Carmen Diaz zinegotziak azpimarratu duenez, "espazio publikoan daude eskubide zibil eta politikoak, eta, horregatik, berdintasunaren alde egin nahi dugu. Ahalduntzean eta parte-hartzean aurrera egiteko, funtsezkoa da emakumeok gure arteko sareak ehuntzea, elkartrukea eta ikaskuntza partekatuak sortu ahal izatea".
Helburu horregaz, 50 hamar emakume getxoztar baino gehiago aritu dira lanean, azken urte eta erdiz, Getxoko Emakumeen Etxea diseinatzen eta eraikitzen. Proiektu hori eraikitze fasean dago, eta datozen hilabeteetan irekiko ditu ateak, Algortako Benturillena kalean. Hala, gaur, martxoaren 8a dela eta, gune horren berri eman gura izan diete getxoztarrei, binilo eta QR kodeen bidez, zinegotziak azaldu duenez: "Martxoaren 8a dela eta, gune honen berri eman nahi diegu getxotarrei, binilo eta QR kodeen bidez. Bertan, adin, jatorri eta jakintza desberdinetako emakumeek parte hartu duten eta laster guztion etxea izango den proiektu honen eraikuntza-prozesuari buruzko informazio guztia jasotzen da. Zatoz ezagutzera eta sartu proiektura, zure etxea baita”.
Emakumeen Etxearen aurkezpen kanpaina sabotatuta
Getxoko udal-iturriek zabaldu dutenez, Itzubaltzeta/Romoko Santa Eugenia plazan jarritako etorkizuneko Emakumeen Etxearen benetako tamainako planoa osatzen zuten biniloak sabotatu dituzte bart, eta ondorioz, behin betiko kendu dituzte. Getxoko Udalak Emakumeen Nazioarteko Egunaren harira antolatutako sentsibilizazio-kanpainaren barruan jarri zuen asteburuan planoa, aurtengo aldarrikapena emakumeek eremu publikoa okupatzeari buruzkoa baita. Kalteen ondorioz, aipatutako planoa kendu dute, proiektua ezagutarazteko hilaren 13ra arte bertan egotea aurreikusita zegoen arren.
Aurreko gauean, binilo batzuek ere kalteak jasan zituzten, eta konpondu egin behar izan zituzten.