Udalak bultzatutako ekimena da Getxo Txukun, auzotarren proposamen, behar eta kezkak zuzenean ezagutzeko, beren auzoa leku hobeagoa izan dadin. Programan, obra txikietarako dagoen aurrekontuagaz auzoetan egin daitezkeen hobekuntzak jasotzen dira.
Izan ere, egunotan, Bidebarri kalean, Sarrikobaso eta Illeta artean, espaloia zabaltzeko lanak egiten dabiltza. Astebete barru amaituko dira, eguraldiak laguntzen badu. Espaloia zabaltzeko, eta horregaz batera zoladura hobetzeko aurrekontua 54.500 eurokoa da. Halaber, Sarrikobaso eta Illeta kaleen arteko tartean oinezkoentzako pasabide bat ipini da daborduko.
Laster, espaloi zati berri bat ere egokituko da Kasune kalean, Bidebarri eta Salsidu etorbidearen artean; proiektu berean sartuta dauden lanak dira.