Ebakuntzaren aurretik, Mutua Navarrako mediku-zerbitzuek eta Osasunbideko Hidalgo traumatologia-doktoreak txirrindularia aztertu dute. Ondoren, Recarte eta Lecumberri traumatologia-doktoreek osteosintesia egin diote hausturan, ukondoa mugitu ahal izatea bermatuko diona.
Movistarren arabera, "zazpigarren lepo ornoaren hausturarako medikuek prozedura kontserbadorea hobetsi dute" eta kortse bat ipiniko diote, babes torazikogaz eta masailezurrekoagaz; kortsea hilabete bi eroan beharko ditu Castroviejok. Ebakuntzaren ondorengo eboluzioaren arabera bada ere, medikuek aurreikusi dute itzubaltzetarra datorren astearen hasieran ospitaletik atera ahal izango duela.