Harpidetza sarrera

Zu zara giltza!

Babestu HIRUKAren komunikazio-proiektua.

Tokiko euskal prentsak Uribe Kostan egindako ibilbide luzearen oinordekoa da HIRUKA. Ez ginen honaino ailegatuko herritar ugarik azken hamarkada bietan egindako bultzada barik, eta era berean, proiektu honek irauteko ere ezinbestekoa izango da zuen ekarpena hemendik aurrera. Dohainik ipintzen dugu HIRUKA denen eskura, baina kalitatezko prentsa egitea ez da doakoa. Horregatik, egitasmo honi diruz laguntzeko deia egiten diegu minutuz minutu gure eskualdeko informazioaren berri euskaraz jaso gura duten denei.

Hala egitea aukeratzen baduzu, lehentasuna izango duzu egiten ditugun zozketetan, eta kalean egon baino lehenago eskuratuko duzu, zure helbide elektronikoan, paperean argitaratzen ditugun produktuen PDF bertsioa.

Formularioan zure datuak bete besterik ez duzu egin behar; pare bat minutu nahikoa izango duzu. Zenbatekoa zuk aukeratu, baina urteko gutxienekoa 35 euroan finkatu dugu.

Prentsa euskaraz, pentsa euskaraz!

HIRUKAlaguna zein HIRUKAbazkidea izateak onurak eduki badauzka:

Batetik, Uribe Kostako euskarazko komunikazio-taldearen bultzatzaile eta partaide izango zarela, Uribe Kostako euskararen normalizazioa eta erabilera bultzatzeko eta horretan ekiteko helburua eta eginbeharra dituen baliabide eta bitarteko honetako kide, lagun eta protagonista izango zarela; zure ekarpenagaz astekaria, atari digitala eta irratia bizi daitezen taupada izango zarela. Eskualdeko informazioa euskaraz jasotzea egikarituko duzula.

Bestetik, paperezko astekaria kalean egon baino lehenago irakurtzeko aukera izango duzula (horren pdf-a zure helbide elektronikora helaraziko dizugulako argitaratu baino lehenago), zozketetan lehentasuna izango duzula; publizitatean deskontuak; zorion-agurrak eta doan jartzeko aukera, eta aurrerantzean abantailak eskainiko dituen HIRUKAtxartela (garatze-bidean dago) izango duzula.

HIRUKA Kooperatiba Elkartearen BAZKIDEAK:

Egitasmoan barru-barrutik parte hartzeko aukera eskaintzen du; proiektuaren ibilbidea zehazteko hausnarketetan eta prozesuetan erabakitzeko ahalmena (maila ezberdinetan) dute bazkideek. Mota bitako bazkideak daude: Bazkide Erabiltzaileak eta Bazkide Laguntzaileak. (Hauetariko bazkidetza mota bat aukeratuz gero, estatutuen kopia bat jaso eta bazkidetza formalizatzeko dokumentuak bete beharko dituzu). Aukera horien informazio gehiago eta sakonagoa jasotzeko, ipini zuzenean gugaz harremanetan: hirukakoop@hiruka.eus / 944 911 337.