Domeka goizaldean ezezagunek lau edukiontziri su eman zioten Itzubaltzeta/Romoko Kresaltxu eta Santa Eugenia kaleen arteko bidegurutzean. Suteek zazpi ibilgailu kaltetu zituzten, baita lokal baten erakusleihoa eta inguruko etxebizitza baten kanpoaldea ere. Ondoren, Areetako Bidebarrieta kaleko beste edukiontzi bik hartu zuten su. Ikerketa zabalik dago, Ertzaintzaren esku.
Imanol Landa Getxoko alkateak gertaerak gaitzetsi ditu; bestalde, jakinarazi du, behar izanez gero, Udalak laguntza emango diela kaltetutako ibilgailuen jabeei.
Udal-iturriek zehaztu dutenez, hiru autok kalte larriak dituzte, beste laurak kalte arinagoak dituzte. Daborduko, horien jabeetako batzuk salaketak ipini dituzte Ertzaintzan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!