Inaugurazio ekitaldia arrastiko 18:30ean hasiko da Muxikebarriko Ereaga aretoan, eta, bertan, surf, zinema eta kirol industriako gonbidatuek hartuko dute parte. Nobedadeak aurkeztuko dituzte, besteak beste, aurtengo dinamika jasangarri berria, SurfAid nazioarteko GKEarekiko lankidetza edo EITBgaz batera "Primeran” euskarazko streaming plataformarako garatu den Surfing 360 asmo handiko proiektuaren aurkezpena.
Egun horretan bertan, goizean, 09:30etik aurrera, proiekzioak, hitzaldi bat eta erakusketa bat izango dira Getxoko ikastetxeentzat, surfari eta iraunkortasunari buruz.
Eguenean, otsailaren 29an, eta barikuan, martxoaren 1ean, ikus-entzunezko industriari eskainitako bi jardunaldi izango dira. Gai hauek jorratuko dira, besteak beste: Euskadin ekoiztea eta banatzea, 2024an ikus-entzunezko ekoizpenaren gakoak edo Adimen artifiziala ikus-entzunezkoetan.
Barikuan ere, Fangalokan, eko-party bat izango da, non jaialdiaren dinamika jasangarria aurkeztuko den, María Martinez eta Laura Coviellaren film laburren proiekzioagaz eta Guillermo Gutierrez, Willy, Los Brazos-eko gitarra-jotzailearen kontzertuagaz.
Informazio gehiago eta jarduera egitarau osoa: https://bsff.eus/