Tantak elkarteak beste Txiri txiri ibilbide natural bat antolatu du domeka honetarako, apirilaren 28rako. Hala, Urdulizko inguruneagaz konektatzeko aukera hobezina proposatzen dute antolatzaileek bi txandatan antolatuta: goizeko 10:00etatik 12:00etara eta 12:00etatik 14:00etara. 25 plaza daude libre txanda bakoitzean eta ibilbideen zailtasuna erraza izango da.

Xabier Buenetxea, Getxoko Udaleko Ingurumen Unitateko Faunaren Jarraipenerako taldeko kidea, izan da orain arte inbentariatuta ez zegoen hegazti-espezie berria aurkitu duena. "Arraroa" kategorian katalogatutako okil beltzaren berri eman zuen apirilaren hasieran, eta, aitortzen duenez, daborduko eskualde osora hedatu da: "Gorliz eta Unbe aldean ere antzeman ditugu".