Kirolak  Erandio 2017-04-05 12:00

Erandio-Erandio klasika zikloturista ez da berriro egingo

Azken 24 urteotan apiril-maiatz aldera egin izan den Erandio-Erandio martxa zikloturistak ez du beteko 25. urteurrena. Erandioko Txirrindulari Elkarteak azaldu duenez, “erabat ezberdina den proiektu berri bati ekitea erabaki dugu; egitasmo hori paregabeko antolakuntza-erronka izango da gure kluberako. Hala, Erandio-Erandio klasika zikloturista ez da egingo”.

Erandio-Erandio klasika zikloturista ez da berriro egingo
Erandio-Erandio martxa zikloturistaren artxiboko irudia. © JESUS GONZALEZ - ERANDIOKO TXIRRINDULARI ELKARTEA | Ikusi handiago | Argazki originala

Zehaztu dutenez, elkartearen jarduera berria triatloi bat izango da: “antolakuntza-erronka ezberdin horrek gogobetetzen gaitu, aurreko martxa antolatzen genuenean baino gehiago oraindino; irailean egingo dugu Erandioko lehenengo triatloia, BilbaoTrigaz elkarlanean. Bertan, modalitate horretako 200 kirolarik baino gehiagok parte hartuko dute”, aurreratu dute Erandioko Txirrindulari Elkarteko kideek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa