Endika Basaguren Ansoleaga artista berangoztarraren "Helmugak" margo-erakusketa joan den zapatuan, urtarrilak 7, zabaldu zuten, Algortako Torrene aretoan. Urtarrilaren 29ra arte, domeka, bisitatu ahal izango da; sarrera, doan. Ordutegia ondokoa izango da: eguaztenetik barikura, 11:00etatik 13:00etara eta 17:00etatik 20:00etara; zapatuetan, 12:00etatik 14:00etara eta 18:00etatik 21:00etara; eta domeketan, 12:00etatik 14:00etara.
Oraingo honetan, itsas-pinturen genero piktorikoaren aukeraketa aurkezten digu Basagurenek. Euskal Herrian garrantzi handia dauka genero horrek, itsaso ondoan bizi garelako eta euskal ekonomiaren eragileetako bat delako; baina, batzuetan beldurra ere eragiten du. Margolari berangoztarrak beldur hori ikusteko gai izan da, eta zuzenean irudikatzen jakin du. Itsasoa munduko gauzarik ederrena izan daiteke, biziaren hasiera, edo guztiz kontrakoa: amaiera, heriotza.
Siriako gatazkak Basagurenek itsas-pinturak prestatzen zebiltzala hasi zen, eta ezin izan zuen beste alde batera begiratu; bere itsas-pinturetarako gai bihurtu zen. Kritika soziala eta politikoa egiten dute beti bere lanek; izan ere, artistak ez du edertasun hutsa bilatzen; errealitatea bilatzen du, hura itsusia bada ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
