Politika  Berango 2017-02-17 12:27

Dispertsioaren inguruko berbaldia, Joseba Azkarragaz batera

Euskal presoen dispertsioaren aurka lan egiten jarraitzen du Berangoko Sare taldeak. Joan den urtarrilaren 14an milaka gizon-emakumek Bilboko kaleak bete zituzten, dispertsio-politikaren ondorioak salatzeko. Horren ostean, herrira bueltatu eta behar horretan jarraitzeko ardura hartu zuten, herriz herri. Hala, berangoztarrek hurrengo hitzordua bariku honetan ipini dute, hilaren 17an: berbaldia antolatu dute, Berangoko kultur etxeko areto nagusian.

Ekimenaren antolatzaileek jakinarazi dutenez, dispertsioaren gaia jorratzeko Joseba Azkarraga Eusko Jaurlaritzako Justizia, Lan eta Gizarte Segurantza sailburu ohia eta Sare taldeko kidea gonbidatu dute. Hitzordua arrastiko 07:00etan ipini dute, eta, Azkarragaren berbaldiaz gainera, bideo-emanaldi laburtxo bat ere egongo dela aurreratu dute antolatzaileek.

2017/02/17 19:00

Berangoeta kultur etxea. Berango

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa