Jendartea  Getxo 2017-04-04 16:59

Aiboa metro-geltokiko sarbidearen segurtasuna hobetuko du Getxoko Udalak

Aiboa metro-geltokiko sarbidearen inguruan segurtasuna hobetzeko proposamena izan da bozkatuena Gobernu-taldeak bultzatutako aurrekontu parte-hartzaileen prozesuan. Hainbat aukeren artean bozkatzeko aukera izan dute herritarrek, joan den martxoaren 23ra arte. Guztira, 986 boto-paper jaso dira, eta horietatik 817 baliodunak izan dira.

Aiboa metro-geltokiko sarbidearen segurtasuna hobetuko du Getxoko Udalak
Aiboa metro-geltokia, artxiboko irudian. | Ikusi handiago | Argazki originala

Proposatutako zortzi proiektuen artean Aiboa metro-geltokiko sarbidearen segurtasuna hobetzea lehenetsi dute auzokideak. Egiteko horretarako 650.000 euro bideratu beharko direla aurreikusi du Udalak.

Ezarritako baldintzen arabera, Udalak erabaki beharko du aipatutako proiektuaz gainera bestelako proposamenen artean zein gauzatuko den, aurtengo udal aurrekontuan aurreikusitako milioi euroko diru-partida bete arte.

Amaia Agirre Gobernu Irekiaren zinegotziak oso positibotzat jo du herritarrek izan duten parte-hartzea, udal aurrekontuei ekarpenak egin ahal izateko aurten lehenengo aldiz martxan jarri den honetan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa