Kirolak  Berango 2017-04-07 09:00

Zapatuan herri-txangoa egingo dute Berangon, Osasunaren Eguna ospatzeko

Gaur, apirilak 7, Osasunaren Nazioarteko Eguna izango da. Hala, horren inguruan jarduera asko antolatu dituzte Uribe Kostako Zerbitzu Mankomunitateak eta Eusko Jaurlaritzaren Osasun Sailak, eskualdean. Hurrengoa bihar izango da, zapatuan, Berangon. Goizeko 10:30ean herri-txangoa izango da, nagusien etxetik irtenda. 3,6 kilometroko ibilbidea osatuta, leku berera helduko dira parte-hartzaileak.

Zapatuan herri-txangoa egingo dute Berangon, Osasunaren Eguna ospatzeko
Berangoko nagusien etxetik irtengo da txangoa. | Ikusi handiago | Argazki originala

Antolatzaileek azaldu dutenez, ibilbidea "zailtasun baxukoa" izango da. Martxaren helburuak dira jarduera fisikoa, bizitza era osasungarriagoa eta aisialdi aktiboagoa sustatzea, herritar denen artean. Horrez gainera, Udala eta Nagusien Etxea lanean dabiltza, adineko biztanleek zahartze aktiboagoa bat izan dezaten, bizimodu sedentarioa saihestuz.

Ibilbidearen mapa

Uribe Kostako bosgarren Osasun Jaiaren egitaraua

Munduko Osasun Erakundea 1948ko apirilaren 7an eratu zen. Horregatik apirilaren 7a da Osasunaren Nazioarteko Eguna. Nazio Batuen Erakundearen osasun-agentzia horren kide dira 192 estatu gaur egun. Erakundearen helburuak nazioartean osasun-baldintzak hobetzea eta eritasunen kontra borrokatzea dira. Horretarako, ikerketak, garatu gabeko herrialdeetako gaixotasun endemikoen kontrako kanpainak eta sendagaien hedapena bultzatzen ditu, besteak beste. Genevan (Suitza) dauka egoitza.

2017/04/08 10:30

Berangoko nagusien etxea Berango

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa