Pasa den eguaztenean jokatu zen Altzagako kiroldegian Hego Euskal Herriko Boccia Txapelketa. Iñaki Mentxaka erandioztarra nagusitu zen BC 4 kategorian, orain arte zeukan titulua berretsita. Mentxakaren atzean geratu ziren Carlos Loizaga eta José Ramón Orozko. Hirurak Fekoor taldeko kideak dira.
BC 5-Kiwi kategoriari dagokionez, Iñigo Mujikak irabazi zuen. Adam taldeko kidearen atzean sailkatu ziren Isidoro Sánchez (Adembi) eta Imanol Elkoroberezibar (Kemen).
Boccia kirol paralinpikoa da eta banaka, binaka eta taldeka joka daiteke. Joko-eremua pista lauki bat da. Bertan, pilotak bota behar dira, pilota zuritik ahalik eta gertuen; arerioen bolak urruntzea ere baliagarria da kirol horretan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!