Kultura  Getxo 2017-04-10 16:47

Getxoko historian emakumeek egindako ekarpena aztertuko dute

David Beorlegi Zarranzek aurkeztutako "El asociacionismo femenino en Getxo (1960-2016)" lana aukeratu dute Getxoko historian emakumeek egindako ekarpenari buruzko III. Ikerketa-beka jasotzeko. Getxoko Udalak emango du 10.000 euroko beka hori, eta horren helburua da emakumeek historia eta bizitza kulturalean, sozialean, ekonomikoan edota politikoan egin duten ekarpena berreskuratzea eta ezagutzera ematea.

Hirugarren edizio honetarako zortzi proposamen aurkeztu dira eta, baldintzen arabera, beharrezkoa da aukeratutakoa urte-bukaerarako amaituta egotea.

Proiektuak Getxoko emakumeen elkarteen 1960tik orain arteko historia aztertuko du. Lana aurrera eroan ahal izateko, ahozko oroimena landuko du Beorlegik, "emakumeei egingo dizkien elkarrizketen bitartez, artxiboetan dagoen emakumeen ikusezintasunak suposatzen duen zailtasuna gainditu ahal izateko".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa