Iritziak jaso ostean, teknikariek ideia horien bideragarritasun ekonomikoa eta teknikoa aztertu dute. Azkenik, Udalak aurrekontuetan txertatuko diren proiektuak jakitera eman zituen. Kontuak hala, jasotako 44 ideietatik 23 onartu dituzte, horien artean, Berangoeta parkea estaltzea, bidegorrien tartea handitzea Gobela ibaiaren parean, Gobela ibaiaren ubidea hobetzea, hainbat errepide hobetzea, Berangorako sarreran sakanguneak ipintzea, paperontzi gehiago ezartzea udalerrian, kirolgunea hobetzea, eta bertan saskibaloi-zelai bat ipintzea, besteak beste.
Horiez gainera, aurrekontuetan txertatzeko beste 11 proposamen aztertzen dabiltza udal-teknikariak, berbarako metro-geltokiaren kanpoaldea egokitzea, Kurtzesetik geltokirako sarreran eskailera-mekanikoak ipintzea eta saskibaloirako kanastak jartzea parkeetan. Bestalde, Udalak gainontzeko 10 proposamenak baztertzea erabaki du, "bideragarritasun ezagatik".