Aurreikuspenen arabera, eraikuntza-obra 2024ko udaren bukaeran amaituko da, eta etxebizitzak Alokabide sozietate publikoari emango zaizkio, kudea ditzan, 2025eko lehen hiruhilekoan. Eraikuntzaren kostua zazpi milioi euro ingurukoa da (BEZik gabe).
Blokea, “L” formakoa eta 6 solairukoa izango da, eta honako etxebizitza hauek osatuko dute: logela bateko 6 etxebizitza, 2 logelako 51 etxebizitza (horietako 3 mugikortasun urriko pertsonentzat egokituak), eta 3 logelako 11 etxebizitza, baita 68 garaje eta trasteleku ere, etxebizitza bakoitzeko bana. Etxebizitzen azalera erabilgarria 50 eta 90 metro koadro artekoa da, eta 4 metro koadrotik gorako azalera erabilgarria izango duen terraza bat ere izango dute.
Era berean, arduradunek zehaztu dutenez, proposatutako eraikuntzak ingurumena errespetatzen duen eraikuntza baten parametroei jarraitzen die, eta arreta berezia jarriko du funtsezko hiru alderditan: energia aurreztea (A kalifikazio energetikoa lortuko du, eraikuntza berdeagoei dagokiena, urteko energia-kontsumoa 50Kw/m2 baino txikiagoa dutenak), energia berriztagarriak erabiltzea eta ahalik eta karbono-aztarna txikiena uzten duten materialekin eraikitzea.
Obraren egikaritze-proiektuan jasotakoaren arabera, zuhaitz bat jarriko dute 7,5 metroz behin Puerto de Orduña kalean, 7 metroz behin Iturribide kalean eta 5 metroz behin egikaritze-unitatearen barruko oinezkoentzako pasealekuan. Berdegunean 13 zuhaitz landatuko dituzte, eta horiei Maidagan kalean jarriko dituzten hainbat lorezain gehituko zaizkie. Eta hiri-altzariei dagokienez, bankuak eta paperontziak ipiniko dituzte ere.
Udalak, eraikuntza-obrakaz batera, eraikin horren eta Metro Bilbaoko trenbideen artean geratuko den parke berria urbanizatuko du.