Jendartea  Getxo 2017-04-12 16:40

Gizon bat atxilotu dute Algortan, hainbat saltokitan lapurtzea egotzita

Getxoko Udaltzaingoak 38 urteko gizonezko bat atxilotu du gaur goizean, zenbait saltokitan lapurreta-saiakera eta beste batean lapurreta bat egitea egotzita.

Polizia-iturriek jakinarazi dutenez, atxilotutako gizonezkoak Algortako erdiguneko saltoki batean lapurtzen ahalegindu zen joan den martxoaren 13an. Establezimenduan sartu eta saltzailea laban bategaz mehatxatu ondoren, dirua eskatu zion. Hala ere, saltzaileak oihuka egin eta gaizkileak bertatik ihes egin zuen. Ondoren, apirilaren 6an, udalerriko estanko batean lapurtu zuen. Azkenik, joan den astelehenean, hilaren 10ean, beste denda bateko saltzailea mehatxatu ei zuen laban bategaz; hala ere, bezeroak heldu zirenean, ihes egin zuen.

Lehenengo lapurreta-saiakeraz geroztik, Udaltzaingoaren Ikerketa Taldeak fisionomiari lotutako arrastoakaz lan egin du, gertaeren ustezko egilearen identitatea aurkitzeko. Bere bila hasi ziren, eta gaur goizean atxilotu dute Algortako plaza batean.

Zenbait dilijentzia egin ondoren, atxilotua epailearen esku utziko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa