Hala, Udal Gobernuak hasieran egitasmo bat bakarrik egiteko asmoa bazuen ere, azkenean bi egingo ditu.
Ostera, hurrengo baterako geratu dira galdetegian proposatutako beste aukera batzuk: ume-jolasen gunea eta pertsona nagusientzako kaleko gimnasia-gunea. Aipatutako lau aukerez gainera, auzotarrek bestelako ekimenak eskatzeko aukera ere izan zuten.
Prozesu parte-hartzailean Udalak gogorarazi zuenez, auzoko sarreran dagoen parkean lehen “bazeuden zabuak, baina kendu egin behar izan ziren, ez zutelako araudia betetzen eta hondatuta zeudelako”.
Aisialdirako ekipamendua auzoaren berrurbanizazio-proiektuagaz lotu du Udalak. Izan ere, datozen hilabeteotan zenbait lan egingo dituzte saneamendu-sarean, espaloietan, lorategietan, berdeguneetan, galtzadetan, eta abarretan. Horrez gainera, autoa uzteko gune berriak ezarriko dituzte San Jose auzoan; "sartu-irten eroso eta praktikoagoetarako zirkulazio-sistema bat" ere ipini gura du Udalak San Josen. Udal-iturriek diotenez, proiektua faseka egingo da. Behar horien kostua 300.000 euro ingurukoa izango da.