Lehiaketan erandioztar guztiek eta udalerriko ikastetxeetako ikasleek ere parte har dezakete euskaraz idatzitako narrazio, ipuin edo bertsopaperak bidaliz. Antolatzaileek iragarri dute parte hartzaile kopuruaren eta adinaren arabera erabakiko dituztela kategoriak eta saridunak erabakitzeko herriko kulturagaz edo euskal munduagaz zerikusia duten talde edo norbanakoak aukeratuko dituzte.
Saridunek 80 eta 100 euro bitarteko balioa duten sari-txartelak jasotzeaz gain, bestelako sorpresaren bat ere izango dutela aurreratu dute antolatzaileek; kategoria bakoitzeko hiru sari emango dituzte.
Lehiaketako idatziak martxoaren 22ra arte bidali daitezke, bai Erandioko Udaleko Euskara Zerbitzuan, Irailaren 23a plazan edo norberaren ikastetxean. Hala ere, antolatzaileek "papera ekiditeko" lanak lotura honetako formularioaren bitartez bidaltzeko ere eskatu dute.