Kirolak  Erandio 2017-03-10 10:00

Lutxana Arraun Elkartea lehia denetarako prest

Ibaizabal itsasadarrak aulki mugikorreko arraun-estropaden egitarau zabala izango du datozen asteotan zein hilabeteotan. Daborduko, Lutxana Arraun Elkarteak jakinarazi du negu eta udaberriko egitaraua, Bizkaiko Arraun Federazioagaz batera antolatutakoa. Klubak bost hitzordu ipini ditu ekainaren 4ra bitartean.

Lutxana Arraun Elkartea lehia denetarako prest
Lutxana Arraun Elkarteko arraunlariek hainbat domina irabazi zuten iazko Bizkaiko Txapelketan. © LUTXANA ARRAUN ELKARTEA | Ikusi handiago | Argazki originala

Domekan, hilaren 12an, lineako estropada izango da Sestaon; maiatzaren 1ean eta 20an, arlo bereko probak egingo dituzte, baina Lutxana eta Altzaga artean. Maiatzaren 28an, Bizkaiko Txapelketa prestatzeko estropada izango da, leku berean. Azkenik, ekainaren 4an jokatuko da aulki mugikorreko Bizkaiko Txapelketa, Lutxanatik Altzagaraino. Dominak Erandioko udaletxearen aurrean banatuko dituzte goiz berean; euria izanez gero, Azoka Zaharrean egingo lukete.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa