Jendartea  Getxo 2017-03-09 15:33

Emakume bat atxilotu dute Getxon indarkerizko lapurreta egitea egotzita

Getxoko Udaltzaingoak 32 urteko emakume bat atxilotu du gaur, eguena, indarkeriazko lapurreta delitua egotzita.

Polizia iturriek jakinarazi dutenez, 11:50ak aldera, udaltzainek dei bat jaso dute Zugatzarte etorbidean pertsona batzuek beste bat atxiki dutela esanez, andre bati eskumuturreko erlojua lapurtzen saiatu delakoan.

Poliziak bertaratu dira eta, bertan, biktimak esan die emakume bat hurbildu zaiola lan bila zegoela esanez eta eskutik heldu diola. Azaldu duenez, elkar borrokatu ostean, akusatuak biktimaren eskumuturreko erlojua askatzea lortu du. Hala ere, erlojua lurrera erori eta, lekuko batzuei esker, erasotzailearen ihes egitea ekidin da. Poliziek jakinarazi dutenez, gertatutakoa egiaztatu eta lekukoen testigantzak bildu ondoren, ustezko lapurra atxilotu dute.

Iturrien arabera, eskumuturreko erlojuak 6.000 euroko balioa du.

Getxoko Udaltzaingoak ikertzen ari dira ea atxilotuak, Bartzelonan bizi denak, inguruetan jasotako beste salaketa batzuekaz zerikusia duen ala ez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa