Aretoetako batek 12 plaza izango ditu eta lanak egitera zuzenduta dago. Bertan hitz egiteko aukera emango da, betiere udal-liburutegiek zehaztutako arauak errespetatuz. Bigarren gela, 42 leku izango dituena, ikasteko soilik erabiliko da eta bertan isilik egon beharko da. Bi aretoetako plazei duela hilabete batzuk egokitutako erabilera publikoko Interneten nabigatzeko 11 plazak gehituko zaizkie.
Villamonteko kultur etxea eraberritzeko lehen faseak lokalaren irisgarritasuna, argiztapena eta aireztapena hobetu ditu, baita eremuen banaketa ere, besteak beste. Ikasgelakaz batera, laster erakusketa-areto bat ere eskainiko du, baita bilera-gela bat ere. Horiek guztiak gehituko zaizkie kultur etxeak hainbat elkarte eta kolektibori eskaintzen dizkien lau lagapen-aretoei.