Lehenengo solasaldia 17:30ean hasiko da, Algortako Azebarri kultur elkartearen egoitzan, "Euskaraz ikastetik euskaraz bizitzera" izenburupean. Bigarrena gazteleraz izango da, 19:30etik aurrera, Itzubaltzeta/Romoko Boluntariotza Zentroan, "¿Matricular a tus hijos/as en euskera aunque tu no lo sepas?" goiburupean. Ekimenak Eusko Jaurlaritzaren, Bizkaiko Foru Aldundiaren eta Sendiren laguntza dauka.
Imanol Landa Getxoko alkateak bi eta hiru urteko seme-alabak dituzten familiei informazio eskutitza bidali die aipatutako solasaldien, ikastetxeetako aurre-matrikulazio kanpainaren eta heziketa elebidunaren garrantziaren berri emateko. Ildo horretan, alkateak gogoratu du B ereduak eta, batez ere, D ereduak eleaniztasuna bermatzen dutela, "eta horri esker seme-alabek hemengo bi hizkuntza ofizialetan, euskaraz zein gaztelaniaz, ederki hitz egiteko aukera bermatzen da. Bestalde, hirugarren edo laugarren hizkuntza errazago ikasteko bidea irekitzen du , eta bide batez, etorkizunerako aukera gehiago izango dituzte”.
Pertsona interesatuek Udaleko Euskara Zerbitzuan eman beharko dute izena urtarrilaren 22a baino lehen, 944 660 010 telefono zenbakian edo euskara@getxo.eus helbide elektronikoan; toki kopuruak mugatuak izango dira hitzordu bietan.