Kirolak  Getxo 2017-03-09 13:21

Errugbia, partaidetza zabaltzeko tresna gisa

Pasa den azaroaren 26tik gaur artean, liga berezian jokatzen dihardu Getxo Rugby Taldeak. Aipatutako egun horretan, trebetasun ezberdinak dituzten kirolzaleei errugbian entrenatzeko aukera eman zieten, lehenengo aldiz, Faduran. Ekimenaren arrakastari esker, daborduko hirugarren saio publikoa egin dute; ordu beteko entrenamenduak irekiak dira parte hartu gura duenarentzat, eta jokalariek ohiko hirugarren denboraz gozatzeko aukera izaten dute.

Errugbia, partaidetza zabaltzeko tresna gisa
Orain arte egindako azken entsegua. © AITOR URIARTE - GETXO RUBY TALDEA | Ikusi handiago | Argazki originala

Aitor Arri Getxo Rugby Taldeko jokalariak zuzentzen du taldea. Getxoko talde barneratzailea dibertsitate funtzionala dutenei zein ez dutenei zabalik dago. Taldearen helburua da errugbian ikastea, errugbiaz gozatzea, eta kirol horri lotutako baloreak norberak bereganatzea. Ekimena Uribe Kosta eta Haszten elkarteek eta Getxo Rugby Taldeak dinamizatzen dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa