbehereetako Amers Foort T Atrium institutuko ikasle talde bati harrera egin dio gaur Getxoko Udalak. Algortako San Nikolas ikastolak sustatutako hezkuntza- eta kultura-elkartrukean ekimenean parte hartzen dabiltza egunotan ikasle horiek denak.

  Hezkuntza  Getxo 2017-03-27 16:52

Ingurumen Aretoa zabaldu dute berriro Algortan

Ingurumen Aretoa zabaldu dute berriro Algortan

Getxoko Udalaren Ingurumen Aretoa zabaldu dute gaur, astelehenean, Larrañazubin. Romo ikastetxeko Lehen Hezkuntzako hirugarren mailako 24 ikasle joan dira bisita egitera. Bertan, birmoldatutako instalazioak ezagutzeko aukera izan dute. Udal iturriek jakinarazi dutenez, aretoak lau urtez itxita egon da, "aurrekontu-doikuntza batengatik". Orain, horren helburu nagusia honakoa da: ingurumenarekiko sentsibilizazioa eta gure inguruneko garapen jasangarria suspertzea, bertako berezko baliabideak baliatuz.

  Hezkuntza  Leioa 2017-03-27 16:22

Osasungintza euskalduntzearen aldeko itxialdia eta manifestazioa egingo dituzte, Leioako campusean

Osasungintza euskalduntzearen aldeko itxialdia eta manifestazioa egingo dituzte, Leioako campusean

EHUko Medikuntza Fakultateko eragileek antolatutako hainbat ekitaldi egongo dira aste honetan, Leioako campusean. Martxoan Euskaraz egitasmoaren barruan, Korrikaren 20. edizioaren dokumentala proiektatuko du Medikuntza Asanbladak, Gizarte eta Komunikazio Zientzien Fakultateko gune askean, martitzenean, 11:30etik aurrera. Osasungintzako Ikasle Mugimenduak, ostera, itxialdia eta manifestazioa antolatu ditu, eguaztenerako eta eguenerako.

  Hezkuntza  Leioa 2017-03-24 12:35

Bertsio kontrajarriak atzoko ikasle-grebaren inguruan

LOMCE, Heziberri eta EU2020 bezalako erreformak salatzeko, greba eta mobilizazioak egin zituzten atzo, unibertsitate mailan, Ikasle Abertzaleak (IA) antolakundeak deituta. Topatu.eus komunikazioa-proiektuak zabaldutakoaren arabera, "Hego Euskal Herriko unibertsitate eta ikastetxe ugaritan" egin zuten bat deialdiagaz. Euskal Herriko Unibertsitateko (EHU) agintarien berbetan, ostera, ikasleen greba-deialdiak "eragin txikia" izan zuen, hiru campusetan. "Jarduera akademikoa normala izan zen, nahiz eta ikastegi batzuetan gainerako egunetan baino ikasle gutxiago egon zen", gaineratu zutenez. Bideoa: TOPATU.EUS

  Hezkuntza  Berango  Erandio  Uribe Kosta 2017-03-22 16:59

Euskaraz ikasten jarraitzeko, Nahi Dudalako! ekimena

DBH euskaraz egin duten gazteek etorkizuneko ikasketak ere euskaraz egin ditzaten animatzeko Nahi Dudalako! ekimena ipini dute martxan aurten ere. Bizkaiko hainbat udalerrik parte hartzen dute proiektu horretan, tartean Uribe Kostako Berangok eta Erandiok.

  Hezkuntza  Leioa  Uribe Kosta 2017-03-22 16:53

EHUko irakasle kaleratuak: "Borrokak merezi du"

Iñigo Fernandez de Martikorena

EHUko irakasle kaleratuak: "Borrokak merezi du"

Apirilaren 1ean beteko dira 25 urte Euskal Herriko Unibertsitateak (EHU) bederatzi irakasle lanetik bidali zituenetik. Borrokan segitzen dute horietatik hiruk, irakasleria propioaren eta "konponbide duin eta justu" baten alde.

  Hezkuntza  Leioa 2017-03-16 22:34

Lan-baldintza duinak eskatu dituzte EHUko aurre-doktoreek

Lan-baldintza duinak eskatu dituzte EHUko aurre-doktoreek

Ikertzaile Aurre-doktoreen Asanblada sortu, eta protesta egin dute EHUko ikerlariek. Kexu dira EHUk Espainiako Gobernuarekin batera aurre-doktoreen kontratu mota "aldebakarrez eta gardentasun gutxiz" aldatu duelako. Gaur jakinarazi dutenez, dirudienez, presioaren eraginez, kontratuak aurreko egoerara aldatzen hasi dira; "lasaitasunez eta zuhurtziaz jokatzeko deia luzatzen dugu", Twitter sare sozialaren bidez ohartarazi dutenez.

  Hezkuntza  Leioa 2017-03-16 22:06

Ertzaintzaren "presentzia itogarria" salatu du IAk

Ertzaintzaren "presentzia itogarria" salatu du IAk

Hainbat ikaslek Gasteizko Letren Fakultateko kamerak hautsi ostean, Ertzaintzak lehenengo pisuan aurkitzen den ikasle gela "inguratu" eta "bertan zeuden arropa, ikasle-gelako atea, kartelak, pegatinak, kontseiluko ordenagailuko disko gogorra, hainbat ordenagailu eroangarri, pankartak zein bestelako materiala eroan", Ikasle Abertzaleak (IA) antolakundeak komunikatu baten bidez salatu duenez. Gaur gertatukoa "aspalditik datorren eraso errepresibo gisara" ulertzen du IAk; ikasle abertzaleek berbetan, "azken urteetan eta bereziki hilabete hauetan ertzaintzaren zein kalez jantzitako polizien presentzia itogarria baita Gasteizko campusean".

  Hezkuntza  Leioa 2017-03-16 18:46

EHUk "irmoki" arbuiatu ditu "errepikatzen ari diren erasoak"

Euskal Herriko Unibertsitateak zabaldutakoaren arabera, gaur goizean, 10:30ak inguruan, burua estalita zeukaten hamar bat lagun sartu dira Arabako campuseko Letren Fakultatean eta hainbat kalte egin dituzte: "kamerak hautsi, ate nagusietako baten kristala apurtu eta fakultateko ahots- eta datu-sarea hondatu, eta bertan zeuden langileak eta ikasleak izutu dituzte". Errektorego-taldeak "irmoki" arbuiatu ditu "errepikatzen ari diren euskal unibertsitate publikoaren aurkako eraso hauek" eta unibertsitateko kide denei dei egin die kontzentrazioa egitera bihar, martxoak 17, barikua, eguerdiko 12:00etan, Arabako campuseko Letren Fakultatean. Leioako Udalak ere gaitzespen-oharra plazaratu du.

  Hezkuntza  Leioa 2017-03-15 13:22

Martxoaren 23ko grebara deitzeko manifestazioa egingo du astelehenean IAk

Martxoaren 23ko grebara deitzeko manifestazioa egingo du astelehenean IAk

"Sistemari aurre egin! Herri-unibertsitatea eraiki" goiburuaren pean, ikasleak grebara deitu ditu Ikasle Abertzaleak (IA) antolakundeak, martxoaren 23an. Hala, astelehenean, martxoak 20, horretara deitzeko manifestazioa egingo dute, Leioako campusean; 12:30ean abiatuko dira, Mikel Laboa plazatik.

  Hezkuntza  Leioa 2017-03-15 13:03

Ekintzaren egileek "barkamena" eskatu diete kalteren bat jaso duten langileei eta ikasleei

Ekintzaren egileek "barkamena" eskatu diete kalteren bat jaso duten langileei eta ikasleei

Atzo Gizarte eta Komunikazioa Zientzien Fakultatean gertatutakoari buruzko ohar bat jaso du Leioatik! Leioako campuseko ikasle-proiektu komunikatiboak. Bertan aipatzen denez, "petardo bat eta ke-pote bat" baino ez zituzten bota; "izan ere, suaren alarmak aktibatzea zen helburua, ikasleen atentzioa deitu eta martxoaren 23ko greba-deialdia zabaltzeko". Gaineratu dutenez, "ekimenak ez zuen pertsonen aurka egiteko inolako helbururik". Hala, "elkartasuna" adierazi eta "barkamena" eskatu diete kalteren bat jaso duten langileei eta ikasleei.

  Hezkuntza  Leioa 2017-03-15 10:48

Leioako campusean gailu su-eragile bategaz egindako erasoa gaitzesteko elkarretaratzea egingo dute gaur

Leioako campusean gailu su-eragile bategaz egindako erasoa gaitzesteko elkarretaratzea egingo dute gaur

Euskal Herriko Unibertsitateak (EHU) agiri baten bitartez azaldu duenez, ezezagun batzuek Gizarte eta Komunikazioa Zientzien Fakultateko dekanotzari "eraso" egin zioten atzo, martxoaren 14an, Leioako campusean. Ondorioz, langile bat artatu behar izan zuten, EHUk gaineratu duenez. Unibertsitateak gogor gaitzetsi du "erasoa" eta elkarretaratzera deitu du gaurko (martxoak 15), fakultate ondoko Mikel Laboa plazan, 13:00etatik aurrera.

  Hezkuntza  Leioa 2017-03-15 10:05

Ikertzaileen duintasunaren aldeko kontzentrazioa gaur, Leioako campusean

Ikertzaileen duintasunaren aldeko kontzentrazioa gaur, Leioako campusean

Doktoregaien kontratuetan egindako aldaketaren aurrean, kontzentrazioa egingo dute, Leioako campusean, gaur, martxoaren 15ean. Euskal Herriko Aurre-doktoreen Asanbladak 11:30ean ipini du hitzordua, Mikel Laboa plazan; ostean, errektoretzara joango dira.

  Hezkuntza  Leioa 2017-03-10 18:35

EHUko errektoreagaz batzartu da gaur EH Bildu

EHUko errektoreagaz batzartu da gaur EH Bildu

EH Bilduk gizarte-eragile nagusiakaz partekatuko ditu aurrekontuei buruzko proposamenak; euren ekarpenak eta iritziak jaso gura ditu koalizioak. Hala, EHUko errektoreagaz hasi du gaur bilera erronda: Maddalen Iriarte, Miren Larrion eta Leire Pinedo EH Bilduko ordezkariak Nekane Balluerka EHUko errektoreagaz eta Lorea Bilbao gerenteagaz batzartu dira, Eusko Legebiltzarrean. Alde biak kezkatuta agertu dira "unibertsitate publikoaren finantziazio eskasagaz".

  Hezkuntza  Uribe Kosta 2017-03-01 18:07

Mihiluze lehiaketan jardungo dute zortzi ikastetxetako neska-mutilek

Mihiluze lehiaketan jardungo dute zortzi ikastetxetako neska-mutilek

Mihiluze Uribe Kosta lehiaketaren helburu nagusia da eskualdeko hizkuntz eta kultur ondarea zabaltzea. Uribe Kostako Zerbitzu Mankomunitatearen Euskara Zerbitzuak antolatu du lehiaketa, eta, jakinarazi duenez, zortzi ikastetxe dabiltza egitasmoan parte hartzen; Lehen Hezkuntzako 5. eta 6. zein Derrigorrezko Bigarren Hezkuntzako 1. eta 2. mailetako ikasleei zuzenduta dago lehiaketa. Batetik, martxoaren 6tik apirilaren 3ra arte, bost ataletan banatutako materiala www.mihiluzeuribekosta.com webgunean argitaratuko dute; atal bakoitza astebeteko maiztasunarekin publikatuko dute. 

  Hezkuntza  Leioa 2017-01-26 11:25

Bake-kultura sustatzeko ipuin-kontaketak hasi dituzte, Leioan

Bake-kultura sustatzeko ipuin-kontaketak hasi dituzte, Leioan

Leioako Udalak eta Gatazka Eraldatzeko Unibertsitate Zentroak (GEUZ) abenduan hasi zituzten Hitzaren Zuhaitza izeneko egitasmoko saioak. Hala, bariku honetan, urtarrilak 27, beste emanaldi bi eskainiko dituzte, Altzaga ikastolan. Josu Esnaolak eta Koro Gonzalezek kontatuko dizkiete ipuinak bertoko eskola-umeei, 10:15ean eta 11:30ean.