Marina Garcíak zuzendutako klubak zenbait abantaila izateko eskatu zuen onura publikokotzat jotzea. Izan ere, izendapen hori lortuta, kirol-elkarteak baldintza hobeetan eskatu ahal izango ditu erakundeetako maileguak, lehentasuna izango du kirol-ekipamenduetarako laguntzetan eta hainbat hobari izango ditu foru-zergetan. Erandio Kirol Elkarteak garrantzi handia eman dio balizko kirol-ekipamenduetarako laguntzei, aspaldidanik Ategorri futbol-zelaia zaharberritu beharra dagoela nabarmendu baitu; Udalari eskatu arren, horrek ez du gura zelaia bere gain hartu.
Dekretua
Egoitza aldaketa
Era berean, klubak Ez Ohiko Batzar Orokorra deitu du datorren eguenerako, martxoak 2, 19:30ean, Azoka Zaharrean. Gai bakarra izango dute eztabaidagai kirol-elkarteko bazkideek: Jado kaleko 1. atariaren ondoko BBKko bulego ohiaren lonja erosi, egokitu eta bertara eroan Bereterretxe kaleko egoitza soziala edo Zuzendaritza Batzordeak proposatutako operazio hori bertan behera uztea. Klubeko zuzendaritzaren arabera, gaur egungo egoitzak "ez dauzka beharrezko baldintzak" talde historikoarentzat.