Ekonomia  Erandio 2017-03-09 13:29

Iraupen luzeko ikastaroak gazte eta langabetuentzat, Erandioko Behargintzan

Erandioko Udalak prestakuntza-eskaintza berri bi zabaldu ditu bertoko herritarrek udalerrian lan egin ahal izan dezaten. Alde batetik, zenbait ikastaro prestatu dituzte 45 urtez gorako langabetuentzat eta langabezian luze egon diren edo bazterketa-arriskuan dauden 31 urtez gorakoentzat.

Gainera, Erandio udalerriko enplegu-planerako hautaketa egitean, kontuan hartuko da ikastaroetan parte hartu izana. Hala, "enplegagarritasuna hobetzearen alde egiten da, gizarteratze-prozesu gisa", Udalak adierazitakoaren arabera. Bestetik, Erandioko Udalak beste ikastaro-multzo bat antolatu du "lan-munduan sartzeko zailtasun bereziak dituzten" 30 urtez azpikoentzat. Lekuen erdia emakumeentzat izango da. Bizkaiko Foru Aldundiak hartuko du bere gain ikastaro denen kostua.

Interesdunek honako bitartekoen bidez eska dezakete argibide gehiago: 944 175 616 telefono-zenbakira deituz edo behargintza@erandio.eus posta elektronikora idatziz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa