Aurtengo aurrekontuetan Mesedeetako kalean aparkaleku publiko bat eraikitzea adostu zuten EAJk eta PSE-EEk PP alderdiagaz. Horren aurrean, Elkarrekin Podemosek deitoratu du proiektu hori eskaintzaren eta eskariaren azterketarik gabe egin dela. Are, jakinarazi du gobernu-taldeak aitortu duela ez duela Mesedeetako txandakako aparkalekuaren erabilerari buruzko daturik, "eta Areetako aipatutako aparkalekuan tarifak jaisteak izango lituzkeen ondorioei itxaron gabe". Hori dela eta, Elkarrekin Podemosen ustetan, Gobelako 90 plaza libreek azpiegitura berriak eraiki aurretik eskaintzen dituzten aukerak aztertu beharko lirateke, "inguruko obrek eragingo duten kostu eta inpaktuarekin".
Talde moreak gogoratu duenez, urteak dira oposizioko taldeek eskatzen dutela Algortako San Nikolaseko aparkalekuan oraindino libre dauden plazen egoera konpontzeko, "eta, azkenean, gobernu-taldeak iragarri zuen plaza horiek laster alokairuan aterako zirela". Hori horrela, Elkarrekin Podemosek uste du Gobelako plaza libreei ere irtenbidea emateko unea dela, "gobernu-taldeak aitortu zuenez, urtebete baino gehiago baitaramate hutsik, TAO zerbitzua Romon ezarri zenetik, hain zuzen ere".
Gogoratu du, gainera, inguru horretan hiru udal-aparkaleku daudela: Santa Eugeniakoa, 250 plaza guztira, "eta horiek guztiak okupatuta daude (213 emakida eta 27 alokairuan)"; Mesedeetakoa, 367 plaza, "horietatik 188 txandaka eta gainerakoak emakidan, denak ere okupatuta", eta, azkenik, Gobelakoa, "20 bat emakidan, 195 alokairuan eta 90 plaza libre inolako erabilerarik gabe".