Getxoko Udaltzaingoak udalerriko auzokide bat atxilotu du, ustez iruzurra egiteagatik; aurretik lapurtutako kreditu-txartela legez kontra erabili zuen, udal-iturriek jakinarazi dutenez.
Ikerketa pasa den martxoaren 7an abiatu zuten, emakume batek kreditu-txartel bat lapurtu ziotela eta hori Barakaldoko metro-geltokian Barik txartela kargatzeko erabili zutela salatu zuenean.
Ikerketa-taldeko udaltzainek hainbat jarduera egin zituzten: metroaren segurtasun irudien eta txartela horren mugimenduen azterketaren bitartez jakin ahal izan zuten zein zen iruzurrezko erabilera horren egilea. Ikerketa pasa den martitzenean, hilaren 21ean, amaitu zen; aipatutako pertsona Algortako metro-geltokian atxilotu zuten. Getxoko auzokidea eta iruzur delitu arin bategatik ikertzen dabiltza; epaiketa arinaren zain geratu da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
