Kultura  Erandio 2017-03-16 16:22

Erandioko Udal Musika Eskolak izen­-ematea zabaldu du gaur

Erandioko Udal Musika Eskolak matrikulazio-epea zabaldu du eguen honetan, martxoaren 16an. Eskolako kideek hobeen egiten dutena erakutsiz hasiko dituzte eskolaren jarduerak, hau da, musika-emanaldia eskainiz. Hala, musika-eskolan irakasten dituzten 12 instrumentuen gaineko kontzertu-erakustaldiak entzun ahal izango dira, eguen honetan bertan, 18:30etik aurrera, Astrabuduko Josu Murueta kultur etxeko areto nagusian.

Erandioko Udal Musika Eskolak izen­-ematea zabaldu du gaur
Erandioko Musika Eskolako ikasle bat, tronpetaz praktikatzen. © ERANDIOKO UDALA | Ikusi handiago | Argazki originala

Kontzertua udalerriko 4 eta 6 urte bitarteko neska-mutilei eta euren gurasoei zuzenduta egongo da. Gaur egun hastapeneko mailetan dauden musika-ikasleek kanta "ezagunak eta oso dibertigarriak" joko dituzte, oholtzaren gainetik, Erandioko Udal Musika Eskolako iturriek aurreratu dutenez.

Eskolako musika-gelak daude Josu Muruetan eta Bekoa ikastetxean. Argibide gehiagorako, honako kontaktu-bideakerabil daitezke: smeskola@erandio.eus eta 944 170 453.

2017/03/16 18:30

Josu Murueta kultur etxea | Erandio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa